Fróðskaparrit - 01.01.1962, Side 17

Fulli títtleikin av teim ymsu húðsjúkunum hjá eini tjóð 23
títtleikin hjá pityriasis eczemi. Eg haldi, at orsøkin er lut<
víst hon, at pityriasis og pityriasis eczem eru heldur illa
umboðað í sjúkrahústilfarunum, og lutvíst at pityriasis og
tí eisini pityriasis eczem eru munandi tíðari sjúkur í Før<
oyum enn í Danmørk. Regnmikla og sólleysa veðurlagið
í Føroyum man hava sína stóru skuld í hesum mikla títtleika.
Eins og væntandi er, er heldur nógv til av neuroderma*
tittum, munandi meir enn í sjúkrahúsatilfarunum. Á hin
bógvin koma acne vulgaris og prurigo Besnier fyri í sera
líkum lutfalsligum títtleika. Hetta seinasta kundi merkt,
at sjúklingar við prurigo Besnier nærum allir leita sær
viðgerð. Fulli títtleiki sjúkunnar hjá hesum fólkunum er
0,15 °/o. Eg haldi meg vera fullvísan í, at mikil trygd er
fyri hesum títtleika. Tá ið serlækni, ið er vorðin væl við
fólkið, vitjar inn í hús og spyr um nakar hevur húðsjúku,
er einki at ivast í, at hann fær samband við øll, ið fongd
eru við hesa sjúku. Prurigo Besnier er so plágandi sjúka
og tílíkur kleppur heima, at øll vilja leita sær ta hjálp fyri
hana, ið fæst. Mær eru eingi tøl kunnug um, hvussu mong,
ið áður hava havt prurigo Besnier, men nú eru loyst úr
hesum meini.
At enda sigur 6. talva frá teimum sjáldsamastu húð<
sjúkunum í Føroyum. Onkur fer ivaleyst at undrast á her
at finna sjúkur sum epidermophytia pedum og verrucae
plantae.
Epidermophytia er nú vorðin ein sonn syndaplága í
flestum størri býum, eins og m. a. Sylvest (1948) hevur
víst á. Vit geva tí gætur eftir, at bert eru 3 tilburðir við
sjónligum epidermophytia. Vegna tann nógv nýtta gummb
fótbúnan, gummistivlar og gummiskógvar, átti fótasoppur,
ið møguliga var fyri, at havt góðar vónir at sprottið fram
og gjørst sjónligur. Tí kann haldast, at fótasoppur, ið
hvussu er tá, ikki hevði fest røtur hjá føroyingum. í hesum
sambandi kann verða mint á, at á øllum tí kannaða økinum
var eingin baðstova. At eingin tilburður av verrucae plantae
er funnin hevur ætlandi somu orsøk.