Fróðskaparrit - 01.01.1962, Page 95

Louis Zachariasen
101
havn 1920—22. Formaður fyri »Collegium Academicum Faeroensis«
1933—42. Limur av Tórshavnar líkningarnevnd 1936—40. Formaður fyri
sFærøernes Fortsættelsessygekasse« 1938—47.
L. Z. var sera áhugaður fyri politikki og var tingmaður fyri sjálv-
stýrisflokkin 1940—43 og 1946—50. Tá ið heimastýrisskipanin kom í 1948,
og fyrsta landsstýrið varð sett, gjørdist hann varaløgmaður (1948—50).
Blaðstjóri av »Tingakrossi« var hann 1943—48. í 1948 var hann for-
maður fyri nevnd, ið fór til Keypmannahavnar og London viðvíkjandi
nýskipan av peningaviðurskiftum Føroya aftan á seinra heimsstríð. í
1949 gjørdist hann riddari av Dannebrog.
Hann hevði stórar gávur sum yrkjari, umsetari og høvundur. Nógv
vandaði hann sær um málið, og úrslitið bæði í bundnum og óbundnum
máli er valaverk eisini málsliga. Skaldsliga liggur eftir hann yrkinga-
savnið »Á leiðini«, 1951, umframt sálmar og sangir — egnir og umset-
ingar — og stuttsøgur; haraftrat týðingin til føroyskt mál av fyrsta parti
av »Faust« eftir Goethe (prentað í tíðarritinum »Varðin«).
Stóran ans hevði hann fyri søgu okkara, og tey seinru árini vóru eina-
mest vígd søgugransking og -skriving. Umframt greinar í »Varðanum«
liggur eftir hann á hesum øki bókin »Úr Føroya Søgu um ár 1700«,
sum hann gav út í 1952, og høvuðsverkið »Føroyar sum Rættarsam*
felag 1535—1655«, sum Fróðskaparfelagið gav út í trimum pørtum í
1959, 1960 og 1961, eitt stórarbeiði, hann legði nógva orku í. Hann
gjørdist limur av Fróðskaparfelagnum í 1959, men longu árið eftir, tann
30. aug. 1960, doyði hesin mentamaður, sum í eini 20 ár sum politikari
og rithøvundur kom at seta sín dám á politikk og mentunarlív okkara.
Arnbjørn Mortensen.