Morgunblaðið - 04.06.1992, Page 41

MORGUNBLAÐIÐ FIMMTUDAGUR 4. JLINÍ 1992
41
fluttist með foreldrum sínum barn-
ungur til Reykjavíkur og bjó þar til
dauðadags. Vilmar byrjaði strax sem
barn að aðstoða föður sinn í skósmíð-
inni og þegar á unglingsárum fór
hann að stunda verkamannavinnu.
Það kom strax í hans hlut sem elsta
bams í fjölskyldunni að hjálpa for-
eldrum sínum. Hann mun hafa
stundað sjómennsku um nokkurra
ára skeið, þá vann hann alllengi í
Fiskimjölsverksmiðjunni Kletti. Síð-
an stundaði hann hafnarvinnu hjá
Skipaútgerð ríkisins um 30 ára
skeið, eða þar til hann hætti störfum.
Vilmar kvæntist Klöru Huldu
Svanlaugsdóttur Thorstensen hjúkr-
unarkonu árið 1942 og eignuðust
þau 5 börn. Þau eru Eva, hjúkrunar-
fræðingur, Erna, framreiðslumaður,
Óli Viðar, rafeindavirki, Svanhildur
Edda, hjúkrunarfræðingur, og Bald-
ur Pétur, læknir. Öll eru þau gift
og barnabörnin munu vera tuttugu
og svo munu vera nokkur bama-
barnabörn.
Ég held að Vilmar hafí lifað ákaf-
lega hamingjusömu einkalífi. Hann
mat mikils og dáði konu sína. Börn
hans voru honum ákaflega kær og
þau risu undir því, þau eru öll mann-
vænleg.
Dagsbrún stendur í ákaflega djúp-
ri þakkarskuld við Vilmar. Hann var
traustur félagsmaður, um árabil
trúnaðarmaður, á vinnustað oft
kvaddur til vegna samninga og
ýmissa trúnaðarstarfa. Aldrei lét
hann sig vanta þegar mikið lá við
og var einn af þessum góðu mönnum
í kjarna Dagsbrúnar sem gerði félag-
ið sterkt og öflugt.
Vilmar var maður hávaxinn og
beinvaxinn og ljóshærður og bjartur
yfirlitum á yngri ámm. Þrekmikill
hugsjónamaður og tíðum fánaberi
félagsins 1. maí. Hann var vinsæll
af vinnufélögum Sínum enda mörg-
um kostum búinn, spaugsamur og
glettinn. Ég man að hjá skrifstofu-
stúlkum Dagsbrúnar var hann aufú-
sugestur og ef böm starfsmanna
voru á skrifstofunni sagði hann við
þau að hann væri „ljóti karlinn“.
En börn eru næm — þau sóttu til
hans.
Mér er sagt að það hafi verið
hugsjónaríkt glæsimenni sem var
fánaberi Dagsbrúnar, þegar Vilmar
á yngri árum var fánaberi. Hann var
róttækur í þjóðfélagsskoðunum, en
fyrst og síðast var hann Dagsbrún-
armaður. Síðustu árin átti Vilmaf
við vanheilsu að stríða og var af og
til á Vífilsstöðum síðustu árin.
Hann var lagður til moldar 2. júní
sl. og að eigin ósk fór útför hans
fram í kyrrþey.
Ég óska afkomendum hans öllum
blessunar og megi barátta og hug-
sjónir Vilmars um fegurra og réttlát-
ara mannlíf fylgja Verkamanna-
félaginu Dagsbrún.
Guðmundur J. Guðmundsson
formaður Dagsbrúnar.
Elsku afi okkar, Vilmar Herbert,
er dáinn. Fréttin kom okkur ekki
alveg á óvart en var þó svo sár þeg-
ar að henni kom. Sár vegna þess
að afí var okkur svo kær.
Afi var alla tíð mikið hraustmenni
þar til hann veiktist af lungnasjúk-
dómi fyrir nokkrum árum. Undanf-
arin tvö ár var afí oft mjög veikur
en náði sér alltaf ágætlega inn á
milli með dugnaði og lífsgleðinni
einni saman. I veikindum afa var
Hulda amma hans stoð og styrkur
og stóð hún eins og klettur við hlið
hans þar til yfir lauk.
Afi var einstakur maður og mikill
persónuleiki. Hann hafði ríka kímni-
gáfu og skemmtilega frásagnargáfu
sem kom öllum í gott skap sem í
kringum hann voru. Afí gat alltaf
séð skoplegu hliðarnar á tilverunni
og var sérstaklega hnyttinn í tilsvör-
um. Hann naut sín best í fámennum
hóp og var þá jafnan hrókur alls
fagnaðar. Aldrei minnumst við þess
að hafa heyrt hann hallmæla nokkr-
um manni, en stóð jafnan með þeim
er minna máttu sín'.
Afi var mjög stoltur af fjölskyldu
sinni, börnunum fimm, barnabörn-
unum sautján og litlu barnabarna-
börnunum sínum. Hann fylgdist vel
með okkur ölíum og var hreykinn
yfir hveijum sigri okkar í námi, leik
og starfi, hvatti okkur ef einhveijir
ósigrar urðu. Stoltastur var hann
{)ó yfír perlunni sinni, henni ömmu.
Á milli þeirra ríkti djúpur kærleikur
og virðing hvort fyrir öðru. Alltaf
var gott að koma í heimsókn til
þeirra í Stigahlíðina og fínna þá ein-
stöku hlýju og vináttu sem þau voru
svo rík af. Heimili þeirra var eins
ionar vin í kapphlaupi nútímans.
Vin þar sem kærleikur ríkti, kærleik-
ur sem umber allt og gefur lífínu
gildi.
Við þökkum afa allar þær góðu
samverustundir sem við höfum átt
með honum og geymum með okkur
góðar minningar um mann sem við
mátum mikils.
Elsku amma, megi Guð styrkja
þig og leiða í sorg þinni.
Kær kveðja.
Barnaböm.
t
Innilegar þakkir til allra, sem sýndu okkur samúð og hlýhug vegna
andláts og útfarar ástkærs eiginmanns, föður, tengdaföður og afa,
HAFSTEINS ORMARS HANNESSONAR
frá ísafirði,
Grandavegi 47,
Reykjavík.
Kristín Bárðardóttir,
Bárður Hafsteinsson, Edda Gunnarsdóttir,
Guðrún K. Hafsteinsdóttir, Einar Pétursson,
Hannes Hafsteinsson, Soffía Jóhannsdóttir
og barnabörn.
LA GEAR DAGAR 1 - 6 JUNI
Húfa og bolur á
1 kr.
A La Gear dögum gefum við viðskiptavinum
okkar sem kaupa skó tækifæri
á að tryggja sér húfu og bol á aðeins 1 krónu
Opið lauqardag 10-16
getffl
GEAR
LA
Laugavegi 62 Sími 13508
FYRSTIR & FRBMSTIR
í FJALLAHJÓLUM
SPECIAUZED USA urðu
fyrstir í heiminum til að
framleiða fjallahjól og hafa
síðan verið í fararbroddi og
boðið upp á bestu fjallahjól
sem völ er á, enda þrautreynd
af fremstu hjólreiðaköppum
heims við öll hugsanleg skilyrði
SPECIALIZED USA:
TÆKNILEG
FULLKOMNUN I
FARARBRODDI
NED OVEREND, FJORFALDUR HEIMSMEISTARI OG
FIMMFALDUR BANDARÍKJAMEISTARI, ER LIFANDI GOÐSÖGN
OG KEPPIR AUÐVITAÐ Á SPECIALIZED FJALLAHJÓLI.
SENDUM I
POSTKROFU
UM LAND ALLT
SKEIFUNNI I 1
VERSLUN SÍMI 679890 VERKSTÆÐI SÍMI 679891
OPIÐ
LAUGARDAGA
FRÁ KL. 10 -14
RAÐGREIÐSLUR