Morgunblaðið - 01.12.1993, Blaðsíða 60

Gæfan fylgi þér
í umferðinni
SlÓVÁgpALMENNAR

RAFRÆNT REIÐUFE
SlMÍ 691100, SÍMBRÉF 691(81, 'pÓSTHóLfYoÍÖ'/ AKUREYRI: HAFNARSTRÆTI 85
MIÐVIKUDAGUR 1. DESEMBER 1993
VERÐ I LAUSASOLU 125 KR. MEÐ VSK.
*
Onýt pera
Morgunblaðið/RAX
ALDREI er mikilvægara en í dimmasta skammdeginu að götulýsing
sé í góðu lagi og hvergi sjáist ónýt pera. Til þess er að sögn Aðal-
steins Guðjohnsen, rafmagnsstjóra, haft reglulegt eftirlit með allri
lýsingu og oft skipt um perur í ljósastaurum í heilu götunum í einu.
Hver ljósapera endist að jafnaði í um 2 ár og eru ljósastaurar á
svæði Rafmagnsveitu Reykjavíkur um 26.000. Sjálfvirk stýring sér
um að kveikja og slökkva á staurunum eftir birtuskilyrðum.
Utsöluverð á fituminni mjólkurafurðum hækkar í dag-
Smjör lækk-
ar um 28%
ÚTSÖLUVERÐ á mjólkurvörum breytist í dag. Verð á fitulitlum og
próteinríkum vörum lækkar en verð á fitumeiri vörum hækkar. Þannig
hækkar verð á undanrennu um 38%, skyri um 23% og fituminni osti
um 9% en smjörverð lækkar um 28%. Nýmjólkurlítrinn lækkar um eina
krónu en Fjörmjólk hækkar um 2 krónur.
Fimmmannanefnd, sem ákveður
verður á búvörum í heildsölu, ákvað
breytingar á útsöluverði mjólkurvara
í kjölfar breytingar á verðlagningu
mjólkur til bænda, þar som meira er
greitt út á próteininnihald framleiðsl-
unnar en minna út á fitu. 75% af
verði afurðastöðva til bænda verður
í framtíðinni miðað við prótein í
mjólkinni og 25% miðað við fitu.
Fitan safnast fyrir
Vilhelm Andersen, skrifstofustjóri
Mjólkursamsölunnar í Reykjavík, seg-
ir að nauðsynlegt hafi verið að breyta
verðlagningunni vegna þess að birgð-
ir af fítu séu orðnar vandamál.
Hann segir að nú sé verið að
færa verð til bænda og neytenda
nær því sem tíðkast í nágrannalönd-
unum og einnig nær því sem fram-
boð og eftirspurn á íslenskum mark-
aði kalli eftir. Gert sé ráð fyrir að
heildartekjur mjólkuriðnaðarins
verði óbreyttar. Vilhelm segir að
gert sé ráð fyrir samdrætti í sölu
þeirra afurða sem nú hækki verulega
í verði og því taki mjólkuriðnaðurinn
á sig nokkra áhættu með þessum
tilfærslun, en þær hafi verið taldar
nauðsynlegar.
ff Vv - % Verð-
■ breytingar
feÉÉtí jL á mjólkur-
ffiul afurðum
m jp V E R Ð I Ð %
var kr. er nú breyt.
Undanrenna, 11 45 62 +37,8
Skyr, 1 kg 120 148 +23,3
Ostur 17%, 1 kg 592 647 +9,3
Fjörmjólk, 11 66 68 +3,0
Nýmjólk, 11 66 65 -1,5
Léttmjólk, 11 66 65 -1,5
Rjómi, V4I 136 134 -1,5
Ostur26%, 1kg 709 696 -1,8
Smjör, 1 kg 532 382 -28,2
Starfsfólk Landakots
vann biðlaunamálið
SEX konur, fyrrum starfsmenn
St. Jósepsspítala á Landakoti,
fengu í gær viðurkennda með
dómi Héraðsdóms Reykjavíkur
kröfu sína til biðlauna í 6 mánuði
frá því að uppsagnir þeirra tóku
gildi þann 1. maí 1992. Þær fjár-
hæðir sem sjúkrahúsið var dæmt
til að greiða hverri konu voru á
bilinu 77-482 þúsund krónur. Fyr-
irhugað er að kveða upp dóma í
málum tveggja kvenna til viðbótar
í dag í Héraðsdómi Reykjavíkur.
Konurnar voru félagsmenn í
Starfsmannafélagi ríkisstofnana og
gegndu ýmsum störfum, svo sem
skrifstofustörfum og starfi læknarit-
ara eða ræstingastjóra. Landakot er
sjálfseignarstofnun en konumar
töldu sig eiga rétt til biðlauna eins
og um starfsmenn ríkisins væri að
ræða þar sem SFR var tilgreint sem
stéttarfélag þeirra í ráðningarsamn-
ingi og réttindi starfsmannanna skil-
greind með tilvísun til kjarasamninga
þess félags.
í niðurstöðum dómsins þar sem
fallist var á allar kröfur þeirra kem-
ur fram að SFR og stjóm St. Jós-
epsspítala hafi gert samning í maí
1987 þar sem samið hafi verið um
að réttindi og skyidur félagsmanna
SFR í starfi hjá sjúkrahúsinu skuli
vera hliðstæð þeim sem kveðið sé á
um í lögum um réttindi og skyldur
starfsmanna ríkisins en þar er ríkis-
starfsmönnum tryggð biðlaun séu
störf þeirra lögð niður án þess að
þeim bjóðist annað sambærilegt starf
eins og dómarinn taldi við eiga í
þessu tilviki.
Kvikmynd Stal-
lones tekin að
hluta hér á landi
ALLAR líkur eru á því að hluti næstu stórmyndar sem kvikmynda-
leikarinn Sylvester Stallone leikur í verði tekinn hér á landi á
næsta ári, en um er að ræða spennumynd sem byggð er á teikni-
myndasögunni Judge Dread sem gerist í framtíðinni. Leikstjóri
myndarinnar verður breski leikstjórinn Danny Cannon sem leik-
stýrði The Young Americans sem nú er sýnd í Háskólabíói. Tök-
ur á kvikmyndinni fara að mestu leyti fram í Englandi, en kvik-
myndagerðarmennirnir áætla að tökur hér á landi standi yfir í
2-3 vikur næsta haust.
Að sögn Sigurjóns Sighvats-
sonar hjá Propaganda Films í
Los Angeles var Danny Cannon
ásamt fleirum staddur hér á landi
í síðustu viku að kanna aðstæður
fýrir tökur myndarinnar, en þeir
eru væntanlegir til landsins á
nýjan leik um áramótin. Áætlað-
ur kostnaður við gerð myndar-
innar er, að sögn Sigurjóns, 50
millj. dollarar, en framleiðandi
myndarinnar er sá sami og fram-
leiddi mynd Olivers Stone, Wall
Street, með Michael Douglas í
aðalhlutverki. Augu kvikmynda-
gerðarmannanna beinast fyrst
og fremst að Landmannalaugum
og Sprengisandi, en gert er ráð
fyrir að um 150 manna hópur
komi hingað til að vinna að gerð
myndarinnar,
og er talið full-
víst að Sylvest-
er Stallone
verði í þeim
hópi.
Einnig
víkingamynd
Fleiri erlend-
staiione ir kvikmynda-
gerðarmenn
hyggja á tökur hér á næsta ári,
en bandaríski leikstjórinn Mich-
ael Chapman hyggst gera hér
víkingamynd á vegum New Line
Cinema. Hann var staddur hér á
landi fyrir skömmu á vegum Sig-
uijóns Sighvatssonar til að kanna
aðstæður.
13 manns hafa setið í varðhaldi vegna rannsóknar á máli fíkniefnahrings
Framsals krafist yfir Islend-
ingi með sænskan borgararétt
ÍSLENDINGUR með sænskan ríkisborgararétt er í gæsluvarð-
haldi í Stokkhólmi þar sem til umfjöllunar er krafa íslenskra yfir-
valda um að maðurinn verði framseldur hingað til lands vegna
rannsóknar á starfsemi umfangsmikils fíkniefnahrings, sem talinn
er hafa flutt inn a.m.k. hátt á annan tug kílóa af hassi og 3 kg
af amfetamíni á árunum 1992 og 1993. Maðurinn er grunaður um
aðild að innflutningi fíkniefnanna í málinu en þau voru jafnan
keypt í Ámsterdam og send flugleiðis til landsins þaðan eða frá
Lúxemborg. Gæsluvarðhald yfir meintum höfuðpaur þessa máls
var framlengt til 27. desember í Héraðsdómi í fyrradag. Hann
hefur verið í gæsluvarðhaldi frá 1. september og mun sitja einn
í haldi eftir að einum vitorðsmanninum verður sleppt úr haldi í
dag. Alls hafa gæsluvarðhaldsúrskurðir yfir 13 aðilum verið upp
kveðnir hér á landi vegna rannsóknarinnar.
Fíkniefnalögreglan varðist í
gær frétta af rannsókn málsins
og því hve mikið magn og hversu
margar smyglferðir væru komnar
upp á yfirborðið en fyrrgreindar
tölur um á annan tug kílóa af
hassi og 3 kg af amfetamíni komu
fram í Morgunblaðinu í septem-
ber, fljótlega eftir handtöku
meints höfuðpaurs fíkniefna-
hringsins í september og fjögurra
af þeim „burðardýrum“ sem hann
er talinn hafa notað í viðskiptum
sínum.
Niðurstöður rannsóknar máls-
ins bíða samkvæmt upplýsingum
Morgunblaðsins m.a. úrslita fram-
salsmálsins. Meðal þeirra þrettán
sem setið hafa í gæsluvarðhaldi
hér á landi vegna rannsóknarinnar
er annar íslendingur búsettur í
Svíþjóð. Sá hafði íslenskan ríkis-
borgararétt og gekk því greiðlega
að fá hann framseldan.
Hæstiréttur felldi í upphafi vik-
unnar úr gildi gæsluvarðhaldsúr-
skurð yfír konu sem Héraðsdómur
hafði gert að sitja í viku varðhaldi
vegna rannsóknarinnar. í dag
verður látinn laus maður sem set-
ið hefur inni í 10 daga vegna rann-
sóknarinnar og situr þá einn eftir
hér á landi meintur höfuðpaur
málsins sem er 38 ára gamall
maður.
Rannsókn máls þessa hófst þann
25. júlí síðastliðinn þegar tveir
menn, voru handteknir á Keflavík-
urflugvelli með um 3 kg af hassi
og 1 kg af amfetamíni í fórum sín-
um.