Morgunblaðið - 14.10.2001, Blaðsíða 1

MORGUNBLAÐIÐ 14. OKTÓBER 2001
235. TBL. 89. ÁRG. SUNNUDAGUR 14. OKTÓBER 2001 PRENTSMIÐJA MORGUNBLAÐSINS
STOFNAÐ 1913
Að vera
maður
sjálfur
Stefán Karl Stefánsson er einn
af okkar ungu upprennandi
leikurum. Um síðustu helgi var
frumsýnt leikritið Vatn lífsins
þar sem hann fer með aðal-
hlutverkið. Hann er því um
þessar mundir í þrem aðalhlutverkum í
Þjóðleikhúsinu og er að æfa fyrir það fjórða.
Hildur Einarsdóttir ræddi við hann um
starfið og um einelti en Stefán Karl hefur
unnið að því að kynna voveiflegar afleið-
ingar þess. Sjálfur var hann lagður í einelti
sem barn og unglingur./B2
Morgunblaðið/Golli
ferðalögHúsagarður í Berlín bílarTamið villidýr börnÆvintýraheimur bíóFlugur á vegg
Sælkerar á sunnudegi
Franskir kossar fyrir ríka frú
Matur er
menning fyrir
þann sem getur
melt hann.
Prentsmiðja
Morgunblaðsins
Sunnudagur
14. október 2001
B
Landhernaður
undirbúinn
10
Bíóblokkirnar takast
harðar á en áður
22
Leitin að nálinni
í nálastokknum
24
BRESKUR ráðherra sagði í gær að
bandamenn hefðu ekki í hyggju að
gera allsherjar innrás í Afganistan.
Landhernaður væri hins vegar lík-
legur en þá yrði treyst á takmark-
aðar aðgerðir.
Clare Short, ráðherra alþjóðlegra
þróunarmála, sagði að búast mætti
við hernaðaraðgerðum á landi en
ekki yrði um að ræða að gríðarlegur
fjöldi hermanna yrði sendur inn í
Afganistan í þeim tilgangi að leggja
landið undir sig. „Stórfelld innrás
verður ekki gerð,“ sagði Short í við-
tali við breska útvarpið, BBC.
Í máli hennar kom fram að bresk
yfirvöld færu yfir og samþykktu eða
höfnuðu öllum tillögum sem fram
kæmu um skotmörk. „Sprengjuárás-
irnar eiga að takmarkast við skot-
mörk sem tengjast þeirri vernd sem
talibanar veita al-Qaeda-samtökun-
um. Við eigum ávallt að leitast við að
þær bitni ekki á óbreyttum borgur-
um og um þá stefnu ríkir sátt,“ bætti
hún við.
Short sagði að mikið af hjálpar-
gögnum bærist þessa dagana til Afg-
anistans. Þeim flutningum yrði hald-
ið áfram næstu vikurnar til að koma í
veg fyrir hungursneyð í landinu í
vetur.
Stórinn-
rás ekki
í vændum
Lundúnum. AP.
SIGURGLEÐIN varð norður-
kóreskum knattspyrnumönnum að
falli í heimsmeistarakeppninni árið
1966, en þeim var varpað í fanga-
búðir eftir heimkomuna vegna
„ósæmandi fagnaðarláta“, að því er
fram kemur í nýrri bók.
Franski rithöfundurinn Pierre
Rigoulot rekur í bók sinni, Síðasta
gúlagið, örlög norður-kóreska
knattspyrnuliðsins sem kom öllum
á óvart með því að sigra Ítali 1-0 í
leik í heimsmeistarakeppninni árið
1966. Allir höfðu átt von á að Ítal-
irnir færu með sigur af hólmi og
var sigurgleði N-Kóreumannanna
þeim mun meiri. Þeir freistuðust
því til að fagna heldur óhóflega, að
mati yfirvalda, og supu raunar
seyðið af því í næsta leik er þeir
töpuðu fyrir Portúgölum.
Í bókinni segir að þáverandi leið-
togi Norður-Kóreu, Kim Il-Sung,
hafi álitið kvennafar, áfeng-
isdrykkju og skrípalæti knatt-
spyrnumannanna „borgaraleg,
andbyltingarleg, til marks um
spillta vestræna heimsvaldastefnu
og ekki sæmandi þegnum komm-
únistaríkis“. Við heimkomuna var
allt liðið dæmt til 20 ára fangabúða-
vistar. Pak Doo Ik, sem skoraði sig-
urmarkið, var sá eini sem slapp en
hann hafði ekki tekið þátt í fagn-
aðarlátunum vegna flensu.
Sigurgleðin
varð þeim
að falli
Mílanó. AFP.
♦ ♦ ♦
VARNARMÁLARÁÐHERRA
Úkraínu viðurkenndi í gær að
úkraínski herinn ætti sök á því
að Tu-154-flugvél á leið frá Tel
Aviv til Novosibirsk hrapaði í
Svartahaf 4. október sl. Yfirmað-
ur úkraínska flughersins, Vol-
odymir Tkashov, bauðst í gær til
að segja af sér vegna slyssins.
Varnarmálaráðherrann, Olex-
ander Kuzmuk, bað aðstandend-
ur fórnarlambanna afsökunar, en
allir sem um borð voru, 78
manns, fórust. „Við vitum að við
berum ábyrgð,“ sagði Kuzmuk,
en kvaðst þó ekki vita hvað hefði
valdið slysinu.
Ummæli hans koma í kjölfar
þess að rússnesk rannsóknar-
nefnd staðfesti á föstudag að
loftvarnaflaug hefði grandað
flugvélinni.
Evhen Martsjúk, formaður ör-
yggisráðs Úkraínu, hafði einnig
viðurkennt að úkraínskir her-
menn kynnu að hafa skotið
S-200-flugskeyti á vélina fyrir
slysni, en úkraínski herinn stóð
fyrir æfingum við Svartahaf er
slysið varð.
Úkraínumenn játa á sig sök
BANDARÍKJAHER hélt uppi hörð-
um loftárásum á skotmörk í Afgan-
istan í gær, eftir hlé á árásum vegna
heilags dags múslima á föstudag.
Ótti við sýklahernað fer nú vaxandi í
Bandaríkjunum, eftir að fjórða til-
felli miltisbrandssýkingar greindist í
New York.
Að minnsta kosti fjórar sprengjur
skóku Kabúl í dögun í gærmorgun
og sprengjur og stýriflaugar héldu
áfram að hæfa skotmörk í borginni
Kandahar eftir sólarupprás. Árás-
irnar á Kabúl beindust fyrst og
fremst að flugvallarsvæðinu, en pak-
istanska fréttastofan AIP hermdi að
sprengjur hefðu einnig hæft þorp í
nágrenninu og orðið nokkrum
óbreyttum borgurum að bana.
Bandarískar herflugvélar vörpuðu
einnig þúsundum pakka af mætvæl-
um og hjálpargögnum í ferðum sín-
um yfir Afganistan í fyrrinótt.
Hersveitir andstæðinga talibana í
norðurhluta Afganistans sögðust í
gær hafa haft betur í nokkrum við-
ureignum við her talibana og fullyrtu
að hundruð eða þúsundir talibana-
hermanna hefðu gengið þeim á hönd.
Heilbrigðisyfirvöld hvetja
fólk til að halda ró sinni
Fjöldi fólks leitaði til heilsugæslu-
stöðva og sjúkrahúsa í Bandaríkjun-
um eftir að fregnir bárust af fjórða
tilfelli miltisbrandssýkingar á föstu-
dag og alríkislögreglan gaf út við-
vörun um að hætta væri á frekari
hryðjuverkum á næstu dögum. Ótt-
ast margir að hefðbundin flensuein-
kenni séu merki um miltisbrand og
læknar hafa greint frá því að fólk
hafi hamstrað sýklalyf sem geta unn-
ið á veikinni.
Heilbrigðisyfirvöld hvöttu lands-
menn hins vegar til að halda ró sinni
og lögðu áherslu á að miltisbrandur
smitaðist ekki milli manna.
Óttinn við sýklahernað er ekki ein-
skorðaður við Bandaríkin. Mikil
hræðsla greip um sig í bænum Szeg-
ed í Ungverjalandi eftir að lyfjabox
með arabískri áletrun fundust þar á
gangstétt, að því er embættismenn
greindu frá í gær. Lék grunur á að
boxin innihéldu miltisbrand eða ann-
ars konar sýklavopn, en rannsókn
leiddi í ljós að einungis var um þung-
lyndislyf að ræða.
Þá voru fimm lagðir inn á sjúkra-
hús í Genúa á Ítalíu, þar af þrír her-
lögreglumenn, eftir að hafa hand-
leikið bréf með hótunum um
sýklahernað. Ekkert smit hafði þó
greinst í gær og var málið í rann-
sókn.
Arafat til fundar við Blair
Breska utanríkisráðuneytið
skýrði frá því í gær að Yasser Arafat,
leiðtogi Palestínumanna, kæmi til
fundar við Tony Blair, forsætisráð-
herra Bretlands, í London á mánu-
dag. Munu þeir ræða áhrif árásanna
á Afganistan á arabaheiminn og um
leiðir til að koma friðarferlinu í Mið-
Austurlöndum aftur á rekspöl. Ara-
fat mun einnig ræða við utanríkis-
ráðherrann, Jack Straw.
Bandaríkjamenn gera harðar loftárásir á Kabúl og Kandahar
Mikill ótti við sýklahern-
að í Bandaríkjunum
Reuters
Íbúar virða fyrir sér húsarústir eftir sprengjuárásir á Kabúl í fyrrinótt.
Reuters
Rannsóknarmenn í hlífðarföt-
um halda inn í byggingu dag-
blaðsins New York Times á
föstudag, eftir að grunsamleg-
ur pakki hafði borist þangað.
Búdapest, Genúa, Islamabad, London. AFP, AP.

Sjá bls. 10–12