Morgunblaðið - 14.10.2001, Blaðsíða 6
FRÉTTIR
6 SUNNUDAGUR 14. OKTÓBER 2001 MORGUNBLAÐIÐ
VIKAN 7/ 10 - 13/10
ERLENT
INNLENT
FYRSTU fjórhliða við-
ræður fulltrúa Íra, Breta,
Færeyinga og Íslendinga
fóru fram í Reykjavík á
fimmtudag. Halldór Ás-
grímsson utanríkis-
ráðherra sagði viðræð-
urnar tímamót og að
annar fundur hefði verið
ákveðinn á næstunni.
SEÐLABANKINN
greip inn í gjaldeyris-
markað á miðvikudag til
þess að fylgja eftir vax-
andi styrk krónunnar.
Styrktist hún um 2% og
sagði seðlabankastjóri
inngrip bankans byggjast
á að krónan hefði verið
orðin of veik.
VIÐ umræður á Al-
þingi á miðvikudag setti
Björn Bjarnason mennta-
málaráherra fram þá
hugmynd að flytja Rás 2
til Akureyrar. Með því
mætti nýta betur krafta
og húsnæði útvarpsins
þar og væri þessi hug-
mynd sett fram í ljósi
þróunar í byggðamálum.
FULLTRÚAR frá Evr-
ópuþinginu, fram-
kvæmdastjórn ESB og
nokkrum erlendum fyrir-
tækjum sem heimsóttu Ís-
land telja Íslendinga í
fararbroddi í notkun og
rannsóknum á umhverf-
isvænni orku.
STEFNT er að því að
kosið verði rafrænt í
nokkrum sveitarfélögum
við sveitastjórnarkosning-
arnar næsta vor. Hefur
dómsmálaráðuneytið und-
irbúið tilraun á þessu
sviði en breyta þarf lög-
um.
Um 70 verslanir
í Smáralind
SMÁRALIND, ný verslunarmiðstöð í
Kópavogi, var opnuð miðvikudaginn 10.
október og voru það þau Linda Mar-
grét Gunnarsdóttir, íbúi í Lindahverfi
og Smári Páll Svavarsson, íbúi í Smára-
hverfi, sem opnuðu Smáralind með því
að hleypa straumi á bygginguna.
Í Smáralind eru um 70 verslanir og
þjónustufyrirtæki. Gólfflötur hússins
er 63 þúsund fermetrar en verslunar-
rýmið um 33 þúsund fermetrar. Um 45
þúsund gestir komu í verslunarmið-
stöðina á fyrsta degi sem var um 20%
meira engert hafði verið ráð fyrir.
Aðeins austur-
vestur flugbraut
MEIRIHLUTI skipulagsnefndar
Reykjavíkur skipti um skoðun varðandi
framtíðarskipan Reykjavíkurflugvallar
eftir árið 2016. Er nú gert ráð fyrir að
einungis verði austur-vestur flugbraut
á næsta aðalskipulagstímabili en áður
var hugmynd um að norður-suður
brautin yrði framtíðarbrautin. Árni Þór
Sigurðsson, formaður skipulagsnefnd-
ar, segir að vegna fjölmargra athuga-
semda hafi verið breytt um stefnu og að
með þessu gefist tækifæri til betri teng-
ingar Landspítala og Háskóla Íslands.
Eignarskattar
afnumdir í framtíðinni
LANDSFUNDUR Sjálfstæðisflokks-
ins var haldinn síðari hluta vikunnar og
sagði Davíð Oddsson í setningarræðu á
fundinum að báðir stjórnarflokkarnir
væru því fylgjandi að eignarskattar á
fólk og fyrirtæki verði afnumdir í næsta
áfanga umbóta í skattamálum. Hann
sagði um fiskveiðistjórnunarkerfið að
hann hefði skipað sér í hóp þeirra sem
andsnúnir væru því að setja á veiði-
leyfagjald þar sem hann teldi það skaða
útveginn og landsbyggðina.
Árásir á Afganistan
BANDARÍKJAMENN og Bretar
hófu aðfaranótt sunnudags árásir á
hernaðarskotmörk og stöðvar
hryðjuverkamanna í Afganistan,
með það að markmiði að uppræta
hryðjuverkasamtök sádí-arabans
Osama bin Ladens, sem grunaður er
um að bera ábyrgð á hryðjuverk-
unum í Bandaríkjunum 11. septem-
ber.
Loftárásum var fram haldið alla
vikuna, yfirleitt að nóttu til en einn-
ig í dagsbirtu. Bandaríkjamenn og
Bretar segja árásirnar hafa skilað
miklum árangri, en talibanastjórnin,
sem skotið hefur skjólshúsi yfir bin
Laden og samverkamenn hans, seg-
ir þær hins vegar að mestu leyti
hafa misst marks. Fullyrða tals-
menn talibana að hundruð óbreyttra
borgara hafi fallið á fyrstu fimm
dögum aðgerðanna, en því vísa
bandamenn á bug. Ekki hefur verið
unnt að staðfesta tölur um mannfall,
þar sem talibanar meina erlendum
fréttamönnum að koma inn í landið.
Gert var hlé á árásunum vegna
heilags dags múslima á föstudag, en
Bandaríkjamenn hófu loftárásir á
skotmörk í Afganistan á nýjan leik
aðfaranótt laugardags. Mary Rob-
inson, mannréttindafulltrúi Samein-
uðu þjóðanna, hafði fyrr um daginn
farið fram á að hlé yrði gert á árás-
unum svo koma mætti nauðþurftum
til íbúa landsins áður en vetur gengi
í garð. Sagði hún hættu á að tugþús-
undir Afgana yrðu hungurmorða ef
ekki tækist að koma matvælum og
öðrum nauðsynjavörum til þeirra
fyrir miðjan nóvember.
Þess var minnst víða um heim á
fimmtudag að mánuður var liðinn
frá hryðjuverkaárásunum á Banda-
ríkin. Fjölsóttar minningarathafnir
voru haldnar í New York og Wash-
ington og í mörgum löndum var
flaggað í hálfa stöng við opinberar
byggingar.
118 manns fórust við
árekstur tveggja flugvéla á
Linate-flugvelli í Mílanó á
mánudag. Farþegaþota frá
SAS-flugfélaginu rakst á
litla þýska einkavél af
gerðinni Cessna í þann
mund er hún var að taka á
loft. Við áreksturinn fór
farþegavélin út af braut-
inni og skall á farang-
ursbyggingu, með þeim af-
leiðingum að gífurlegt
eldhaf blossaði upp. Allir
um borð í vélunum fórust,
auk fjögurra flugvall-
arstarfsmanna. Cessna-
vélin hafði farið inn á
ranga flugbraut, að sögn
vegna mannlegra mistaka
og slæms skyggnis.
BANDARÍSK yfirvöld
staðfestu í vikunni að þrjú
tilfelli miltisbrandssýk-
ingar hefðu greinst í Flór-
ída. Starfaði fólkið allt í
sömu byggingu í bænum
Boca Raton. Einn mann-
anna er látinn af völdum
sýkingarinnar en hin tvö
hafa hlotið sýklalyfja-
meðferð. Þá var eitt tilfelli
staðfest í New York á
föstudag. Er málið rann-
sakað sem hugsanlegt
hryðjuverk.
FRAMKVÆMDA-
STJÓRN Evrópusam-
bandsins heimilaði rík-
isstjórnum aðildarríkjanna
á miðvikudag að hlaupa
undir bagga með flug-
félögum, sem orðið hafa
fyrir miklu tjóni vegna af-
leiðinga hryðjuverkanna í
Bandaríkjunum. Banda-
rísk stjórnvöld hafa veitt
þarlendum flugfélögum 15
milljarða dollara aðstoð í
kjölfar árásanna.
ATVINNUREKENDUR vilja
fækka starfsfólki um 230 manns,
samkvæmt könnun Þjóðhagsstofn-
unar á atvinnuástandinu september-
mánuði, og fram kemur að fram á
mitt næsta ár mun draga enn frekar
úr eftirspurn eftir vinnuafli eða um
rúmlega 3%. Þetta er veruleg breyt-
ing frá sama tíma í fyrra, en þá vildu
atvinnurekendur fjölga um tæplega
700 manns á landinu öllu.
Fram kemur að þegar litið er til
landsins í heild er enn skortur á
vinnuafli í byggingariðnaði sem
nemur 0,5% af mannafla að með-
altali, en í iðnaði, verslun og sam-
göngum vildu atvinnurekendur
fækka starfsfólki.
Vildu fækka um 200 manns á
höfuðborgarsvæðinu
Þegar eingöngu er litið til höf-
uðborgarsvæðisins vildu vinnuveit-
endur fækka fólki um 200 manns nú
í haust, sem er um 0,5% af vinnuafl-
inu. Það er mikil breyting frá sama
tíma í fyrra þegar vilji var til að
fjölga um rúmlega 1.000 manns sem
er um 1,7% af vinnuaflinu. Fram
kom að vilji var til að fækka starfs-
fólki í verslun og veitingarekstri,
samgöngum, iðnaði og ýmiss konar
þjónustu við atvinnurekstur eða um
0,8–2,5% af vinnuafli. Eingöngu
vantaði fólk til starfa í byggingar-
iðnaði eða um 3,2%.
Fram kemur að fyrri kannanir
hafa sýnt að meiri sveiflur séu í
þessum efnum á höfuðborgarsvæð-
inu en annars staðar á landinu og að
eftirspurn eftir vinnuafli muni
minnka á næstu mánuðum á svæð-
inu í flestum starfsgreinum. Sé
áætlað að störfum muni fækka um
3% fram á vetur.
Ástandið er nokkuð annað á
landsbyggðinni en þar vildu at-
vinnurekendur fækka starfsfólki um
20 manns sem er 0,1% af vinnuafli.
Þetta er mun betra ástand en á
sama tíma í fyrra, en þá vildu at-
vinnurekendur fækka um 390
manns, að því er fram kemur í frétt
Þjóðhagsstofnunar. Breytt staða
skýrist einkum af lítilsháttar aukn-
ingu eftirspurnar eftir vinnuafli í
fiskiðnaði, verslun og í annarri þjón-
ustu eða um 0,2–0,8%. Eftirspurn í
byggingariðnaði minnkar hins vegar
mikið eða um 5,4%. Almennt talað
mun eftirspurnin á landsbyggðinni
minnka lítillega fram á vetur, en
áhrifanna kemur til með að gæta
mismikið eftir landshlutum, að því
er fram kemur í frétt stofnunarinn-
ar.
Atvinnukönnun Þjóðhagsstofnun-
ar er framkvæmd þrisvar á ári, í
janúar, apríl og september. Fjöldi
fyrirtækja í könnuninni var 315 og
eru þau í öllum atvinnugreinum
nema landbúnaði, fiskveiðum og op-
inberri þjónustu, að undanskildum
sjúkrahúsum. Svör bárust frá 265
fyrirtækjum og 255 fyrirtæki eru í
pöruðum niðurstöðum. Umsvif þess-
ara fyrirtækja eru um 44% af at-
vinnustarfsemi sem könnunin nær
til sem er um 70% af atvinnustarf-
semi í landinu.
Atvinnurekendur vilja
fækka um 230 manns
"
#$% &' (
)
*' +( (&
(& &'%(
(
,
-. & (
*( ( )
/
01$ & )
/(
)
/(
)
Umskipti í eftirspurn eftir vinnuafli, samkvæmt atvinnu-
könnun Þjóðhagsstofnunar
ÚTGÁFA nýrra ökuskírteina hefst
hjá ríkislögreglustjóra á mánudag,
en undirbúningur að framleiðslu
nýju skírteinanna hefur staðið yfir
frá því á síðasta ári. Um er að ræða
nýja gerð ökuskírteina sem eru mun
endingarbetri og öruggari, að því er
fram kemur í fréttatilkynningu.
Ekki er til tækjabúnaður hér á landi
til að framleiða slík skírteini, skír-
teinin verða framleidd hjá Bundes-
druckerei í Berlín í Þýskalandi sem
fékk verkefnið í útboði.
Í tilkynningunni segir að nýju öku-
skírteinin verði mun endingarbetri
og öruggari með tilliti til fölsunar.
Þau eru unnin með leysi-tækni þann-
ig að upplýsingar á kortinu og mynd-
in er grafin inní kortið sjálft. Vanda-
mál hefur verið með þau kort sem nú
eru í notkun vegna óeðlilegrar end-
ingar, þ.e.a.s. að myndirnar hverfa
stundum af skírteinum eða dofna
þannig að fólk verður óþekkjanlegt.
Smávægilegar breytingar verða á
útliti skírteinanna. Við afgreiðslu
ökuskírteina verða umsækjendur að
láta ljósmynd fylgja með umsókninni
þar sem ekki er lengur aðgangur að
myndabanka Reiknistofu bankanna.
Sólveig Pétursdóttir dómsmála-
ráðherra og Haraldur Johannessen
ríkislögreglustjóri munu taka við
fyrstu ökuskírteinunum á morgun.
Útgáfa nýrra
ökuskírteina
HÉRAÐSDÓMUR Reykjavíkur
dæmdi á fimmtudag karlmann í 3
mánaða skilorðsbundið fangelsi fyrir
kynferðislega áreitni gagnvart 11
ára stúlku. Maðurinn, sem er á
fimmtugsaldri, var einnig dæmdur
til að greiða stúlkunni 250 þúsund
krónur í miskabætur auk alls sak-
arkostnaðar.
Stúlkan var með fjölskyldu
sinni í Þórsmörk
Atvikið átti sér stað á svefnlofti í
skála Útivistar í Básum aðfaranótt 3.
desember árið 2000 en fjöldi manns
var samankominn í skálanum. Var
stúlkan þar með fjölskyldu sinni.
Maðurinn var ákærður fyrir að
þukla á stúlkunni innanklæða á baki,
maga og nálægt kynfærum. Hann
neitaði sök og kvaðst ekki hafa mun-
að eftir sér um nóttina vegna ölv-
unar.
Dómur héraðsdóms
var fjölskipaður
Dómur héraðsdóms var fjölskip-
aður í málinu og töldu héraðsdóm-
ararnir Valtýr Sigurðsson og Sigríð-
ur Ingvarsdóttir ákærða sekan um
þá háttsemi sem honum var gefin að
sök í ákæru ríkissaksóknara.
Pétur Guðgeirsson héraðsdómari
taldi hins vegar að sýkna bæri
ákærða. Taldi hann m.a. að ekki væri
hægt að útiloka það að annar maður
en ákærði hefði áreitt stúlkuna í um-
rætt sinn.
Skipaður verjandi ákærða var Sig-
urður Georgsson hrl. og skipaður
réttargæslumaður stúlkunnar Sif
Konráðsdóttir. Sigríður Jósefsdóttir
sótti málið af hálfu ákæruvaldsins.
Dæmdur
fyrir kyn-
ferðislega
áreitni
gegn barni