Morgunblaðið - 14.10.2001, Blaðsíða 56

„ÞEGAR ég leit í kringum mig, eft-
ir að hafa keyrt af stað frá flugstöð-
inni í Keflavík, og sá í fyrsta sinn
umhverfið fékk ég vægt áfall,“ seg-
ir Che fremur skömmustulega þeg-
ar talið berst í upphafi að því
hversu undarlegt það hlýtur að hafa
verið fyrir stelpu frá Hong Kong að
berja Ísland augum í fyrsta sinn.
„Þá rann nefnilega fyrst upp fyrir
mér hverskonar ranghugmyndir ég
hafði gert mér um landið. Til að
byrja með þá var allt grænt en ekki
hvítt og kuldinn bara þolanlegur.
Það var líka allt eitthvað svo autt
og yfirgefið, ekkert fólk, engin hús.
Ég vissi hreinlega ekki hvaðan á
mig stóð veðrið og fór að velta fyrir
mér hvað ég hefði eiginlega verið
að láta narra mig út í.“
Þessi unga og fjölhæfa dís er frá
fyrrum borgríkinu Hong Kong sem
nú tilheyrir Kína. Gullfalleg og fín-
gerð. Blátt áfram og vingjarnleg.
Dúðuð í dúnúlpu spyr hún blaða-
mann á kaffistofu Hótels Loftleiða
hvort honum sé sama þótt hún
snæði morgunverð meðan á viðtal-
inu stendur því dagurinn sé þétt-
skipaður, hver mínúta dýrmæt. Á
diskinum hefur hún valið sér
skinkusneiðar með sultu, tvö egg og
dreypir varlega á rjúkandi hvítu
kaffi.
Tilgangurinn með Íslandsreis-
unni er að leika í Maður eins og ég,
annarri kvikmynd Róberts Douglas
í fullri lengd, sem sló svo eft-
irminnilega í gegn með Íslenska
draumnum. Í myndinni leikur hún
asíska konu sem búsett er hér á
landi og kynnist íslenskum manni,
sem Jón Gnarr leikur. Þau fella
hugi saman og lýsir myndin sam-
bandi þeirra og viðbrögðum um-
hverfisins, fjölskyldna og vina.
„Ég get ekki annað en dáðst að
því fólki sem kýs að búa hérna en
þó sérstaklega þeim er numu landið
og völdu að festa rætur og byggja
sér bú á þessari litlu afskekktu
eyju. Ég hef líka orðið vör við að
hér leggja sig allir fram um að geta
verið stoltir af þjóð sinni og fóst-
urjörð.“
Fræg poppstjarna
Stephanie er landsfræg popp-
söngkona í Kína og þá sérstaklega
Hong Kong. Hún hefur gefið út
fjöldann allan af metsölulögum og
-plötum og unnið til margra verð-
launa. Hún er aukinheldur þekkt-
ara andlit en gengur og gerist í
poppheimi Hong Kong sökum þess
að hún hefur fengist talsvert við
fyrirsætustörf. Fyrir nokkrum ár-
um opnuðust síðan enn nýjar dyr
fyrir hana þegar henni bauðst kvik-
myndahlutverk. Vakti hún mikla at-
hygli fyrir frammistöðu sína og
vann til verðlauna. Síðan þá hefur
hún leikið í einum tíu myndum.
Það tók þá Róbert og Júlíus
Kemp framleiðanda nokkurn tíma
að finna réttu leikkonuna í hlut-
verkið. Þeir sáu hana fyrst í mynd
með annarri leikkonu sem þeir voru
að spá í. Þeim leist strax vel á
kraftinn í henni og settu sig í sam-
band við hana.
– Hvað var það fyrsta sem þú
hugsaðir þegar þér bauðst hlut-
verkið?
„Hvort ég myndi lenda í tungu-
málaörðugleikum. Fyrst hafði ég
ekki hugmynd um hvaða tungumál
ég þyrfti að tala og með hvaða
hreim. Hvort ég ætti að tala ís-
lensku, ensku eða kínversku. Það
olli mér miklum áhyggjum.“
Ævintýraþrá
– Hvað réð því að þú slóst til?
„Það var trúlega sambland af
góðu handriti, áhugaverðu hlutverki
og sannfæringarkrafti Róberts, Júl-
íusar og umboðsmannsins. Þeir
þurftu reyndar um leið að sannfæra
sjálfa sig um að ég væri sú rétta.“
Hérna hinkraði Stephanie við í
skamma stund, fékk sér kaffisopa
og var hugsi. Svo hélt hún áfram:
„Samt held ég að það sem réð
mestu sé óbilandi þörf fyrir að
reyna eitthvað nýtt og framandi,
gera eitthvað sem engum í kringum
mig hefur dottið í hug að gera áður.
Ég hef ríka ævintýraþrá.“
– Hvernig brugðust þínir nánustu
við þegar þú sagðir þeim að þú
værir að fara að vinna á Íslandi?
„Þeir gáfu mér trefil,“ segir
Stephanie og hlær dátt. „Prjónuðu
handa mér þykkan trefil og skildu
ekki alveg hvað ég var að hugsa.
„Hvers vegna?“ var ég reglulega
spurð.“
– Hvað var það sem heillaði þig
við handritið og hlutverk þitt?
„Hvað ég átti auðvelt með að
setja mig í spor beggja aðalpersón-
anna, asíska „útlendingsins“ og ís-
lenska karlmannsins. Þetta er
venjulegt fólk í hversdagslegum að-
stæðum. Sagan er þannig allt í senn
mjög einföld, mannleg og kröftug.
Sjálf hef ég upplifað að vera asísk-
ur „útlendingur“ þegar ég var við
nám í hagfræði í Los Angeles.
Þrátt fyrir opið og hömlulaust sam-
félagið var mjög margt sem ég
þurfti að venjast og laga mig að.
Þar að auki grassera örugglega
svipaðir fordómar hér og í Hong
Kong. Maður „á“ að vera með sín-
um líkum.“
Stórt hjarta Jóns Gnarr
– Hefurðu eitthvað kynnt þér af-
drif asískra kvenna sem verið hafa í
sömu stöðu og persóna þín?
„Já, aðeins. Allir segja mér að
það sé lögð gríðarlega mikil áhersla
á að maður aðlagist sem best ís-
lensku samfélagi og læri tungu-
málið sem allra fyrst. Annars nái
maður aldrei að komast inn í sam-
félagið, hvað þá fá vinnu. En á end-
anum hafa allir ólíka sögu að segja,
hvernig þeir komu hingað og hvern-
ig viðtökurnar hafa verið. Persóna
mín er sterk og reynir eftir bestu
getu að leiða hjá sér neikvæða
strauma, láta umhverfið ekki hafa
áhrif á markmið sitt sem er að búa
barni sínu örugga og hamingjuríka
tilveru.“
Stephanie fer því næst að ræða
um mótleikara sinn Jón Gnarr. Hún
segist hafa komist á snoðir um orð-
spor hans, að hann sé vinsæll grín-
ari en um leið umdeildur náungi
sem sumum finnist svolítið skrítinn.
„Ég kann ákaflega vel við hann.
Hann er mjög umhyggjusamur,
jarðbundinn náungi með stórt
hjarta. Hann hefur reynst mér vel
og okkur kemur vel saman.“
– Eru vinnubrögð manna bak við
myndavélarnar mjög frábrugðin því
sem þú átt að venjast í heimaland-
inu?
„Ekki svo mjög. Maður eins og
ég á að vera raunsæ og hrá og
kannski þess vegna er minna um-
stang í kringum tökurnar og þær
ganga hraðar fyrir sig. En annars
sýnist mér þið nálgast kvikmynda-
gerðina á mjög svipaðan máta.“
Hlakka til hvers tökudags
– Er Róbert Douglas leikstjóri
ólíkur þeim sem þú hefur unnið
með áður?
„Það rann ekki upp fyrir mér
fyrr en ég hitti hann í eigin persónu
hversu ungur hann er. Samt er
hann mjög þroskaður náungi og ég
á afar auðvelt með að skilja hvert
hann er að fara og hvers hann
væntir af mér. Hann á mjög auðvelt
með að skýra út hvað hann vill sem
gerir vinnuna svo miklu auðveldari
og skemmtilegri. Þannig hlakka ég
til hvers einasta tökudags.“
– Hvað tekur svo við að lokinni
þessari mynd? Stefnirðu á að láta
enn frekar til þín taka á Vest-
urlöndum – jafnvel freista gæf-
unnar í Hollywood?
„Næst er að taka upp meiri tón-
list, því ég er enn að reyna að sinna
henni af bestu getu. Síðan er aldrei
að vita hvað gerist. Hollywood
heillar vissulega og auðvitað vona
ég að Maður eins og ég opni nýjar
dyr fyrir mig. Ef ekki mun ég samt
alltaf búa að þessari skemmtilegu
lífsreynslu.“
Gefinn þykkur trefill
fyrir Íslandsreisuna
Leikkonan og söngkonan Stephanie Che frá Hong Kong er stödd hér á landi
við tökur á kvikmyndinni Maður eins og ég. Skarphéðinn Guðmundsson
drakk með henni morgunkaffi fyrir erfiðan tökudag.
Ljósmynd/Jean Marie Babonneau
Róbert Douglas leiðbeinir leikurunum Jóni Gnarr og
Sigurði Sigurjónssyni.
Ljósmynd/Jean Marie Babonneau
Che kann mótleikara sínum góða söguna og segir
hann umhyggjusaman.
Morgunblaðið/Jim Smart
Stephanie Che segist hafa mjög
mikla þörf fyrir að reyna eitt-
hvað nýtt og framandi.
Stephanie Che frá Hong Kong leikur annað aðalhlutverkið í íslensku myndinni Maður eins og ég
FÓLK Í FRÉTTUM
56 SUNNUDAGUR 14. OKTÓBER 2001 MORGUNBLAÐIÐ
Nemaafsláttur 15%