Morgunblaðið - 14.10.2001, Blaðsíða 21

LISTIR
MORGUNBLAÐIÐ SUNNUDAGUR 14. OKTÓBER 2001 21
F Y R I R K E N N A R A
Skráning og upplýsingar í síma 568 5010
Skeifan 11 b · Sími 568 5010 · skoli@raf.is · www.raf.is
Næsta nám hefst 17. október 2001
og því lýkur í apríl 2002
Tölvur og kennsluumhverfi
Þetta er áhugavert og skipulagt starfsnám ætlað kennurum. Námið er með skilaskyldri verkefnavinnu og lýkur
með lokaverkefni. Unnin verða raunhæf verkefni sem tengjast daglegu starfi kennarans. Að náminu loknu eiga
þátttakendur að hafa öðlast sjálfsöryggi í notkun tölvu og vera færir um að nota tölvur við dagleg störf.
Fjarnám okkar fer fram með aðstoð hugbúnaðar sem er notaður á Vefnum og kallast WebCT. En aðal styrkur
þessa náms felst í því að það er leitt af kennurum sem hafa reynslu af því að leiða fullorðna námsmenn í
fjarnámi og af því að kenna í grunnskólum landsins.
• Windows umhverfið
• Word ritvinnslan
• Excel töflureiknirinn
• Internetið og tölvupóstur
• Power Point
• Lokaverkefni
FRÆNDURNIR Karl Jóhann
Jónsson og Ómar Smári Kristinsson
deila með sér veggjum Mokka, kaffi-
hússins sígilda við Skólavörðustíg.
Þótt sýningin sé ekki stór, og valdi ef
til vill ekki tímamótum, gefur hún
ágæta innsýn í hugmyndaheim þess-
ara ungu listamanna.
Karl Jóhann málar portrett af al-
þýðuklisjum á borð við Sjómanninn
með pípuna, Páli Vilhjálmssyni – hin-
um sívinsæla kókoshnetudreng Guð-
rúnar Helgadóttur – og búálfinum
ágæta sem prýðir svo marga íslenska
einkaskrúðgarða. Slíkt kitschmakerí
– smekkleysa, hnoð eða listlíki – á sér
ættjörð í Bæjaralandi, þaðan sem
gauksklukkurnar koma. Þegar
bandaríski listmálarinn og mynd-
höggvarinn Jeff Koons gekk að eiga
klámdrottninguna og þingmanninn
Ilonu Staller, eða Cicciolinu, fóru þau
í brúðkaupsferð til Bæjaralands til að
dvelja sem næst uppsprettum smekk-
leysunnar.
Karl Jóhann málar persón-
ur og leikendur þessa ævin-
týraheims af mikilli innlifun,
og með vænum skammti af
skopskyni. Maður þarf að
hafa gaman af væmninni til að
geta náð árangri í slíkri list og
það virðist málarinn hafa.
Maður saknar þess eins að
hann skyldi ekki fá sér góða
hannyrðakonu til að sauma út
eftir málverkum, helst með
silkiþræði á flauel. Slíkt hefði
hámarkað þennan bráð-
skemmtilega hnoðmör.
Ómar Smári er af allt öðru
sauðahúsi þótt verk hans séu
ekki síður alþýðleg. Það er
myndasagan sem á hug hans
allan, og fylgja tvö hefti sýn-
ingunni, til kynningar á þeim herleg-
heitum sem koma skulu. Ómar Smári
undirbýr nefnilega myndasögubók og
er því eilítið heftur. Hann getur ekki
með góðu móti sýnt verk sín sem
skyldi, ekki frekar en rithöfundur
sem á erfitt með að dreifa köflum úr
skáldsögu sem enn er ekki komin út.
Af þeim fáeinu sýnishornum sem
hann gefur uppi má þó vænta spenn-
andi útgáfu. Smám saman erum við
að eignast góða myndasöguteiknara
sem bíða þess eins að framsæknir út-
gefendur veiti þeim verðugt tækifæri.
Á Mokka er með öðrum orðum sýning
sem gestir kaffihússins kunna vel að
meta. Það staðfesti hrifinn fasta-
kúnni.
Alþýðlegt viðmið
MYNDLIST
M o k k a ,
S k ó l a v ö r ð u s t í g
Til 16. október. Opið daglega
frá kl. 9:30-23:30.
MÁLVERK &
TEIKNINGAR
KARL JÓHANN JÓNSSON
&
ÓMAR SMÁRI
KRISTINSSON
Teiknimynd Ómars Smára.
Halldór Björn RunólfssonMálverk eftir Karl Jóhannsson.
MORGUNBLAÐINU hefur borist
eftirfarandi athugasemd frá Vig-
fúsi Ingvarssyni, tæknimanni
RÚV: „Vegna skrifa tónlistargagn-
rýnanda Morgunblaðsins um Moz-
art-tónleika Sinfóníuhljómsveitar
Íslands vil ég benda gangrýnanda
Morgunblaðsins, Ríkarði Ö. Páls-
syni, á að reyna að segja rétt frá
þegar hann skrifar gagnrýni.
Í grein sinni um Sinfóníutón-
leikana 11. október segir hann eft-
irfarandi um píanókonsert Moz-
arts.
„Entremont stjórnaði frá píanó-
inu og sneri því baki í hlustendur.
Fyrir vikið var ekkert lok á hljóð-
færinu til að senda út í sal., og
kann það að hafa verið ástæða þess
að þætti nauðsynlegt að magna
upp slaghörpuna rafleiðis. Því mið-
ur tókst ekki betur til en svo að
tónninn varð harla ópíanískur og
dósakenndur, auk þess sem stutt
en samt heyrilegt „delay“ var milli
hins lifandi ásláttar og þess sem
kom úr hátalarnum. Ef grannt er
leitað til að verja þessa ráðstöfun,
mætti svo sem telja sér í trú um að
stuttur og grunnur rafhljómurinn
væri nær ómi „tangentflygils“ fyrri
tíma, en einhvern veginn gekk það
ekki upp.“
Málið er að það þarf ekki að
verja eitt eða neitt varðandi ein-
hverja ímyndaða uppmögnun á pí-
anóinu. Þarna féll gagnrýnandinn í
þá gryfju þegar hann sá mig labba
inn á svið með hljóðnema og svo sá
hann hátalara í ljósará fyrir ofan
stjórnandann, hátalara sem hafa
verið þarna frá opnunartónleikum
Sinfóníunnar hinn 13. sept., vegna
smátölu sem formaður Sinfóníunn-
ar hélt vegna atburðanna í Banda-
ríkjunum hinn 11. september sl.
Ástæða þess að hljóðnemarnir
voru settir við píanóið var að Rík-
isútvarpið var að senda þessa tón-
leika beint út eins og ævinlega, og
það ætti Ríkarður reyndar að
vita.“
Athugasemd við
tónlistargagnrýni KVARTETT Kára Árnasonartrommuleikara heldur tón-
leika á Café Ozio í kvöld,
sunnudagskvöld, kl. 21.30.
Með Kára spila Sigurður
Flosason á saxófón, Ómar
Guðjónsson á rafgítar og Þor-
grímur Jónsson á kontra-
bassa. Á efnisskránni eru
kunnir og minna kunnir djass-
standardar frá síðustu öld.
Kvartett
á Café Ozio
VEGNA 15 ára afmælis Söng-
fugla, kórs félagsstarfs aldr-
aðra í Reykjavík, verður kór-
inn með söngskemmtun í
Ráðhúsi Reykjavíkur, í dag,
sunnudag, kl. 15.30. Kórfélag-
ar eru í kringum 50 og koma
víða við í lagavali sínu. Stjórn-
andi kórsins er Sigurbjörg
Petra Hólmgrímsdóttir. Und-
irleikari á píanó er Úlrik Óla-
son.
Söngfuglar
í Ráðhúsinu
Á UNDANFÖRNUM árum hefur
sálgæslu og geðhjálp verið gefinn
meiri gaumur en áður og meiri og
opnari umræða hefur farið fram um
þessi mál í þjóðfélag-
inu. Fleiri hafa
menntað sig og aukið
hæfni sína í þessum
greinum. Kirkjan hefur
ætíð sinnt sálgæslu og
prestar hennar hafa
fylgst með líðan þjóð-
arinnar frá því að
prestsembættið barst
til Íslands fyrir um
þúsund árum. Prestar
hafa, að öðrum ólöstuð-
um, veitt Íslendingum
meiri þjónustu en
nokkur önnur stétt á
þessu sviði. Mikilhæfir
sálusorgarar hafa allt-
af verið til í presta-
stétt. Sálusorgunar-
þjónusta kirkjunnar hefur orðið
fjölbreyttari á seinni árum með þátt-
töku presta í áfallahjálp á erfiðum
tímum og tilkomu sjúkrahús- og sér-
þjónustupresta. Höfundur þessarar
bókar er meðal fyrstu sjúkrahús-
presta landsins en sú stétt hefur fyr-
ir löngu sannað gildi sitt. Hann hefur
haldið erindi víða um land um mál-
efni sálgæslu, til dæmis sorg og
sorgarviðbrögð.
Bókin Í nærveru er hugsuð sem
hjálp fyrir þá sem vilja hlúa að and-
legri velferð annarra. Hún útskýrir
hvað það felur í sér að hlusta á aðra
og skilja þá. Bókin skiptist í nítján
kafla þar sem fjallað er um margar
hliðar sálusorgarinnar. Í inngangs-
kafla segir að sálgæslan sé „nokkurs
konar brúargerð, tenging á milli
Guðs og manns og manns og annars.
Hlutverk hennar er að græða,
hugga, styrkja, sætta og leiðbeina“
(bls. 10–11). Fyrirmynd sálusorgar-
ans er frelsarinn, hinn miskunnsami
Samverji allra manna sem hlustar án
þess að dæma. Kærleikur hans getur
komið fram breytingum á hjörtum
manna sem ekkert annað afl er
megnugt. Í nærveru hans öðlast
sálusorgarinn styrk sem hann getur
miðlað til reikulla manna. „Vaxtar-
takmark sálgæslunnar er Kristur“
(bls. 11). Sálgæslan byggist á þeim
mannskilningi að maðurinn sé ein
heild, líkami, sál og andi sem ekki
verði sundur skilin.
Af eðlilegum ástæðum er miklu
rými varið til umfjöll-
unar um þjáninguna,
gátu hennar og við-
brögð við henni, um
dauðann og viðbrögð
við honum er hann
heggur skarð í hóp ást-
vina. Áhersla er lögð á
að horfast í augu við líf-
ið og erfiðar tilfinning-
ar á raunastundum, að
þeim sé fundinn hollur
farvegur. Öll umhyggja
fyrir sjúklingum á að
hafa velferð þeirra að
leiðarljósi. Góður sálu-
sorgari sýnir skjól-
stæðingi sínum einlæg-
an áhuga og leyfir
honum að ráða ferð-
inni. Hann sýnir honum virðingu.
Það gerði Jesús sem vakti þannig og
efldi sjálfsvirðingu þeirra sem til
hans leituðu. Hann spurði: „Hvað
viltu að ég gjöri fyrir þig.“ Þetta ber
sálusorgaranum að gera í stað þess
að veita einfaldar lausnir sem ekki
eiga sér stoð í veruleikanum.
Í nærveru er ágætlega rituð bók.
Hún fjallar um mikilvægt efni sem
margir vilja fræðast um. Sjónarhorn
höfundar er sjónarhorn prestsins,
guðfræðingsins og trúmannsins sem
hefur mikla reynslu af sálusorgun
fólks í erfiðum aðstæðum. Það er
fengur að þessari bók og hún er mik-
ilvægt framlag til eflingar sálusorg-
unar kristinnar kirkju hér á landi.
Hún bætir úr mikilli þörf fyrir
fræðsluefni á þessu sviði. Bókin er
rituð á auðskiljanlegu máli.
Aðgát í nær-
veru sálar
BÆKUR
S á l g æ s l a
Höfundur: Sigfinnur Þorleifsson.
Útgefandi: Skálholtsútgáfan.
Stærð: 144 blaðsíður.
Í NÆRVERU, NOKKRIR
SÁLGÆSLUÞÆTTIR
Sigfinnur
Þorleifsson
Kjartan Jónsson
VERA Sörensen listamaður
verður með sýnikennslu í olíu-
málun í Gallerí Reykjavík á
morgun, mánudag, kl. 15-18. En
nú stendur yfir sýning Veru í
galleríinu og lýkur henni laug-
ardaginn 27. október. Gallerí
Reykjavík er opið mánudaga –
föstudaga frá kl. 13-18, laugar-
daga kl. 11-16.
Sýnikennsla í myndlist