Morgunblaðið - 14.10.2001, Blaðsíða 20
LISTIR
20 SUNNUDAGUR 14. OKTÓBER 2001 MORGUNBLAÐIÐ
Antikhúsgögn og gjafavörur
Ljósakrónur og lampar
Persnesk teppi og mottur
Gömul dönsk postulínsstell
Kristalglös og silfur
Ýmislegt áhugavert fyrir
safnara
Victoria Antik, Síðumúla 34, sími 568 6076
Antik er fjárfesting
Antik er lífsstíll
Opið mán.-fös. kl. 12-18,
lau. kl. 11-16.
ÞÆR Harpa Árnadóttir og Sari
Maarit Cedergren skipta Listasafni
ASÍ þannig milli sín að Harpa sýnir í
Ásmundarsal meðan Sari Maarit
nýtir sér gryfju hússins. Báðar fást
við litleysið í list sinni, hið hvíta og
möguleika þeirra gilda sem fólgin
eru í slíkri aðdreginni tjáningu.
Harpa sýnir málverk sem eru ein-
skorðuð við hvítan lit og ofurná-
kvæm blæbrigði hans á striganum.
Sari Maarit mótar hins vegar lág-
myndir í gips sem kalla fram línur,
inn- og úthyrndar, líkastar fari í
náttúrunni, sem listakonan tengir
bæði veðráttu og landslagi. Skoða
má línuna í þessum verkum sem
öldutopp á hjarni eftir að skafið hef-
ur, eða sem fjallsbrún í fjarska en
varast ber að túlka hana sem raun-
sæja landslagslýsingu. Þótt verkin
séu fullkomlega óhlutbundin og ekk-
ert augljóst sé þar að finna nær Sari
Maarit að miðla sannfærandi and-
rúmslofti með þessum einföldu gips-
myndum. Það er sem landslagið með
öllum sínum veðrabrigðum búi að
baki þessum einföldu verkum.
Engin slík náttúruleg viðmið er
hægt að finna í málverkum Hörpu.
Þau láta ekkert uppi um sig annað en
það sem upptalningin á hinum ýmsu
miðlum sem listakonan beitir gefur
til kynna. Það er þó allnokkuð, því
segja má að flöturinn í verkum
Hörpu sé unninn með ýmsu og
óvenjulegu móti. Harpa virðist
nefnilega ganga að verki sínu með
allan þann efa og óvissu sem hugsast
getur svo að hver mynd verður líkust
óræðu ævintýri án þess að of mikið
sé látið í ljósi um raunverulegan til-
gang.
Áhorfandinn er krafinn um tölu-
verða yfirlegu í von um að hann geri
sig næman gagnvart þeim smáatrið-
um sem sjást en sjást þó varla. Dauf
blettalína fetar sig yfir flötinn í einu
verkinu á meðan öðru er deilt í línur
með daufleitum blýanti. Línan kem-
ur í ljós undir hvítri málningunni en
gefur þó til kynna að upphaflegri
áætlun um skiptingu flatarins hafi
ekki alls kostar verið haldið til
streitu. Í enn öðru verki hefur yf-
irflöturinn sprungið undan misþorn-
un, en svo virðist sem það sé gert
með ráðnum hug að sprengja hann.
Þannig vinnur Harpa á mörkum
hins sýnilega og ósýnilega, hins ætl-
aða og hikandi, þar sem áhorfandinn
fær frítt spil til að túlka það sem fyr-
ir augu ber án þess að vera nokkurn
tíma viss um að hafa rétt fyrir sér.
Einna helst verður listakonunni líkt
við Jóhann Eyfells sem lítið gefur
uppi um það hvað sé hans verk eða
hendingarinnar. Trú lífinu og óverj-
andi inngripi þess í áætlanir okkar
heldur hún áfram að vinna á mörk-
um hins merkjanlega.
Frá sýningu Hörpu Árnadóttur í Ásmundarsal, Listasafni ASÍ.
Hluti af lágmyndum Sari Maarut Cedergren í gryfju Listasafns ASÍ.
Hvítt á hvítt
MYNDLIST
L i s t a s a f n A S Í ,
Á s m u n d a r s a l u r
Opið þriðjudaga til sunnudaga frá
kl. 14–18. Sýningunni lýkur í dag,
sunnudag.
MÁLVERK OG
LÁGMYNDIR
HARPA ÁRNADÓTTIR &
SARI MAARIT
CEDERGREN
Halldór Björn Runólfsson
KASA-hópurinn, eða Kammerhópur
Salarins, verður með tónleika í Tí-
brárröð Salarins í dag kl. 16.30. Á
efnisskránni verða eingöngu verk
eftir Mozart. Nína Margrét Gríms-
dóttir píanóleikari er einn af stofn-
félögum Kasa. „Við ætlum að reyna
að spanna feril Mozarts og byrjum á
verki sem hann samdi átta ára, Són-
ata fyrir flautu og píanó KV 14.
Hann samdi verkið fyrir sembal og
flautu eða fiðlu og gerði ráð fyrir að
selló gæti leikið með. Það eru til
tvær útgáfur af verkinu, og við Ás-
hildur sem leikur verkið með mér
ákváðum að blanda þessum útgáfum
saman. Önnur gerði meira úr píanó-
inu, meðan hin var meira fyrir flaut-
una, þannig að við spinnum þetta
saman og endursköpum verkið að
hluta til. Við leikum næst flautu-
kvartett, sem Mozart samdi þegar
hann var 21 árs, og þá förum við til
ársins 1779, þegar hann var 23 ára.
Þá samdi hann Sónötu fyrir fiðlu og
píanó í B-dúr. Þetta er ein af són-
ötunum sem hann tileinkaði Jósefínu
von Auenhammer sem var nemandi
hans. Hann sagði sónötuna vera fyr-
ir fiðlu og píanó, eins og Beethoven
og Haydn gerðu, og hljóðfærin hafa
jafnara vægi en áður, en þetta er
kannski ekki orðið alveg fullkomið
form hjá honum, það má segja að
þetta sé einhvers konar miðjutímabil
í sónötuforminu. Í lokin leikum svo
verk frá 1785 þegar tónskáldið var
29 ára. Þetta er kvartett fyrir píanó
og strengi – eðalverk, og að mörgu
leyti eins og píanókonsert – hann
var að semja píanókonserta á þess-
um tíma og var í þannig stuði þegar
hann samdi kvartettinn. Þetta er al-
veg frábært verk.“
Býr Mozart á Eyrarbakka?
Á undan tónleikunum verður Þor-
kell Sigurbjörnsson tónskáld með
spjall, þar sem hann kynnir Mozart
og þau verk sem leikin verða á tón-
leikunum. Spjalli Þorkels, sem hann
kallar Býr Mozart á Eyrarbakka?,
verður fylgt úr hlaði með mynd-
kynningu, og segist Nína Margrét
vonast til að þetta verði mjög lifandi,
og góð viðbót við tónlistarflutning-
inn. Eftir tónleikana er hins vegar
boðið til veitingakynningar. „Við
buðum veitingahúsum til samstarfs
með það fyrir augum að þau gætu
kynnt sína starfsemi eftir tónleika.
Þetta er tilraun til að gera tónleika-
ferðina að meira mannamóti, og að
fólk geti hist og slakað á eftir tón-
leikana, spjallað við tónlistarfólkið
og notið þeirra veitinga sem í boði
verða. Þetta er tilraun, og hún gafst
mjög vel í september þegar við gerð-
um þetta í fyrsta skipti.“
Það er Rauða húsið á Eyrarbakka
sem verður með veitingakynningu
að þessu sinni. „Þeir voru með þeim
allra fyrstu til að skrá sig í þetta
samstarf við okkur, og þetta verður
mjög spennandi. Siggi Hall á Óðins-
véum verður svo hér í janúar og
honum fannst þetta svo góð hug-
mynd að hann verður tvisvar með
okkur í vetur. Ég held að fólki þyki
það spennandi að gera eitthvað nýtt
og að geta blandað svona hlutum
saman. Og vonandi höfðum við til
enn breiðari hóps en hingað til hefur
komið á tónleika. Það er upplagt
fyrir þá sem lítið hafa farið á tón-
leika að koma og hlusta á spjall Þor-
kels á undan, og láta hann leiða sig
svolítið í gegnum þetta. Þetta verður
mjög aðgengilegt.“
Sem fyrr segir er Nína Margrét
einn af stofnendum Kammerhóps
Salarins, en á tónleikunum í dag
leikur Áshildur Haraldsdóttir með
henni í flatusónötunni og Sif Túl-
iníus í fiðlusónötunni. Í flautukv-
artettinum leikur Áshildur með Sif,
Helgu Þórarinsdóttur og Sigurði
Bjarka Gunnarssyni en í píanókvar-
tettinum kemur Miklos Dalmay pí-
anóleikari í stað Áshildar.
Spjall, tónlist og matur á öðrum tónleikum Kammerhóps Salarins
Eins og
Mozart
hefði
viljað
hafa það
Morgunblaðið/Kristinn
Félagar úr Kammerhópi Salarins. Í aftari röð eru Sigurður Bjarki Gunnarsson, Nína Margrét Grímsdóttir og
Miklos Dalmay við píanóið. Í fremri röð eru Áshildur Haraldsdóttir, Helga Þórarinsdóttir og Sif Túliníus.
LEIÐSÖGN á táknmáli auk hefð-
bundinnar leiðsagnar verður í Lista-
safni Reykjavíkur – Kjarvalsstöðum
í dag kl. 15.
Farið verður um sýningu Krist-
jáns Guðmundssonar sem opnuð var
fyrir tæpum mánuði.
Táknmálsleið-
sögn um
listsýningu
NÁMSKEIÐ um bækur metsöluhöf-
undarins Neale Donald Walsch hefst
hjá Framvegis – miðstöð um sí-
menntun í Reykjavík á miðvikudag.
Bækurnar fjalla um ástina og lífið,
fólk og samskipti, gott og illt, sekt og
synd, fyrirgefningu, veginn til Guðs
og leiðina til heljar.
Námskeiðið er í formi fyrirlestra
og umræðna. Kennari er Geir Rögn-
valdsson, leikhúsfræðingur og
stærðfræðikennari, sem árum sam-
an hefur velt fyrir sér heimspeki
þessara bóka.
Kennt er í Fjölbrautaskólanum
við Ármúla.
Námskeið um heimspeki
Norræna húsið
Sunnudagur
Kl. 11–17: Sögutjald þar sem
börn yngri en sjö ára fá að
segja „frænku“ sögur. Frænk-
an aðstoðar börnin við að skrá
sögur sínar. Sögutjaldið verður
sett upp í anddyri Norræna
hússins. Kl. 13: Siv Friðleifs-
dóttir umhverfisráðherra les
fyrir börnin í söguherberginu í
sýningarsalnum. Kl. 14: Mögu-
leikhúsið sýnir barnaleikritið
Skuggaleik eftir Guðrúnu
Helgadóttur.
Ævintýrasýning fyrir börn í
sýningarsölum Norræna húss-
ins. Stendur til 9. desember.
Sýning á myndum úr sænsk-
um barnabókum í anddyri Nor-
ræna hússins. Stendur til 28.
október.
Sýning á myndum úr íslensk-
um barnabókum í Borgarbóka-
safni Reykjavíkur, Grófarhúsi.
Stendur til 26. október.
Meðan á hátíðinni stendur
munu liggja frammi upplýsing-
ar um norrænu barnabók-
menntastofnanirnar og auk
þess geta gestir nálgast bækl-
ing þar sem búið er að taka
saman lista yfir norrænar
barna- og unglingabækur sem
hafa „ferðina“, í víðasta skiln-
ingi þess orðs, sem þema.
Ókeypis aðgangur á alla dag-
skrárliði hátíðarinnar.
NÚ stendur yfir í Bókasafni Kópa-
vogs sýning á vatnslitamyndum eftir
Jóhönnu Stefánsdóttur myndlistar-
mann. Jóhanna stundaði nám í Mynd-
lista- og handíðaskólanum árin 1986–
1990 og útskrifaðist úr textíldeild.
Sýningin stendur út októbermánuð.
Myndlist
í Bókasafni
Kópavogs