Morgunblaðið - 14.10.2001, Blaðsíða 2

FRÉTTIR
2 SUNNUDAGUR 14. OKTÓBER 2001 MORGUNBLAÐIÐ
HVÍTAR hlíðar Esjunnar blöstu við þegar borg-
arbúar fóru á fætur í gærmorgun og minntu á að
veturinn er skammt undan. Það er þó viðbúið að
snjóinn taki upp innan tíðar enda eru umhleypingar
fastur liður í vetrarkomunni. Þessir knáu Reykvík-
ingar létu ekki vetrarbúning Esjunnar á sig fá og
nýttu sér svalt og hressandi haustloftið til að efla
þrek og þor.
Morgunblaðið/Golli
Svalt og hressandi
REIKNA má með að áhrif af þeirri
breytingu á ferskvatnsrennsli til sjáv-
ar í Héraðsflóa, sem fyrirhuguð virkj-
un veldur, verði lítil á strauma úti fyr-
ir Austfjörðum, segir m.a. í
niðurstöðum skýrslu um áhrif fersk-
vatnsrennslis til Héraðsflóa og ástand
sjávar við Austfirði sem Hafrann-
sóknastofnun vann fyrir Landsvirkj-
un. Skýrslan er viðbót við stjórnsýslu-
kæru Landsvirkjunar á úrskurð
Skipulagsstofnunar vegna Kára-
hnjúkavirkjunar og var lögð inn til
umhverfisráðherra í gær.
Í inngangi skýrslunnar segir að
fyrirhuguð virkjun Jökulsár á Dal og
Jökulsár í Fljótsdal muni samkvæmt
áætlun Verkfræðistofu Sigurðar
Thoroddsen valda breytingum á
rennsli við sameiginlegan ós Lagar-
fljóts og Jökulsár á Dal við Héraðs-
flóa. Eru breytingarnar ætlaðar
mestar síðsumars þar sem rennsli við
ósa muni minnka úr um 670 rúmmetr-
um á sekúndu í um 250 til 300 rúm-
metra á sekúndu eftir því hvort um
einn eða tvo áfanga virkjunar er mið-
að.
Í skýrslu Hafrannsóknastofnunar
um sjó og sjávarnytjar í Héraðsflóa
frá þessu ári er bent á hugsanleg
áhrif þessara breytinga á sjó í Hér-
aðsflóa og suður með Austfjörðum. Í
framhaldi af því fór Landsvirkjun
fram á að Hafrannsóknastofnun
kannaði útbreiðslu ferskvatns á þessu
hafsvæði. Var tilgangurinn að meta
hlut jökulánna í heildarferskvatni
sjávar í Héraðsflóa og út af Austfjörð-
um.
40–60% aukning að vetrarlagi
Áætlað er að 40 til 60% aukning
verði að vetrarlagi á flæði ferskvatns
til sjávar í meðalári en mánuðina júní
til ágúst verði 25% minna flæði fersk-
vatns. Miðað er við heildarferskvatns-
flæði af svæðinu allt frá Langanesi og
að Dalatanga. Raunbreytingin er
sögð minni að vetri en yfir sumar-
mánuðina vegna lítils rennslis að
vetrarlagi og segir í niðurstöðukafla
skýrslunnar að meiri breyting geti
orðið í rennslinu vegna úrkomu.
„Vegna mikillar blöndunar í sjónum
út af Austfjörðum, sérstaklega að
vetrarlagi, er ólíklegt að sú breyting á
ferskvatnsrennsli sem verður vegna
fyrirhugaðrar miðlunar hafi mikil
áhrif á lagskiptingu sjávar á þeim árs-
tíma,“ segir meðal annars.
Héðinn Valdimarsson og Stein-
grímur Jónsson voru verkefnisstjórar
í verkefnishópi Hafrannsóknastofn-
unar og með þeim störfuðu Gerða
Geirsdóttir, Jóhannes Briem, Jón
Ólafsson, Magnús Danielsen og Sól-
veig Ólafsdóttir.
Skýrsla Hafrannsóknastofnunar um áhrif miðlunar Kárahnjúkavirkjunar
í sjónum út af Austfjörðum
Áhrif af breyttu ferskvatns-
rennsli á strauma talin lítil
LÖGREGLUMANNI í Hafnar-
firði brá heldur betur í brún á
dögunum þegar hann gekk fram
á feikidjúpa holu sem búið var að
grafa við Krísuvíkurkirkju. Að
sögn Haraldar Helgasonar, yfir-
manns húsadeildar Þjóðminja-
safnsins, er ekki vitað hverjir
voru þarna að verki.
Haraldur segist strax hafa haft
samband við fornleifadeild Þjóð-
minjasafnsins til að athuga hvort
holan væri á þeirra vegum. „Þeir
sögðu að svo væri alls ekki og
höfðu ekki hugmynd um þetta,“
segir hann. „Mér skilst að skurð-
urinn sé þarna ansi stór á suð-
vesturhorninu en hvers vegna
eða af hvers völdum veit satt best
að segja enginn sem ég þekki til.“
Hætta á spjöllum
Hann segir skylt að fá leyfi hjá
safninu fyrir slíkum framkvæmd-
um við kirkjuna enda kölluðu þær
á fornleifavakt því um afar við-
kvæmt svæði væri að ræða.
Haraldur hefur ekki sjálfur
haft tök á því að skoða holuna og
því sé erfitt að segja til um hvað
gert verði í framhaldinu. „Þetta
er ennþá það óljóst en þetta er
ólöglegur gjörningur, það fer
ekki á milli mála. Hvernig verður
brugðist við því veit ég ekki en
það þarf fyrst og fremst að at-
huga hvort þarna hafi verið vald-
ið einhverjum spjöllum. Svo verð-
ur væntanlega mokað ofan í þetta
þegar verður búið að kanna mál-
ið.
Það má búast við að þarna séu
einhver merki um eldri mannvist-
arleifar og það er viss hætta á að
einhverju hafi verið spillt.“
Þess má geta að í dag stendur
fyrir dyrum hin árlega messa í
kirkjunni, þar sem altaristafla
Sveins Björnssonar verður tekin
niður og flutt yfir í Hafnarfjörð.
Morgunblaðið/RAX
Holan sem um ræðir er töluvert djúp og alveg við innganginn.
Grafið í óleyfi
ÞRÍR farþegar með vél Flugleiða til
Minneapolis voru handteknir við
komuna þangað um miðnætti í gær-
kvöld að íslenskum tíma. Þau höfðu
verið með drykkjulæti um borð í
flugvélinni og óskaði flugstjóri vél-
arinnar eftir aðstoð yfirvalda í Minn-
eapolis. Guðjón Arngrímsson, upp-
lýsingafulltrúi Flugleiða, gat ekki
staðfest að þau hafi hótað að
sprengja flugvélina eða verið með
aðra slíka tilburði.
Ekki fengust upplýsingar um
hvort fólkið væri enn í haldi lögregl-
unnar eða hefði verið sleppt.
„Eins og andrúmsloftið er þarna
fyrir vestan núna verður tekið mun
harðar á þessu en áður,“ segir Guð-
jón. Hann segir að fyrirtækið hafi
ekki tekið ákvörðun um framhald
málsins af þess hálfu.
Þrír hand-
teknir eftir
ólæti um
borð í Flug-
leiðavél
ÓSKAR Jósefsson, sviðsstjóri
rekstrarráðgjafar ráðgjafafyrirtæk-
isins PricewaterhouseCoopers, hef-
ur verið ráðinn tímabundið í starf
forstjóra Landssíma Íslands í stað
Þórarins V. Þórarinssonar. Óskar
hefur stýrt mati og söluferli á
Landssímanum.
Þórarinn vék sem kunnugt er
tímabundið úr starfi forstjóra fyrir-
tækisins til að tryggja hlutlægni í
vali á kjölfestufjárfesti í félaginu og
mun Óskar gegna stöðunni þar til
kynnt hefur verið við hvern einka-
væðingarnefnd hefur ákveðið að
semja. Var ráðningin samþykkt sam-
hljóða í stjórn félagsins.
Að sögn Friðriks Pálssonar,
stjórnarformanns Landssímans, er
stjórnin afskaplega ánægð með að
hafa fengið Óskar í þetta verkefni.
Óskar mun að sögn Friðriks víkja
úr fyrirtækinu þegar samið hefur
verið við kjölfestufjárfesti og hverfa
aftur til starfa innan PwC.
Óskar Jósefs-
son ráðinn for-
stjóri Símans
SAUÐFJÁRSLÁTRUN í ágúst var
talsvert minni í ágústmánuði en í
sama mánuði í fyrra. Í ágúst sl. féllu
til 155 tonn af kindakjöti sem er
22% minna en í sama mánuði í fyrra.
Tæplega helmingur sláturfjár féll til
hjá Sláturfélagi Suðurlands. Al-
mennt hefur það verið stefna sauð-
fjárbænda að lengja sláturtímann
með því að hefja slátrun fyrr.
Rétt er að hafa í huga að ekki er
endilega víst að 22% færra fé hafi
verið slátrað í ágúst því almennt er
talið að fallþungi sé ívið minni í ár
en í fyrra þegar hann var mjög góð-
ur.
46% aukning á
framleiðslu kjúklinga
Sláturhús í eigu Kjötumboðsins,
áður Goða, höfðu ekki hafið slátrun í
ágústmánuði vegna fjárhagserfið-
leika fyrirtækisins og óvissu um
slátrun.
Samkvæmt tölum um framleiðslu
og sölu búvara í ágústmánuði jókst
framleiðsla á kjúklingum um 46% í
ágúst samanborið við sama mánuð í
fyrra. Framleiðslan nam 345 tonn-
um, sem er 85 tonnum meira en í
júlí sl. Neysla á kjúklingum nam 320
tonnum, sem er veruleg aukning frá
því sem verið hefur. Framleiðslu-
aukningin er hins vegar það mikil að
birgðir söfnuðust fyrir í ágúst.
Sem kunnungt er hóf nýr fram-
leiðandi, Íslandsfugl, framleiðslu í
sumar. Í sumar tók Móakjúklingur
einnig í notkun nýtt sláturhús í
Mosfellsbæ, en fyrirtækið áformar
að auka framleiðslu sína umtalsvert.
Athygli vekur að framleiðsla á
svínakjöti var minni í ágústmánuði
en neyslan, sem bendir til þess að
skortur hafi verið á svínakjöti í mán-
uðinum. Þess má geta að tveir
stærstu framleiðendur svínakjöts á
Íslandi hafa nýlega verið að stækka
bú sín með það að markmiði að auka
framleiðsluna.
22% minni sum-
arslátrun í ágúst