Morgunblaðið - 14.10.2001, Blaðsíða 8

FRÉTTIR
8 SUNNUDAGUR 14. OKTÓBER 2001 MORGUNBLAÐIÐ
Bætir í jógafræðin
Er enn áhuga-
samur nemandi
UM ÞESSARmundir er GuðjónBergmann ekki
aðeins að opna nýja jóga-
stöð heldur ennfremur að
gefa út bók um jóga og
geislaplötu um slökun.
Hann hefur komið miklu í
verk á stuttum tíma og
svipt hulunni af jóga hér á
landi. Morgunblaðið
ræddi við Guðjón á dög-
unum um fræðin og af-
kastagetuna.
Þetta framtak þitt er
margþætt. Segðu okkur
hvernig það vannst og
gekk upp svona hvað ofan
í öðru?
„Bókin Jóga fyrir byrj-
endur varð til eftir að
upptökum á Tantra-þátt-
unum lauk. Ég skrifaði
fyrst uppkast í maí og kláraði
textann á Hellnum þar sem ég
dvaldi sumarlangt. Kristján
Bjarki hjá Forlaginu frétti af
þessu framtaki mínu, heimsótti
mig síðsumars og við náðum
samningum rétt eftir það. Síðan
tók Bára myndirnar í september
og góðvinur minn, Birgir Þ. Jóa-
kimsson, sem er jógakennari og
hönnuður, sá um uppsetninguna.
Ég skrifaði bókina vegna þess að
mér fannst vanta einfalda, grein-
argóða og myndskreytta bók á ís-
lensku fyrir byrjendur. Ég vona
að almenningur geti notið góðs af
framtakinu.
Jógastöðin í Ármúlanum varð
til með styttri fyrirvara. Ég tók
ákvörðun um að leigja mér sal til
kennslu í ágúst en þá hafði hug-
myndin verið að gerjast í rúm tvö
ár. Svo fann ég þetta frábæra
húsnæði í Ármúlanum þar sem er
hátt til lofts og vítt til veggja og
ákvað að leggja út í meiriháttar
framkvæmdir, t.d. uppsetningu á
búningsklefum með sturtuað-
stöðu og fleira. Mitt markmið er
að leggja til öruggt og þægilegt
umhverfi til jógaástundunar með
styrkri og fordómalausri leið-
sögn. Ég er með fjölbreytta tíma
í stöðinni, styrkingarjóga, slök-
unarjóga, jóga á ensku, hug-
leiðslutíma og fjölbreytta hádeg-
is- og síðdegistíma. Ég kenni alla
tíma sjálfur og reyni að koma því
þannig fyrir að allir geti fundið
eitthvað við sitt hæfi.
Geislaplatan Slökun, sem ég er
að gefa út í samvinnu við góðvin
minn, Einar Ágúst, er enn nýrri
af nálinni. Ég sendi Einar í brúð-
kaupsferð með pöntun: Hann átti
að semja fyrir mig slökunartón-
list. Stórpopparinn kom verulega
á óvart með tónsmíðinni þegar
hann kom heim frá Kýpur og í
næsta mánuði gefa Fljúgandi
diskar plötuna út með pomp og
pragt. Á plötunni er að finna
þrjár mismunandi lengdir af
slökun, 5, 10 og 20 mínútna eftir
því hvað hlustandinn hefur mik-
inn tíma og síðan 30 mínútna út-
gáfu af tónsmíðinni sem hefur
hlotið nafnið Englar.“
Eru Íslendingar
móttækilegir fyrir
jóga?
„Íslendingar eru að
átta sig á því eins og
aðrir heimsbúar að
jóga stefnir í að verða
líkams- og hugrækt 21. aldarinn-
ar. Við höfum sífellt minni tíma
aflögu og jóga sameinar líkam-
legar styrkingar og liðkunaræf-
ingar við slökun og hugarró.
Jógaæfingar hafa það framyfir
„hefðbundna“ líkamsrækt að við-
urkenna allar hliðar mannsins,
jafnt líkamlegar, tilfinningalegar,
huglægar og andlegar. Fólk er að
átta sig á því að það þarf að sam-
þætta allar þessar hliðar til að
verða heilt og „heilbrigt“.“
Er jóga heppilegt fyrir Íslend-
inga?
„Jóga er jafn heppilegt fyrir
Íslendinga og aðra. Fræðin eru
5000 ára gömul og ná yfir vítt
svið. Ég kenni líkamsæfingar,
öndun og slökun sem eru einung-
is hluti af heildarkerfinu en eru
mikilvægur grunnur fyrir áfram-
haldandi ástundun.
Það heyrast raddir að jóga sé
fánýtt vegna þess að ekki er
„tekið á“. Hvað er til í því?
„Ef hugarró og líkamlegt heil-
brigði teljast til fánýtra hluta þá
er jóga vissulega fánýtt. Flestir
sem mæta í tíma til mín undrast
yfir því hversu þessar einföldu
æfingar taka mikið á en mark-
miðið er ekki að byggja upp
vöðvamassa heldur að ná fram
vellíðan. Þeir sem stunda jóga
reglulega fara sjaldan meira en 5
kíló upp eða niður fyrir kjör-
þyngd, ekki bara vegna æfing-
anna heldur einnig vegna jafnari
efnaskipta í líkamanum. Jógaæf-
ingar teljast ekki fánýtar í mín-
um bókum og tíminn hefur sann-
að að fræðin hafa staðið af sér
allar tískusveiflur til þessa og
munu væntanlega halda því
áfram.“
Ertu eitthvað að útfæra jóga á
nýjan hátt með hinu nýútkomna
efni?
„Þótt ég telji mig
hæfan til að kenna
þeim sem eru komnir
skemmra á veg en ég
sjálfur er ég enginn
jógameistari. Ég kenni
samkvæmt því sem
mér var kennt. Hins vegar skín
persónuleikinn alltaf í gegn og
þess vegna getur verið mikill
munur á milli jógakennara jafn-
vel þótt þeir séu að kenna úr
sama grunninum. Ég kenni sam-
kvæmt minni bestu vitund hverju
sinni, er enn áhugasamur nem-
andi jógafræðanna og vona að ég
verði það alla tíð.“
Guðjón Bergmann
 Guðjón Bergmann er fæddur
24. desember 1972 í Reykjavík.
Hann nam jógafræðin hjá Shanti
Joga Institute og Jóga stúdíó ehf.
Guðjón hefur einnig numið jóga
þerapíu hjá Joseph Le Page.
Guðjón hefur kennt jóga síðan
snemma árs 1998, bæði á nám-
skeiðum, í líkamsræktarstöðvum
og í sjónvarpsþáttum. Hann
hafði ennfremur umsjón með
heimildarþáttum í sjónvarpi um
tantra-fræði og hefur unnið að
ritstörfum um fræðin. Hann
gengur að eiga Jóhönnu Bóel 24.
nóvember nk. og eignast þá fóst-
urdótturina Báru Steinunni.
Ég kenni
samkvæmt
því sem mér
var kennt
Dóri verður varla í vandræðum með að koma forseta Bandaríkjanna í skilning um að það
sé ekkert um að semja, Paul Watson eða stríð.
ALLS 1.051 fleiri einstaklingar flutt-
ust til landsins en frá því á fyrstu níu
mánuðum ársins, að því er fram
kemur í gögnum Hagstofu Íslands. Í
þeim kemur fram að alls 3.860 ein-
staklingar hafa flutt til landsins frá
janúar til september sl. en alls 2.809
einstaklingar frá því.
Það sem veldur því að fleiri flytj-
ast til landsins en frá því er fjöldi að-
fluttra erlendra ríkisborgara hingað
til lands. Brottfluttir Íslendingar
voru m.ö.o. 175 fleiri en aðfluttir frá
janúar til september en rúmlega
helmingur brottfluttra Íslendinga
fluttist til Danmerkur og Svíþjóðar.
Aðfluttir erlendir ríkisborgarar voru
hins vegar 1.226 fleiri en brottfluttir
á umræddu tímabili. Þar af komu 197
frá Evrópska efnahagssvæðinu og
587 frá öðrum Evrópulöndum, flestir
frá Póllandi eða 217, þá frá Litháen
eða 112 og síðan frá Júgóslavíu eða
98.
Frá Asíu voru 310 fleiri aðfluttir
en brottfluttir á umræddu tímabili,
flestir frá Filippseyjum eða 108, þá
frá Taílandi eða 64 og síðan frá Víet-
nam eða 36. Af öðrum heimshlutum
má nefna að 30 fluttust hingað til
lands frá Norður-Ameríku og 40 frá
Mið- og Suður-Ameríku.
Alls 1.324 fleiri einstaklingar flutt-
ust til höfuðborgarsvæðisins en frá
því á fyrstu níu mánuðum þessa árs,
þar af 526 frá landsbyggðinni og 798
frá útlöndum. Á landsbyggðinni
fækkaði íbúum um 273.
Af landsvæðum utan höfuðborgar-
svæðisins voru þrjú með fleira að-
komufólk en brottflutta, þau eru
Suðurland með 59 fleira aðkomufólk
en brottflutt, Suðurnes með 75 fleiri
aðflutta en brottflutta og Vesturland
með 50 fleiri aðflutta en brottflutta.
Á öðrum landsvæðum fækkaði
vegna búferlaflutninga. Á Vestfjörð-
um fækkaði um 122, á Norðurlandi
vestra um 153, á Norðurlandi eystra
um 29 og á Austurlandi um 153.
Rúmlega eitt þúsund fleiri
til landsins en frá því
ÞYRLA Landhelgisgæslunnar, TF-
SIF, sótti 11 ára dreng, sem hafði
hlotið höfuðáverka, á Rif á Snæfells-
nesi í fyrrakvöld. Hann reyndist ekki
vera alvarlega slasaður, en gisti á
barnadeildinni.
Drengurinn hafði dottið niður af
girðingu og lent með höfuðið á steini.
Hann var fyrst fluttur á Heilsu-
gæslustöðina í Ólafsvík þar sem
nokkur spor voru saumuð í ennið, en
þegar drengurinn kastaði upp og
byrjaði að líða undarlega um tveimur
tímum eftir slysið var ákveðið að
kalla út þyrlu þar sem talin var þörf
á frekari rannsókn. Þyrlan fór í loftið
rétt eftir kl. 20 og lenti í Reykjavík á
tíunda tímanum í fyrrakvöld.
TF-SIF sótti 11
ára dreng með
höfuðáverka
♦ ♦ ♦