Morgunblaðið - 12.02.2005, Blaðsíða 6

6 LAUGARDAGUR 12. FEBRÚAR 2005 MORGUNBLAÐIÐ
FRÉTTIR
LÁTINN er í Reykja-
vík á 87. aldursári Óli
B. Jónsson íþrótta-
kennari, fyrrum
knattspyrnumaður og
þjálfari. Óli fæddist
að Grandavegi í
Reykjavík 15. nóvem-
ber árið 1918 en for-
eldrar hans voru Jón
Jónsson og Þórunn
Eyjólfsdóttir.
Óli B. lauk prófi frá
Íþróttakennaraskóla
Íslands að Laugar-
vatni árið 1946.
Óli átti að baki glæsilegan feril
sem leikmaður og þjálfari í knatt-
spyrnu. Hann hóf að leika með
meistaraflokki KR árið 1936 og lék
knattspyrnu með KR í 13 ár og
varð fyrst Íslandsmeistari með lið-
inu 1941. Árið 1948 var hann þjálf-
ari og leikmaður meistaraflokks
KR og gerði liðið að
Íslandsmeisturum ár-
in 1948, 1949 og 1950
en sjálfur hætti hann
að leika með liðinu
1949. Óli B. varð
þjálfari íslenska
landsliðsins í knatt-
spyrnu 1951 en það ár
vann íslenska liðið
m.a. Ólympíumeistara
Svía á Melavellinum
4:3.
Síðar tók hann aft-
ur við þjálfun meist-
araflokks KR og þjálf-
aði liðið til 1962. Þá gerði hann
Keflvíkinga að Íslandsmeisturum
árið 1964 og Val 1966 og 1967.
Óli B. kvæntist Guðnýju Guð-
bergsdóttur árið 1946 en hún lést
árið 1990. Þau eignuðust þrjú
börn, Hólmfríði Maríu, Jón Má og
Jens Val.
Andlát
ÓLI B. JÓNSSON
VEGNA tilmæla Samkeppnisstofn-
unar hefur Umferðarstofa tímabund-
ið afturkallað þrjár af fjórum sjón-
varpsauglýsingum þar sem börn hafa
komið fram við glannalegar aðstæð-
ur. Jafnframt hefurUmferðarstofa
ákveðið að vísa niðurstöðu Sam-
keppnisstofnunar til samkeppnis-
ráðs.
„Við sættum okkur ekki við þessa
niðurstöðu auglýsinganefndar Sam-
keppnisstofnunar,“ segir Einar
Magnús Magnússon, upplýsinga-
fulltrúi Umferðarstofu.
„Það var kostur á því að áfrýja til
samkeppnisráðs og við kjósum að
fara þá leið. Við teljum margt gagn-
rýnivert við þessa niðurstöðu.
Samkvæmt bréfi Samkeppnis-
stofnunar er meginástæðan fyrir
þessari niðurstöðu auglýsinganefnd-
arinnar sú að börn séu sýnd í auglýs-
ingunum að nauðsynjalausu við
hættulegar aðstæður. Við teljum
þetta vægast sagt undarlegt í ljósi
þess að börn eru þátttakendur í um-
ferðinni og því miður fórnarlömb.
Þau eru fórnarlömb ölvaðra öku-
manna og jafnvel foreldra sinna ef
þeir sýna af sér vítavert kæruleysi.
Það er líka margt annað í þessari nið-
urstöðu sem við gerum alvarlegar at-
hugasemdir við,“ segir Einar.
Lýsa eftir ábyrgð foreldra
Formleg kvörtun barst Samkeppn-
isstofnun frá umboðsmanni barna þar
sem óskað var eftir athugun á því
hvort auglýsingarnar brytu í bága við
fimmtu málsgrein 22. gr. samkeppn-
islaga þar sem segir:
„Komi börn fram í auglýsingum
skal þess gætt að sýna hvorki né lýsa
hættulegu atferli eða atvikum er leitt
geti til þess að þau eða önnur börn
komist í hættu eða geri það sem
óheimilt er.“
Auglýsingarnar þrjár sýna barn
hlaupa á eftir bolta og fara fram af
svölum, barni er kastað niður stigaop
í annarri og í þeirri þriðju grætur
barn í fangi manns eftir að hann
hleypur niður konu í stigagangi og
hún virðist látast af þeim völdum.
Á vef Umferðarstofu segir að ekki
sé verið að sýna fram á áhættuhegð-
un barna í auglýsingunum. Þess í stað
sé sýndur fullorðinn einstaklingur
viðhafa glæpsamlegt ábyrgðar- og
kæruleysi þar sem barn sé fórnar-
lamb, ekki gerandi. Lýst sé eftir
ábyrgð foreldra og fullorðinna gagn-
vart sjálfum sér og börnum þeirra.
Umferðarstofa afturkallar þrjár auglýsingar tímabundið
Niðurstöðu áfrýjað
til samkeppnisráðs
GUÐNI Bergsson, héraðsdóms-
lögmaður og fyrrum atvinnumaður í
knattspyrnu, hefur hafið störf hjá
Landsbankanum Luxembourg SA.
Guðni mun starfa að þróun-
arverkefnum sem lúta að einka-
bankaþjónustu og alþjóðlegum við-
skiptum Landsbankans. Starfsstöð
Guðna verður í Reykjavík.
„Ég hef búið erlendis í mörg ár og
þar sem ég er tiltölulega nýkominn
heim í fjölskyldu- og vinafaðm þá vil
gjarnan að starfsstöð mín sé hér á
landi. Að sjálfsögðu verð ég þó á far-
aldsfæti fyrir bankann í Lúxemborg
og starfsvettangurinn verður líka að
þó nokkru leyti í Bretlandi,“ segir
Guðni.
Starfið á vegum Landsbankans
leggst mjög vel í Guðna og mörg
spennandi verkefni fram undan að
sögn hans.
„Eftir að ég kom heim tókst ég á
við lögfræðina. Ég sótti síðan lög-
mannanámskeið, fékk lögmanns-
réttindi og starfaði við lögmennsku
hjá Lögfræðistofu Reykjavíkur. Þar
kunni ég vel við mig innan um gott
fólk en því er ekki að neita að mér
fannst að það gæti verið spennandi
að starfa innan bankageirans. Þar
er mikill vöxtur og mörg spennandi
verkefni. Ég stóðst því ekki mátið
þegar ég fékk þetta tækifæri hjá
Landsbankanum,“ segir hann.
Ætlar að fylgjast áfram með
knattspyrnunni af lífi og sál
Guðni var atvinnumaður í knatt-
spyrnu í Bretlandi til margra ára og
fyrirliði íslenska landsliðsins í knatt-
spyrnu. Hann er umsjónarmaður
sjónvarpsþáttarins Boltinn með
Guðna Bergs á sjónvarpsstöðinni
Sýn og segist áfram munu fylgjast
með knattspyrnunni af lífi og sál.
„Ég er samningsbundinn á Sýn
fram á vorið og verð því áfram með
þáttinn. Að sjálfsögðu mun ég halda
tengslunum við fótboltann, bæði í
gegnum sjónvarpsþáttinn og Knatt-
spyrnuakademíuna, sem við nokkrir
knattspyrnumenn höfum komið að,“
segir hann.
Guðni er kvæntur Elínu Konráðs-
dóttur félagsráðgjafa.
Guðni Bergsson
til Landsbankans
í Lúxemborg
Ljósmynd/Hari
„Ég stóðst því ekki mátið þegar ég fékk þetta tækifæri…“ segir Guðni
Bergsson, en hann hefur þegar hafið störf hjá Landsbankanum.
KRAKKARNIR á Leikskólann Lyngholt á Reyðarfirði
ráku upp stór augu þegar skipverjar á Bjarti NK121
frá Neskaupstað komu með hákarl til að sýna þeim.
Eins og sjá má er hákarlinn stór og mikill og vakti hann
eðlilega miklar umræður hjá börnunum, enda ekki á
hverjum degi sem hákarl kemur í heimsókn á Lyngholt.
Ljósmynd/Björgvin Þórarinsson
Hákarl í heimsókn á Lyngholti
SAMTÖK afurðastöðva í mjólkur-
iðnaði hefur samþykkt að beina því
til mjólkursamlaganna að kaupa af
bændum prótein úr samanlagt allt
að 4,5 milljónum lítra mjólkur um-
fram greiðslumark á yfirstandandi
verðlagsári. Ástæðan er góð sala á
mjólk og mjólkurvörum síðustu
misserin. Salan á síðustu 12 mán-
uðum er 109,5 milljónir lítrar á pró-
teingrunni. Greiðslumarkið er hins
vegar 106 milljónir lítra.
Mun meira selst af próteinríkum
mjólkurvörum en fituríkum mjólk-
urvörum. Þess vegna greiða mjólk-
ursamlögin meira fyrir mjólk sem
er próteinrík.
Tilmæli stjórnar SAM felur í sér
að auk þess að greiða fyrir 106
milljónir lítra kaupa samlögin pró-
tein úr samanlagt allt að 4,5 millj-
ónum lítra mjólkur. Einungis verð-
ur greitt fyrir próteinhluta
mjólkurinnar, þ.e. 75% af afurða-
stöðvaverði, enda verður fitan flutt
úr landi þar sem ekki er markaður
fyrir hana innanlands.
Í bréfi frá SAM til mjólkursam-
laganna segir að fylgst verði með
söluþróun næstu mánuði og í byrj-
un maí nk., þegar sölutölur apr-
ílmánaðar liggja fyrir, muni koma í
ljós hvort, söluþróunin gefi tilefni
til þess að keypt verði meira pró-
tein úr umframmjólk á verðlags-
árinu.
Kaupa 4,5 millj-
ónir lítra af mjólk
til viðbótar
LÖGREGLAN á Ísafirði leitar
manns sem sýndi dónaskap á al-
mannafæri þegar hann beraði sig
fyrir framan konu sem stödd var
í bíl fyrir utan Grunnskólann á
Ísafirði í fyrradag. Hann var flú-
inn þegar lögreglan kom á stað-
inn. Er hann talinn vera 25–30
ára.
Leitað að dóna
á Ísafirði
HÆSTIRÉTTUR hefur dæmt
franskri konu, búsettri hér á landi,
forsjá dóttur sinnar sem hún á með
frönskum manni. Hann var nýlega
dæmdur í 6 mánaða skilorðsbundið
fangelsi fyrir að taka stúlkuna með
sér til Frakklands árið 2001 og halda
henni þar hjá sér.
Hæstiréttur taldi mikilvægt eftir
það umrót og þá erfiðleika í sam-
skiptum aðila, sem stúlkan hafði
mátt búa við, að ró skapaðist um
hana og hún fengi að búa við stöð-
ugleika. Öryggi og festa virtist hafa
ríkt í lífi hennar síðastliðið eitt og
hálft ár sem hún hafði búið hjá móð-
ur sinni. Á þessum tíma virtist stúlk-
an hafa náð ágætu jafnvægi og ekki
annað komið fram en að henni liði vel
í dag og dafnaði vel. Því yrði ekki séð
að breyting á umhverfi og aðstæðum
yrði henni til góðs. Þegar litið væri
til framangreinds og ungs aldurs
stúlkunnar, sem er 5 ára, yrði að
telja hagsmunum hennar betur
borgið fengi móðirin forsjá hennar.
Málið dæmdu Markús Sigur-
björnsson, Garðar Gíslason, Guðrún
Erlendsdóttir, Gunnlaugur Claessen
og Hrafn Bragason. Dögg Pálsdóttir
hrl. og Steinunn Guðbjartsdóttir hdl.
fluttu málið fyrir móðurina og
Sveinn Andri Sveinsson hrl. og Há-
kon Stefánsson hdl. fyrir föðurinn.
Hagsmunum
dótturinnar
betur borgið
hjá móðurinni