Morgunblaðið - 12.02.2005, Blaðsíða 19

MORGUNBLAÐIÐ LAUGARDAGUR 12. FEBRÚAR 2005 19
MINNSTAÐUR
Umsóknir um styrki
Auglýst er eftir umsóknum um styrki frá nefndum innan félags-
sviðs Akureyrarbæjar. Um er að ræða styrki á vegum félags-
málaráðs, íþrótta- og tómstundaráðs, úr Menningarsjóði og
Húsverndarsjóði.
Félagsmálaráð veitir m.a. styrki til félagasamtaka sem starfa á
sviði félags- og mannúðarmála.
Sérstaklega verða veittir tveir styrkir á sviði heilbrigðis- og
félagsmála á Akureyri, samtals að upphæð 900 þús. kr.
til verkefna svo sem að:
1. Félagssamtök geri sig sýnilegri og öflugri með sérstöku
átaki í kynningu og fræðslu á sínum markmiðum í því
skyni að ná til fleiri einstaklinga.
2. Félagssamtökum eða einstaklingum verði gert kleift að
koma fram með nýjungar í þjónustu eða fræðslu
samborgurum sínum til góða.
Leggja þarf fram aðgerðaráætlun og kostnaðaráætlun vegna
verkefnanna sem sótt er um styrk fyrir.
Íþrótta- og tómstundaráð veitir rekstrarstyrki til íþrótta- og
æskulýðsfélaga.
Úr Menningarsjóði Akureyrar eru veittir styrkir til verkefna
á menningarsviði á vegum félaga, stofnana, listamanna og
fræðimanna. Úr Húsverndarsjóði Akureyrar eru veittir
styrkir vegna framkvæmda við friðuð hús og hús með varð-
veislugildi.
Umsóknir skulu berast á þar til gerðum eyðublöðum sem liggja
frammi í Þjónustuanddyri Akureyrarbæjar, Geislagötu 9, og hjá
viðkomandi deildum í Glerárgötu 26. Einnig er hægt að nálg-
ast eyðublöðin á vefsíðu Akureyrarbæjar, www.akureyri.is. Á
eyðublöðunum kemur fram hvaða upplýsingar þurfa að fylgja
styrkbeiðnum.
Styrkjum er að mestu leyti úthlutað einu sinni á ári hjá hverri
nefnd. Úr Menningarsjóði er þó úthlutað þrisvar á hverju ári,
þ.e.a.s. í mars, júní og september og þar er umsóknarfrestur til
næstu mánaðamóta á undan.
Umsóknarfrestur er til 1. mars nk.
Umsóknum skal skila í Þjónustuanddyri Akureyrarbæjar,
Geislagötu 9.
Sviðsstjóri félagssviðs
Akureyrarbær • Geislagötu 9 • 600 Akureyri
Sími 460 1000 • Fax 460 1001 • www.akureyri.is
JÓHANNA Þóra Jónsdóttir, elsti
núlifandi Akureyringurinn, er 105
ára í dag. Hún fæddist á Ill-
ugastöðum í Fnjóskadal 12. febrúar
árið 1900. Jóhanna hefur verið á
Dvalarheimilinu Hlíð í á þriðja ár
og hún var bara nokkuð hress þeg-
ar blaðamaður Morgunblaðsins
heimsótti hana seinni partinn í gær.
Þorrablót Hlíðar var haldið í gær
og ætlaði Jóhanna ekki að missa af
því. Sjón og heyrn eru farin að
daprast, „Ég er enn ágætlega klár í
kollinum en þetta er orðinn óskap-
legur aldur,“ sagði Jóhanna, sem
hefur átt nokkuð erfitt eftir að hún
mjaðagrindarbrotnaði fyrir rúmu
ári og fór í stóra aðgerð. „Ég get
farið um í göngugrind en þarf þó
aðstoð.“
Jóhanna bjó í Fnjóskadal til
sautján ára aldurs en fór þá sem
kaupakona og vetrarstúlka í Eyja-
fjörð. Hún var lengst af á Þórustöð-
um en árið 1934 flutti hún til Ak-
ureyrar og var þá með son sinn,
Birgi Helgason, þrettán vikna. Jó-
hanna fluttist til Kristínar E. Ólafs-
dóttur og manns hennar Jóns Páls-
sonar trésmiðs í Aðalstræti 32.
Eftir lát hans bjuggu þær Kristín
saman í húsinu, alls í 67 ár, eða
fram á vorið 2002. „Þegar sækja á
mig leiðindi, hugsa ég til áranna í
Aðalstræti. Hér á Hlíð eru mér allir
góðir og vilja allt fyrir mig gera.
Það er því ekki við aðra en sjálfa
mig að sakast ef það er einhver fýla
í mér,“ sagði Jóhanna.
Hún sagðist fyrst og fremst
þakka Guði þennan háa aldur sinn,
léttri lund og að hafa lifað reglu-
sömu lífi og hvorki reykt eða
drukkið um ævina. „Þá hef ég alltaf
haft mikið að gera og það gerir
fólki gott. Aumast er það þegar
maður getur ekkert gert,“ sagði Jó-
hanna, sem vann við ræstingar í
MA í 24 ár, til 74 ára aldurs.
Jóhanna sagði að Birgir sonur
sinn væri sér mikil stoð og stytta.
„Hann kemur til mín nær daglega
en ég gef honum stundum leyfi til
að horfa á fótbolta í sjónvarpinu.“
Sjálf sér hún ekki sjónvarp og
hlustar lítið á útvarp. „Stelpurnar
hérna segja mér hvað sé helst í
fréttum.“ Jóhanna sagði að afmæl-
isveisla sín yrði með hefðbundnum
hætti. „Ég býð engum en þeir sem
vilja koma og fá sér kaffi og með-
læti eru velkomnir.“
Jóhanna Þóra Jónsdóttir, elsti Akureyringurinn, er 105 ára í dag
„Ég er enn
ágætlega
klár í kollinum“
Morgunblaðið/Kristján
Aldursforseti Jóhanna Þóra Jónsdóttir, elsti Akureyringurinn.
AKUREYRI
Námskeið og fyrir-
lestrar í Húsinu
verki og eðli drauma, Ágúst Örn
Pálsson mun kenna míkrafón-
tækni og almenna upptökutækni
og líka stafræna ljósmyndun, Jón
Haukur Ingimundarson mun fara
í táknrænt innihald kvikmyndar-
innar „Silence of the lambs,“
Gustavo Manuel Perez mun kenna
seiðandi kúbanskt salsa og hljóð-
færagerð og síðast en ekki síst
mun Baldvin Z kenna tónlistar-
myndabandagerð.
Í Húsinu er starfandi fjöllista-
hópurinn Circus Atlantis, leik-
klúbburinn Saga, Rokkklúbbur-
inn, Fjörfiskar, klúbbur fyrir fólk
með fötlun, svo eitthvað sé nefnt
og ekki má gleyma þeim hljóm-
sveitum sem æfa rokk í nýja hljóð-
verinu Studio 73.
„FORGANGSVERKEFNI“ er
yfirskrift námskeiða og fyrirlestra
sem Húsið, menningar- og upplýs-
ingamiðstöð ungs fólks á Akur-
eyri, efnir til og hefst á morgun,
laugardaginn 12. febrúar, en dag-
skrá stendur fram yfir páska.
Í boði verða fjölbreytt námskeið
og fyrirlestrar, Kristjana Stefáns-
dóttir söngkona og Agnar Már
Magnússon píanóleikari munu
vera með master class í söng,
Buzby mun kenna á yidaki sem er
hljóðfæri frumbyggja Ástralíu,
Tero Mustonen mun koma og vera
með umræður um ábyrgð ungs
fólks í samfélaginu, Valgerður
Bjarnadóttir mun spjalla um trú
og menningu í gegnum tíðina og
einnig vera með námskeið í hlut-
Opnar sýningu | Joris Rademaker
opnar sýningu á Bókasafni Háskól-
ans á Akureyri á morgun, laug-
ardaginn 12. febrúar. Hann er
fæddur í Hollandi 1958 en hefur
verið búsettur á Akureyri frá árinu
1991. Joris Rademaker hefur unnið
sem myndmenntakennari í Brekku-
skóla síðan 1993. Hann rekur Gall-
eri + ásamt eiginkonu sinni Pálínu
Guðmundsdóttur. Á sýningunni
verða skúlptúrar úr tré og einnig
ein myndasería. Hún stendur til 31.
mars næstkomandi.
„ÉG vonast til að hægt verði að
hefja framkvæmdir á seinni hluta
þessa árs og að verkinu verði að
fullu lokið á 3–4 árum,“ sagði Sig-
urður Sigurðsson framkvæmda-
stjóri SS Byggis. Fyrirtæki hans
hyggst reisa tveggja hæða verslun-
ar- og bílageymsluhús á Sjallareitn-
um svokallaða og þar ofan á þrjá 14
hæða íbúðaturna með samtals 150–
170 íbúðum. Sigurður sagði að
heildarkostnaður við framkvæmd-
ina væri á bilinu 3–4 milljarðar
króna. Heildarflatarmál bygginga
verður rúmir 25.000 fermetrar og
hámarkshæð 47 metrar. Hæsta
íbúðabygging landsins mun vera
stórhýsi við Skúlagötu 12 í Reykja-
vík og er rétt rúmir 50 metrar á
hæð.
Sigurður sagði að þegar væri
mikill áhugi fyrir íbúðum á Sjall-
areitnum og væntanlegir kaupendur
þegar farnir að skrá sig. Tillögu-
teikningar af skipulagi Sjallareitsins
voru kynntar í umhverfisráði í vik-
unni og í bókun kemur fram að ráð-
ið taki jákvætt í tillöguna og heim-
ilar SS Byggi að láta gera
deiliskipulagstillögu er byggist á
framkomnum hugmyndum. Áður en
tillagan verður lögð fyrir umhverf-
isráð þarf að liggja fyrir samkomu-
lag við alla eigendur lóða og fast-
eigna á svæðinu. Sigurður sagði að
þeir eigendur húsa sem rætt hefði
verið við væru jákvæðir og að áfram
yrði unnið að málinu í sátt og sam-
lyndi við alla aðila. Í bókun um-
hverfisráðs kemur fram að fram
komnar hugmyndir falli vel að
markmiðum Akureyrarbæjar um
þéttingu byggðar á miðbæjarsvæð-
inu. Það er jafnframt álit ráðsins að
hugmyndirnar trufli ekki verkefnið
„Akureyri í öndvegi“ og eru þær í
samræmi við gildandi Aðalskipulag
Akureyrar 1998–2018.
Í tillöguteikningum Orra Árna-
sonar á arkitektastofunni Zeppelín-
arkitektar, er gert ráð fyrir tæplega
900 fermetra rými á fyrstu hæð fyr-
ir verslun og eða þjónustu, auk bíla-
geymslu. Einnig er gert ráð fyrir
bílageymslu á 2. hæð en þar ofan á
verður grænt útivistarsvæði. Sig-
urður sagði að fjöldi íbúða réðist af
stærð þeirra en gert væri ráð fyrir
allt frá 45 fermetra stúdíóbúðum á
neðstu hæðunum og upp í tæplega
160 fermetra íbúðum með 25 fer-
metra yfirbyggðum svölum. Þá
gætu þakíbúðirnar orðið enn stærri.
Sigurður sagði áætlað að íbúar í
turnunum þremur yrðu 300–400
talsins.
Sextán hæða byggingar rísa á Sjallareitnum
Þrír 14 hæða íbúðaturnar
á verslunar- og bílahúsi
Þríburaturnar Í tillöguteikningum Sjallareitsins er lögð áhersla á að götu-
myndin sé aðlaðandi og spennandi. Hér er horft norður eftir Geislagötu.
Gert ráð fyrir
150–170 íbúðum
með samtals
300–400 íbúum
17 milljónir í mokstur | Kostn-
aður við snjómokstur á Akureyri
nam um 17 milljónum króna í liðn-
um janúarmánuði. Það er svipuð
upphæð og var-
ið var til snjó-
moksturs á göt-
um bæjarins í
janúar í fyrra.
„Þetta er bara
vel sloppið,“
sagði Guð-
mundur Guð-
laugsson hjá
Akureyrarbæ,
en hann sagði töluverðan „elting-
arleik“ hafa verið við snjóinn í síð-
astliðnum mánuði. Guðmundur
sagði margt benda til að febrúar
yrði snjóléttari og kostnaður við
moksturinn því lægri.