Morgunblaðið - 12.02.2005, Blaðsíða 43
MORGUNBLAÐIÐ LAUGARDAGUR 12. FEBRÚAR 2005 43
KIRKJUSTARF
Bæjarlistamaður 2005
leikur einleik
í Seltjarnarneskirkju
AUÐUR Hafsteinsdóttir, sem valin
hefur verið bæjarlistamaður Sel-
tjarnarness fyrir árið 2005, leikur
einleik í sunnudagsmessu kl. 11 í
Seltjarnarneskirkju 13. febrúar
næstkomandi.
Þetta verður í fyrsta sinn sem
hún kemur opinberlega fram á Nes-
inu eftir að hafa verið valinn bæj-
arlistamaður ársins í ár. Ferming-
ardrengirnir Ingólfur Arason og
Sæmundur Rögnvaldsson lesa ritn-
ingarlestra. Kammerkór Seltjarn-
arneskirkju leiðir sálmasöng. Org-
anisti Pavel Manasek. Sr. Arna
Grétarsdóttir.
Auður, sem er fædd 1965, lauk
einleikaraprófi frá Tónlistarskól-
anum í Reykjavík árið 1983 aðeins
17 ára gömul. Hún stundaði fram-
haldsnám við New England Con-
servatory í Boston og lauk BA-
gráðu þaðan með hæstu einkunn og
hlaut Master of Music gráðu árið
1991 frá University of Minnesota.
Auður Hafsteinsdóttir hefur hlotið
fjölda viðurkenninga fyrir leik sinn
bæði innanlands og erlendis.
Hjá hinum nýja bæjarlistamanni
eru ýmis verkefni framundan, bæði
einleiks- og kammertónleikar hér á
landi og á meginlandi Evrópu.
Einnig er fyrirhuguð vinna og tón-
leikar í tengslum við upptöku á
geisladiski.
Tónlistarmessa
í Hjallakirkju
SUNNUDAGINN 13. febrúar verð-
ur tónlistarmessa í kirkjunni kl. 11.
Sr. Íris Kristjánsdóttir þjónar.
Kristín R. Sigurðardóttir sópran
og Jón Ólafur organisti flytja
messu fyrir sópran og orgel, ópus
62 í f moll eftir Joseph Reinberger
(1839-1901). Messan er samin 1871–
1872. Hinir litúrgísku liðir tón-
verksins deilast á sína réttu staði í
messunni. Einnig munu nokkrir fé-
lagar úr Kór Hjallakirkju syngja
m.a. vers úr tveimur passíusálmum
Hallgríms Péturssonar. Upp, upp,
mín sál og allt mitt geð við lag eftir
Pálmar Þ. Eyjólfsson og hina und-
urfögru útsetningu Róberts A. Ott-
óssonar á Krossferli að fylgja þín-
um.
Í febrúar verður lögð sérstök
áhersla á íslenska orgeltónlist og
öll forspil og eftirspil verða eftir ís-
lensk tónskáld, jafnt þekkt tónskáld
sem minna þekkt.
Í messunni mun Sigurður Þ.
Gústafsson kynna starfsemi
Gídeonfélagsins á Íslandi.
Kvöldmessa
í Laugarnesi
NÚ er komið að kvöldmessu febr-
úarmánaðar í Laugarneskirkju sem
hefst kl. 20:30 á sunnudagskvöldið.
Að vanda er það kór Laugarnes-
kirkju sem syngur undir stjórn
Gunnars Gunnarssonar. Hann mun
leika á píanóið en Matthías M.D.
Hemstock leikur á trommur og
Tómas R. Einarsson á kontrabassa.
Að þessu sinni mun söngkonan
Erna Blöndal einnig gleðja okkur
með söng sínum. Það verður sr.
Bjarni Karlsson sem þjónar að orð-
inu og borðinu ásamt Sigurbirni
Þorkelssyni meðhjálpara. Að messu
lokinni er fyrirbænarþjónusta við
altarið og messukaffi í safn-
aðarheimilinu.
Athugið að djassinn hefst í hús-
inu kl. 20:00, svo að gott er að koma
snemma í góð sæti og njóta alls frá
byrjun.
Kvöldvaka í Fríkirkj-
unni í Hafnarfirði
Á MORGUN sunnudaginn 13. febr-
úar verður kvöldvaka í Fríkirkj-
unni í Hafnarfirði kl. 20 en slíkar
kvöldvökur eru haldnar einu sinni í
mánuði. Umfjöllunarefnið að þessu
sinni er spekin í Biblíunni og þá sér-
staklega í orðum Krists.
Að venju verða sungnir léttir og
fallegir sálmar sem tengjast um-
fjöllunarefni kvöldsins og það er
hljómsveit og kór kirkjunnar sem
leiðir sönginn undir stjórn Arnar
Arnarsonar sem einnig syngur ein-
söng.
Kaffi verður í safnaðarheimilinu
að lokinni kvöldvöku.
Í hendi Guðs
Í HENDI Guðs er yfirskrift sér-
stakrar umfjöllunar sr. Jakobs
Ágústs Hjálmarssonar í Dómkirkj-
unni á föstunni. Umfjöllunin snýst
um það hvernig við getum skoðað
áföll sem við mætum í lífinu og öðl-
ast sálarstyrk; hvernig við getum
varðveitt frið í hjarta í harðri ver-
öld.
Sr. Jakob Ágúst mun fjalla um
efnið í þremur prédikunum við
messurnar kl. 11 sunnudagana 13.
og 27. febrúar og 13. mars. Þriðju-
dagskvöldin eftir hverja prédikun,
kl. 19, er efnt til samveru, snæddur
látlaus kvöldverður og fjallað um
efni prédikunarinnar í samtali til
kl. 21. Máltíðin er við vægu verði.
Skráning er í messulok hverju sinni
eða með netpósti á jakob@dom-
kirkjan.is
Þetta er ætlað sérhverjum þeim
sem glímir við spurningarnar um
eðli bölsins og hvernig Guð stendur
gagnvart því. Æskilegt væri að
unga fólkið sem margs spyr og
eldra fólkið sem fleira hefur reynt
gæti átt samræðu um þetta efni.
KSS með opinn
foreldrafund
KRISTILEG skólasamtök, sem að
jafnaði halda fundi fyrir 15-20 á
laugardagskvöldum, halda í kvöld
árlegan foreldrafund þar sem fé-
lagar samtakanna geta tekið með
sér foreldra sína eða aðra ættingja,
unga sem aldna, til að kynna þeim
félagið og starfsemi þess. Fund-
urinn er einnig kjörið tækifæri fyr-
ir alla aðra sem vilja kynna sér
starfið að koma og sjá hvað fer
fram. T.d. geta foreldrar kynnt sér
starfið ásamt unglingum sínum ef
þau kjósa.
Á fundinum verður félagið
kynnt, sungið, brugðið á leik og
Ragnar Gunnarsson skólaprestur
fjallar um í hugleiðingu kvöldsins
um samband foreldra og unglinga
og samband okkar við Guð. Allir
eru hjartanlega velkomnir á fund-
inn sem verður í húsi KFUM og
KFUK við Holtaveg, gegnt Lang-
holtsskóla, og hefst kl. 20:30.
Föstu-tíðagjörðir
í Selfosskirkju
Á FÖSTUNNI núna verða að venju
í Selfosskirkju sérstakar föstu-
tíðagjörðir og hin fyrsta miðviku-
daginn 16. febrúar næstkomandi kl.
18.15. Sams konar stundir verða
svo alla miðvikudaga á þessum
sama tíma.
Tökum okkur nú litla stund til
bænagjörðar og íhugunar.
Sr. Gunnar Björnsson.
Morgunblaðið/Ásdís
HIN síðari ár hefur Taflfélagið
Hellir haldið meistaramót sitt
stuttu eftir að Taflfélag Reykja-
víkur hefur leitt Skákþing
Reykjavíkur til lykta. Í ár hefst
meistaramótið mánudaginn 14.
febrúar nk. kl. 19.30 og tefldar
verða sjö umferðir. Að jafnaði
verður teflt á mánudögum og
miðvikudögum ásamt því sem
föstudagurinn 25. febrúar verður
nýttur fyrir skákþyrsta keppend-
ur. Umhugsunartíminn verður 90
mínútur á alla skákina auk 30
sekúndna aukreitis fyrir hvern
leik. Margvísleg verðlaun verða í
boði bæði í aldurs- og stigaflokk-
um en teflt verður um Flugleiða-
bikarinn. Leikar verða haldnir í
félagsheimili Hellis, Álfabakka
14a. Á upphafsárum sínum var
félagið til húsa í Menningarmið-
stöðinni í Gerðubergi og þar var
einmitt fyrsta meistaramótið
haldið árið 1992. Bæði þá og ári
síðar var umhugsunartíminn hálf
klukkustund á mótinu en það
flokkast sem atskák. Frá og með
1994 hefur mótið verið kappskák-
mót og voru flestir keppendur á
mótinu árið 2003 eða 41 talsins.
Margar þekktar kempur hafa
borið sigur úr býtum á mótinu en
bæði Andri Áss Grétarsson og
Þröstur Þórhallsson hafið orðið
meistarar félagsins tvívegis en sá
síðarnefndi hefur orðið efstur á
því þrisvar. Hvorugir komast þó
með tærnar sem Björn Þorfinns-
son hefur hælana en hann hefur
hvorki meira né minna orðið sex
sinnum meistari félagsins. Hann
varð meistari árin 1997–1999 og
svo aftur nú þrjú ár í röð 2002–
2004. Stóra spurningin er hvort
einhverjum takist að stöðva hann
í ár en hann ku ekki ætla að
hætta að taka þátt í mótinu fyrr
en hann hefur landað tíu meist-
aratitlum! Eingöngu tveimur
skákmönnum hefur tekist að
ljúka keppni á mótinu með fullt
hús vinninga en það gerðu Sævar
Bjarnason annars vegar árið
2000 og Davíð Ólafsson hinsvegar
árið 2001. Búast má við spenn-
andi keppni en ekki þarf að skrá
sig í mótið fyrr en á mótsstað á
mánudaginn kemur. Nánari upp-
lýsingar um mótið er að finna á
www.hellir.com en einnig er
hægt að nálgast mótshaldara í
síma 856-6155 eða 866-0116.
Minningarmót
Jóns Björgvinssonar
Á síðasta ári lést sexfaldur Ak-
ureyrarmeistari í skák, Jón
Björgvinsson. Hann tefldi oft á
árum áður fyrir tafldeild Ung-
mennafélags Eyfirðinga og leiddi
stundum þá sveit í efstu deild Ís-
landsmóts skákfélaga. Dagana
11.–13. febrúar fer fram skákmót
í KEA-salnum Sunnuhlíð á Ak-
ureyri sem Skákfélag Akureyrar
og Taflfélag Dalvíkur standa að
til að heiðra minningu Jóns.
Margir sterkir skákmenn taka
þátt og hefur m.a. Jóhann Hjart-
arson boðað komu sína. Nánari
upplýsingar um mótið og gang
þess er að finna á www.skak.is.
Stefán og Ingvar
tefla í Búdapest
Stefán Kristjánsson og Ingvar
Jóhannesson taka þátt í skák-
keppni í Búdapest sem nefnist
Fyrsta laugardagsmót. Stefán
teflir í lokuðum flokki þar sem
mögulegt er að ná áfanga að stór-
meistaratitli en Ingvar í flokki
þar sem mögulegt er að ná
áfanga að alþjóðlegum meistara-
titli. Gengi þeirra félaga í upphafi
móts hefur verið brösótt en Stef-
án hefur gert þrjú jafntefli en
tapað einni í fyrstu fjórum skák-
um sínum en Ingvar hefur gert
þrjú jafntefli í fyrstu þremur
skákum sínum. Í flokki Stefáns
teflir hver keppandi 12 skákir en
í flokki Ingvars verða þær tíu svo
að þeir hafa enn möguleika á að
verða sér úti um áfanga.
Fyrirlestraröð um
Bobby Fischer lokið
Helgi Ólafsson hefur staðið
fyrir fyrirlestrum um skáksnill-
inginn bandaríska Bobby Fischer
á fimmtudagskvöldum í janúar
og febrúar. Alls urðu fyrirlestr-
arnir sex eða tveimur fleiri en
gert hafði verið ráð fyrir. Góð
mæting var á þá enda mál heims-
meistarans í brennidepli um
þessar mundir. Á mest sóttu vef-
síðu íslenskra skákmanna,
www.skak.is, var einmitt fyrir
skömmu birt opið bréf banda-
ríska stórmeistarans og fyrrver-
andi heimsmeistara unglinga,
Ilya Gurevich, til íslenskra skák-
manna. Þar greinir hann frá
þeirri skoðun sinni að Íslending-
ar eigi ekki að rétta Fischer
hjálparhönd þar sem ummæli
hans um gyðinga og viðbrögð
hans eftir árásirnar ellefta sept-
ember 2001 sýna fram á að hann
sé bilaður á geði eða haldinn ill-
um öndum. Undir bréfið rita
fleiri bandarískir skákmenn, m.a.
hinn margfaldi bandaríski meist-
ari Larry Christiansen.
Gelfand og Harikrishna
jafnir og efstir á Bermúda
Fyrir skömmu lauk sterku 6
manna lokuðu skákmóti á eynni
Bermúda. Boris Gelfand (2.696)
leiddi mótið einn framan af en
núverandi heimsmeistari ung-
linga, Indverjinn P. Harikrishna
(2.632) náði með sigri í lokaum-
ferðinni að deila með honum
efsta sætinu með 6 vinninga af
tíu. Í innbyrðis viðureign þeirra
sýndi hinsvegar ísraelski stór-
meistarinn hvernig eigi að ýta
andstæðingnum hægt og sígandi
útaf borðinu í katalónskri vörn.
Hvítt: Boris Gelfand (2.696)
Svart: P. Harikrishna (2.632)
1. d4 Rf6 2. Rf3 e6 3. c4 d5 4.
g3 Be7 5. Bg2 0-0 6. 0-0 dxc4 7.
Dc2 a6 8. Dxc4 b5 9. Dc2 Bb7 10.
Bd2 Rbd7
Judit Polgar lék 10. ...h6 gegn
Alexander Grischuk í A-flokki
Corus-skákhátíðarinnar sem lauk
fyrir skömmu og lenti í vandræð-
um í framhaldinu. Algengast er
að leika hér 10. ...Be4.
11. Ba5 Ha7 12. Hc1 Be4 13.
Db3 Db8 14. De3 b4
Eins og framhaldið ber með
sér þá verður þetta peð síðar að
skotspæni hvítu mannanna en
annars hefði hvítur sjálfur leikið
b2-b4 og þá hefðu veikleikarnir
meðfram c-línunni sagt til sín.
15. Rbd2 Ba8?! 16. Rb3 Hc8
17. Hc2 Be4?!
Hvítur notfærir sér nú vand-
ræðagang svarts með taktískum
hætti.
18. Re5! Bxg2
18. ...Bxc2 gekk ekki upp
vegna 19. Rc6 en 18. ...Rxe5 hefði
verið svarað með 19. Bxe4 og
hvítur stæði betur að vígi.
19. Rxd7 Rxd7 20. Kxg2 Db5
21. Hac1 c6 22. Df3!
Hvítur hefur nú frumkvæðið
kirfilega í sínum höndum og
svartur getur vart annað gert en
að bíða eftir hvar höggin á stöðu
hans munu dynja.
25. ...Rb8 23. Hc4 Hd7 24. e3
h6 25. De2 He8 26. De1! Da4 27.
Bxb4 Dxa2 28. Dc3 Bxb4 29.
Hxb4
Svarta drottningin er nú komin
í mikinn vanda og verður svartur
að gefa eitt peð til að blíðka goð-
in.
29. ...c5 30. dxc5 a5
Gefur hvítum færi á að vinna
annað peð en ella hefði orðið örð-
ugt að bjarga drottningunni.
31. Rxa5! Dd5+
31. ... Dxa5 hefði verið svarað
með 32. Hxb8!
32. e4 Da8 33. c6 Hc7 34. Hc4
Ra6 35. b4 Db8 36. Rb7 Hxc6 37.
Hxc6 Dxb7 38. Hc8 og svartur
gafst upp.
Lenier Dominguez (2.661) og
Andrei Volokitin (2.685) urðu
jafnir í þriðja sæti með 5 vinn-
inga en brasilíski stórmeistarinn
Giovanni Vescovi (2.645) varð að
láta sér lynda fimmta sætið með
4½ vinning. Pólski stórmeistar-
inn Bartlomiej Macieja (2.618)
rak svo lestina með 3½ vinning.
14. Meistaramót Hellis hefst
mánudaginn 14. febrúar
SKÁK
Álfabakki 14a
MEISTARAMÓT TAFLFÉLAGSINS
HELLIS 2005
14. febrúar–2. mars 2005
HELGI ÁSS GRÉTARSSON
daggi@internet.is
Boris Gelfand Björn Þorfinnsson
Stöðumynd 1
Stöðumynd 2