Morgunblaðið - 12.02.2005, Blaðsíða 20

20 LAUGARDAGUR 12. FEBRÚAR 2005 MORGUNBLAÐIÐ
MINNSTAÐUR
LANDIÐ
ÁRBORGARSVÆÐIÐ
Skagafjörður | Fyrsta úthlutun úr minning-
arsjóði Jóns Björnssonar, tónskálds og kór-
stjóra frá Hafsteinsstöðum í Skagafirði, fór
fram nýlega. Eitt hundrað þúsund króna við-
urkenning féll í skaut Sveinrúnar Eymunds-
dóttur frá Árgerði í Skagafirði, 23 ára nem-
anda við Tónlistarskóla Skagafjarðar.
„Ég var mjög hissa en ánægð að fá styrk-
inn. Mér finnst það frábært framtak að þessi
minningarsjóður hafi verið stofnaður,“ segir
Sveinrún en hún hefur þegar ákveðið í hvað
styrkurinn fer. Langar hana að kaupa sér
tenórflautu og „alvöru“ piccoloflautu en frá
sex ára aldri hefur hún lært á piccoloflautu,
altflautu og sópranflautu. Sveinrún segist
stefna á meira flautunám næsta haust og
bæta einnig við sig píanónámi. Síðar meir set-
ur hún svo stefnuna á tónlistarkennaranám.
Söngur og tónlist hafa lengi átt djúpar og
sterkar rætur í vitund Skagfirðinga og þaðan
hafa komið mörg af ágætustu tónskáldum
landsins. Einn af þeim sem setti hvað sterk-
astan svip á söng- og tónlistarlíf í Skagafirði
allt frá miðri síðustu öld var Jón Björnsson,
en hann lést árið 1987. Árið 2003 hefði Jón
orðið 100 ára og í tilefni þess gaf fjölskylda
hans út geisladisk með úrvali laga tónskálds-
ins í flutningi skagfirskra listamanna. Eiður
Guðvinsson frá Sauðárkróki, frændi Jóns,
annaðist útgáfuna og fékk Stefán R. Gíslason,
söngstjóra Karlakórsins Heimis í Skagafirði,
til aðstoðar við val og frágang laganna. Jón
Björnsson var einmitt einn af stofnendum
Heimis og söngstjóri kórsins um áratuga
skeið. Með sölu á diskinum var stofnaður
minningarsjóður sem hefur það aðalmarkmið
að veita efnilegum tónlistarmönnum fjár-
styrk.
Morgunblaðið/Björn Björnsson
Styrkur afhentur Eiður Guðvinsson afhenti
Sveinrúnu styrkinn. Sveinn Sigurbjörnsson,
skólastjóri Tónlistarskólans, er til hægri.
Kaupir sér flautur
fyrir styrkinn
Hólmavík | Bergur Thorberg myndlist-
armaður kemur við á menningarhátíð á
Hólmavík, á leið sinni til Flórens á Ítalíu,
þar sem honum hefur verið boðið að taka
þátt í alþjóða Flórens-tvíæringnum. Fé-
lagsmiðstöðin Ozon heldur hátíðina og kem-
ur Bjarni þar við klukkan átta í dag, laug-
ardag.
„Hugmyndin kviknaði í fyrra og var hátíð-
in þá öðrum þræði sett upp sem liður í námi
mínu í tómstunda- og félagsfræðum við
Kennaraháskóla Íslands. Hún var vel heppn-
uð og yfir 130 manns komu að horfa á þann-
ig að við ætlum að endurtaka leikinn í ár. Að
þessu sinni verðum við þó að flytja hátíðina
úr Bragganum í Félagsheimilið vegna pláss-
leysis. Við erum bjartsýn og reiknum með
150–180 áhorfendum,“ segir Bjarni Ómar
Haraldsson, forstöðumaður Ozon.
Bjarni segir krakka á aldrinum 13–16 sjá
alfarið um skipulagningu hátíðarinnar.
Hans hlutverk sé einkum að hafa eftirlit með
vinnu þeirra fimm undirbúningsnefnda sem
krakkarnir tuttugu og sjö að tölu skiptast í.
„Undirbúningurinn felst í að finna skemmti-
atriði, hafa samband við þá sem aðstoða,
redda tæknimálum, útvega kaffiveitingar og
slíkt,“ segir Bjarni. Alls verða um 20 atriði
flutt á hátíðinni, auk þess sem Bergur verð-
ur með myndlistarsýningu. Kaffi verður selt
í hléi og mun Bergur þá skapa listaverk á
staðnum úr sínum kaffibolla, en hann hefur
skapað sér þá sérstöðu að mála myndir með
kaffi. Krakkarnir eru sjálfir með nokkur
tónlistar- og leiklistaratriði, ásamt spuna, en
einnig koma fullorðnir skemmtikraftar úr
byggðarlaginu og yngri krakkar að hátíð-
inni og gefa allir vinnu sína.
Morgunblaðið/Kristín Sigurrós Einarsdóttir
Forstöðumaðurinn Bjarni Ómar Haraldsson
tekur lagið í félagsmiðstöðinni.
Bergur Thorberg kemur á
menningarhátíð Ozon
Hveragerði | Meirihluti bæjar-
stjórnar Hveragerðisbæjar frest-
aði því á fundi í fyrradag að taka
afstöðu til umsóknar ÁTVR um
rekstrarleyfi fyrir vínbúðina sem á
að fara að opna í ESSO-skálanum í
Hveragerði. Forseti bæjarstjórnar
segir að vantað hafi nauðsynleg
gögn en auðvitað verði leyfið veitt
þegar þau liggi fyrir. Vínbúðin
hefur verið tilbúin til opnunar í
viku með vörum í hillum.
Bæjarstjórn Hveragerðis óskaði
eftir því að ÁTVR opnaði vínbúð á
staðnum og lagði áherslu á að hún
yrði í hinni nýju verslunarmiðstöð,
Sunnumörk. ÁTVR ákvað eftir
auglýsingu að semja við Olíufélag-
ið hf. um að koma upp vínbúð í
bensínstöðinni í Hveragerði, þrátt
fyrir harða andstöðu bæjarstjórn-
ar og margra bæjarbúa.
Í lok síðasta mánaðar sendi
Áfengis- og tóbaksverslunin bæj-
arstjórn bréf og óskaði eftir leyfi
til að hefja rekstur vínbúðarinnar.
Meirihluti bæjarstjórnar sam-
þykkti að fresta afgreiðslu erind-
isins og fól bæjarstjóra að óska
eftir frekari upplýsingum, meðal
annars um afgreiðslutíma fyrir-
hugaðrar verslunar. Jafnframt var
vakin athygli á því að ekki lægi
fyrir starfsleyfi heilbrigðiseftirlits.
Fulltrúar minnihluta bæjarstjórn-
ar, Sjálfstæðisfélags Hveragerðis-
bæjar, greiddu atkvæði gegn
frestun og létu bóka að unnt væri
að veita starfsleyfið á grundvelli
fyrirliggjandi gagna. Jafnframt
kom fram í bókun fulltrúanna að
þótt allir bæjarfulltrúar hefðu talið
að vínbúðin væri betur komin í
Sunnumörk mætti það ekki lita af-
greiðslu þeirra á málinu nú.
„Auðvitað verður
þetta samþykkt“
Þorsteinn Hjartarson, forseti
bæjarstjórnar, segir í samtali við
Morgunblaðið að það hafi komið á
óvart að ÁTVR hefði ekki sent
umsókn um leyfi fyrr en rétt áður
en opna átti búðina. Gögn hafi
vantað sem nauðsynlegt væri að fá
áður en afstaða væri tekin til þess.
„Auðvitað verður þetta samþykkt,“
segir Þorsteinn. Hann neitar því
að frestun á afgeiðslu leyfisins sé
liður í þeim ágreiningi sem var um
staðsetningu búðarinnar.
Búið er að innrétta vínbúðina í
söluskála ESSO við Breiðumörk
og vörurnar komnar í hillur. Fyr-
irhugað var að opna hana fyrir
viku en við innkomuna í vænt-
anlega vínbúð er miði þar sem
sagt er að opnað verði þegar stað-
festing berist frá bæjarstjórn. Er-
indi ÁTVR til bæjarstjórnar er
dagsett 28. janúar. Höskuldur
Jónsson, forstjóri ÁTVR, sagði við
Fréttavef Morgunblaðsins í gær
að fyrirtækið hefði verið að bíða
eftir leyfinu sem þó hefði að þeirra
mati verið raunverulega fengið
með því að Hvergerðingar og bæj-
arstjórnin hefði óskað eftir vínbúð-
inni á sínum tíma.
Höskuldur tók fram að starfs-
leyfi heilbrigðiseftirlitsins hefði
fengist tveimur dögum fyrir fund
bæjarstjórnar og vakti einnig at-
hygli á því að það væri ekki hlut-
verk bæjarstjórna að ganga eftir
slíkum leyfum.
Þorsteinn Hjartarson sagði að
erindi ÁTVR yrði tekið fyrir þegar
umrædd gögn hefðu borist. Hann
segir að þótt ekki sé fyrirhugaður
fundur í bæjarstjórn fyrr en í
næsta mánuði mætti kalla saman
aukafund til að afgreiða brýn mál
og síðan gæti bæjarráð einnig af-
greitt málið en það kæmi saman
tvisvar í mánuði.
Bæjarstjórn frestar afgreiðslu rekstrarleyfis vínbúðar
Verslunin bíður
tilbúin til opnunar
Selfoss | Smáratorg ehf. hefur
fengið vilyrði fyrir lóð fyrir um 20
þúsund fermetra verslanamiðstöð
á Selfossi, vestan Ölfusár. Þar
hyggst fyrirtækið byggja hús fyrir
Rúmfatalagerinn og fleiri verslanir
og aðra þjónustustarfsemi. Það
verður þó væntanlega ekki fyrr en
eftir fimm ár að svo.
„Okkur finnst þetta spennandi
kostur. Það eru 20 til 25 þúsund
manns þarna á sumrin, ef við telj-
um sumarhúsafólkið með. Straum-
urinn virðist liggja þangað. Við
ákváðum því að sækja um lóð
þarna,“ segir Agnes Geirsdóttir,
framkvæmdastjóri Smáratorgs ehf.
Aðaleigandi fyrirtækisins er Jákup
Jacobsen í Rúmfatalagernum.
Fyrirtækið sótti um lóð við Suð-
urlandsveg, í iðnaðarhverfinu við
innkomuna til Selfoss, vestan Ölf-
usár. Þar hefur skipulags- og
byggingarnefnd Sveitarfélagsins
Árborgar samþykkt að úthluta fé-
laginu lóð, alls 50 til 60 hektara.
Nánari útfærsla er eftir. Um er að
ræða svæði sem áður var búið að
skipta í sjö lóðir. Bárður Guð-
mundsson, skipulags- og bygginga-
fulltrúi, segir að væntanlega verði
að breyta deiliskipulagi á svæðinu í
tengslum við lóðarúthlutunina.
Agnes segir að næstu verkefni á
vegum Smáratorgs sé að byggja
verslunarmiðstöð við Vesturlands-
veg og Turninn milli Smáratorgs
og Smáralindar í Kópavogi. Síðan
komi að uppbyggingu á Selfossi.
Tíminn verði notaður til undirbún-
ings og reiknar hún með að hægt
verði að byggja þar eftir fimm ár.
Hugmyndin er að byggja 20 þús-
und fermetra verslunarmiðstöð,
kaupgarð, eins og Agnes orðar það
með áherslu á lágvöruverðsversl-
anir. Yrði þetta tvöfalt stærri
bygging en Smáratorg í Kópavogi.
Reiknað er með að Rúmfatalager-
inn verði með verslun í húsinu og
þar verði einnig matvöruverslun,
heimilisverslun og fleiri verslanir,
jafnvel veitingastaður og hugs-
anlega bensínafgreiðsla. Agnes
segir að málið sé á byrjunarstigi
og of snemmt að segja nánar til
um hvaða starfsemi verði í húsinu.
%%




 





 

 
 
 
 ! 
""

""
# $
 
%&

 
P(8
 "!
1!%% 
  

'"! *#5
(
'








 











 



  
  !
"#
Smáratorg
fær 50–60
hektara lóð
undir versl-
unarmiðstöð
Þórshöfn | Fólksfækkun hefur víða staðið
landsbyggðinni fyrir þrifum en Þórshöfn á
Langanesi er þar undantekning því 3%
fjölgun var nú á milli ára.
Allt leiguhúsnæði á vegum sveitarfé-
lagsins er fullnýtt og á þessum fyrstu
tveim mánuðum ársins er búið að selja
tvær íbúðir í eigu þess og fyrirspurnir eru
um fleiri. Mikið barnalán hlýtur að ein-
kenna þannig staði og svo er vissulega á
Þórshöfn. Á leikskólanum Barnabóli eru
þrjátíu og fjögur hress og kát börn sem
þykir ekki margt á stærri leikskólum.
Það er þó sérstakt að núna eru fernir
tvíburar á Barnabóli og segir Steinunn
leikskólastjóri að það sé hátt hlutfall. „Ég
vann áður á leikskóla með 100 börnum og
þar voru engir tvíburar,“ sagði Steinunn,
ánægð með frjósemina á Þórshöfn.
Tvennir tvíburar hætta í vor og setjast í
fyrsta bekk Grunnskólans; það eru þær
Sonja og Díana Gunnarsdætur og dreng-
irnir Óli og Þórhallur Agnarssynir. Þeir
urðu 6 ára í janúar en þær nú í febrúar.
Feður þeirra, Agnar og Gunnar eru báðir
sjómenn á sama bát, Geir ÞH- og heyrst
hefur að fólk sem hyggur á barneignir sjái
Geirinn fyrir sér sem ákjósanlegan vinnu-
stað – en þar mun vera fullmannað.
Á yngri deildinni eru „litlu víkingarnir“
eða Birkir og Heiðmar Víkingssynir sem
verða 2ja ára í apríl og í nóvember bættust
í hópinn fjögurra ára gömlu tvíburarnir
Krystian og Justyna, sem eru pólsk. Þau
hafa aðlagast vel og fá nýbúafræðslu á leik-
skólanum.
Leikskólinn var stækkaður fyrir þremur
árum því brýn þörf var á stærra húsnæði
og ekki er annað að sjá en að litla fólkið þar
sé ánægt með lífið og tilveruna á Þórshöfn.
Morgunblaðið/Líney
Fernir tvíburar eru
nú á leikskólanum