Morgunblaðið - 12.02.2005, Blaðsíða 51
MORGUNBLAÐIÐ LAUGARDAGUR 12. FEBRÚAR 2005 51
DAGBÓK
Reykjavíkurmótið í tvímenningi.
Norður
♠ÁK10
♥Á532 S/AV
♦75
♣10985
Vestur Austur
♠D9 ♠G4
♥D64 ♥K87
♦Á96 ♦KG102
♣DG743 ♣ÁK62
Suður
♠876532
♥G109
♦D843
♣–
Friðjón Þórhallsson og Vilhjálmur
Sigurðsson tóku sín fyrstu spil saman í
Reykjavíkurmótinu í tvímenningi síð-
astliðinn laugardag. Skortur á sam-
hæfingu háði þeim lítt og þeir unnu
sannfærandi sigur með 59,2% skor. Ás-
mundur Pálsson og Guðm. P. Arnarson
urðu í öðru sæti (55,6%), en bronsið
kom í hlut Ragnars Magnússonar og
Bjarna H. Einarssonar (54,2%).
Reykjavíkurmeistararnir fengu
hreinan topp í spilinu að ofan. Eins og
sjá má liggur punktastyrkurinn í AV,
en hins vegar má fá tíu slagi í spaða-
samningi í NS. Friðjón og Vilhjálmur
fengu að spila þrjá spaða doblaða eftir
þessar sagnir:
Vestur Norður Austur Suður
– – – Pass
Pass Pass 1 grand 2 spaðar
3 lauf 3 spaðar Pass Pass
Dobl Allir pass
Vilhjálmur var í sagnhafasætinu og
fékk út lauf. Spilið liggur til sókn-
arinnar og Vilhjálmur tvísvínaði í
hjarta og tryggði sér þar þrjá slagi til
viðbótar við sjö á tromp. Sem gaf 630
og topp.
Á nokkrum borðum spiluðu AV þrjú
grönd og unnu, því spaðinn er illa stífl-
aður. En það sást líka að NS „fórnuðu“
í fjóra spaða yfir þremur gröndum og
sú fórnarsögn varð óvænt að vinnings-
sögn og gaf 590.
BRIDS
Guðmundur Páll Arnarson | dagbok@mbl.is
Félagsstarf
Ásgarður | Þorrablót SÁÁ í Ásgarði,
Glæsibæ. Húsið opnað kl. 19. Miða-
sala á skrifstofu SÁÁ í Síðumúla 3–5.
Breiðfirðingafélagið | Félagsvist í
Breiðfirðingabúð á morgun kl. 14.
Annar dagur í fjögurra daga keppni.
Kaffiveitingar, allir velkomnir.
Félag eldri borgara í Kópavogi | Opið
hús fyrir félagsmenn FEBK og gesti
þeirra í félagsheimilinu Gjábakka
laugardaginn 12. febrúar. Hefst kl. 14
Dagskrá: Upplestur o.fl. kaffi og með-
læti. Félagar fjölmennið og takið með
ykkur gesti. Skemmtinefndin.
Félag eldri borgara, Reykjavík |
Leikfélagið Snúður og Snælda frum-
sýna leikritið Ástandið á morgun kl.
14 í Iðnó. Næsta sýning verður mið-
vikudag 16. febrúar kl. 14, miðasala í
Iðnó og skrifstofu FEB. Dansleikur
sunnudagskvöld kl. 20, Hljómsveitin
Klassík leikur fyrir dansi.
Félagsstarf Gerðubergs | Í dag og á
morgun kl. 13–17 er opin listsýning
Sigríðar Salvarsdóttur frá Vigur úr
mannshári. Listakonan er á staðnum
í dag og á mánudag frá hádegi.
Hæðargarður 31 | Félagsstarfið er
öllum opið. Gönguhópur Háaleit-
ishverfis fer frá Hæðargarði 31 alla
laugardagsmorgna hvernig sem veð-
ur er. Boðið upp á teygjuæfingar og
íslenskt vatn að göngu lokinni. Til-
valin samverustund fyrir alla fjöl-
skylduna. Upplýsingar í s. 568–3132.
Kirkjustarf
Hvítasunnukirkjan Fíladelfía |
Bænastund alla laugardag kl. 20.
Einnig eru bænastundir alla virka
morgna kl. 7–8. Ath. breyttir tímar á
morgunbænastundunum.
Staðurogstund
http://www.mbl.is/sos
20 heppnir námsmenn í Námsmannaþjónustu
Íslandsbanka fá 15.000 króna bókakaupastyrk
núna í febrúar.
SÆKTU UM Á ISB.IS – DREGIÐ 21. FEBRÚAR
BANKAÁBYRGÐ Á NÁMSLÁNUM
Námsmenn í Námsmannaþjónustu Íslandsbanka geta nú fengið
bankaábyrgð á námslán sín í stað sjálfskuldarábyrgðar.
Nánari upplýsingar á isb.is, í útibúum Íslandsbanka og í þjónustuveri
í síma 440 4000.
BÓKAKAUPASTYRKUR!
PENINGAR eru viðfangsefni
fyrirlestratvennu sem Lista-
safnið á Akureyri efnir til í
samstarfi við Gilfélagið.
Fyrri fyrirlesturinn fer ein-
mitt fram í dag kl. 15 í Ket-
ilhúsinu, en þar veltir Jón
Proppé, gagnrýnandi og
heimspekingur, fyrir sér
„nokkrum hliðum á sama
peningnum“.
Í tilkynningu frá Listasafn-
inu á Akureyri segir m.a.
„Peningar eru furðuverk,
flóknir og einfaldir í senn,
blessun og byrði, guðsgjöf og
bölvun. Þeir eru að sumu
leyti mjög áþreifanlegur
hlutur, stabílli, áreiðanlegri,
raunverulegri en jörðin sem
við stöndum á. Samt hvílir
einhver leyndardómur yfir
peningunum, einhver hula
sem engum hefur tekist að
svipta af þeim. Peningar eru
ígildi allra hluta, einfaldur mælikvarði í heimi sem er sundurleitur og óend-
anlega margræður, en einfaldleiki peninganna er blekking.“
Í fyrirlestri sínum mun Jón ræða um peninga og siðmenningu, en fyrirlest-
urinn er í tengslum við sýninguna „Stríðsmenn hjartans,“ sem nú stendur yf-
ir í Listasafninu á Akureyri en þar má meðal annars sjá 100 milljónir króna í
reiðufé, en sýningunni lýkur 6. mars.
Jón Proppé veltir sér upp úr peningum
90 ÁRA afmæli. Í dag, laugardag-inn 12. febrúar, er níræð Sig-
ríður Jónsdóttir, Sólvangsvegi 1, áður
Hringbraut 35, Hafnarfirði. Hún tek-
ur á móti gestum í Skútunni, Hóls-
hrauni 3, milli kl. 15 og 18. Gjafir eru
vinsamlegast afþakkaðar.
Árnaðheilla
dagbók@mbl.is
90 ÁRA afmæli. Á morgun, 13.febrúar, verður Stefan Stef-
anson, fyrrverandi fógeti í Gimli, 90
ára. Fjölskylda hans heldur honum
samsæti í Minerva samkomuhúsinu í
Gimli kl. 14–16 á morgun, sunnudag,
en þeir sem ekki komast í veisluna geta
sent honum rafpóst (sjson@mts.net)
eða kveðju með bréfi. Heimilisfangið
er 416 – 94 1st Ave, Gimli MB R0C
1B1, CANADA.
50 ÁRA afmæli. Í dag, laugardag-inn 12. febrúar, er fimmtugur
Jón Kr. Friðgeirsson, bryti á varð-
skipinu Tý.
Hlutavelta | Á dögunum héldu tvær
ungar stúlkur hlutaveltu á Garðatorgi í
Garðabæ til styrktar Regnbogabörn-
um, samtökum gegn einelti. Þær söfn-
uðu 2.217 krónum. Stúlkurnar heita
Gyða Jóhannsdóttir, átta ára nemi í
Flataskóla í Garðabæ, og Rut Guðna-
dóttir, tíu ára nemi í Lindaskóla í
Kópavogi.
„HEITIR reitir“ er yfirskrift sýn-
ingar á ljósmyndum Báru K. Krist-
insdóttur ljósmyndara sem verður
opnuð í Ljósmyndasafni Reykjavík-
ur í dag kl. 16. Bára er að góðu kunn
sem auglýsinga- og iðnaðarljós-
myndari hér á landi. Meðfram þeirri
vinnu hefur hún einnig sinnt eigin
listsköpun á sviði ljósmyndunar,
haldið einkasýningar og tekið þátt í
fjölda samsýninga frá byrjun ferils
síns.
Myndefni Báru á sýningunni eru
gróðurhús. Myndirnar gefa innsýn í
þennan heillandi heim og leitast hún
við að fanga það sjónarspil sem
skapast út frá andstæðum; innan-
dyra og utandyra. Aðeins gler og
járngrind skilja á milli og hafa um-
hverfisþættir eins og birta, hiti og
kuldi afgerandi áhrif á útkomu
myndanna sem í senn endurspegla
fegurð og framandleika. Í mynd-
unum má einnig greina skírskotanir
til listasögunnar og minna margar
þeirra á hollenskar kyrralífsmyndir
þar sem draumurinn um Edensgarð-
inn var hafður í hávegum.
„Mér finnst gróðurhúsin mjög
heillandi heimur, það skilja þarna að
fimm millimetrar að vera inni í hita
og raka eða úti í byl,“ segir Bára.
„Gróðurhúsin eru heitir reitir, þetta
er alveg samnefni. Hér og þar á Ís-
landi eru svona heitir reitir sem eru
í senn framandi og kunnuglegir,
nokkurs konar gular kúlur sem
stíga upp úr snjónum.“
Heitir reitir, í senn framandi og kunnuglegir
Ljósmyndasafn Reykjavíkur er í
Grófinni, Tryggvagötu 15, 6. hæð.
Sýning Báru stendur til 22. maí og
er opin frá kl. 12–19 á virkum dög-
um en frá kl. 13–17 um helgar.
ULLARVETTLINGAR Myndlist-
arakademíu Íslands verða afhentir
tilgerðarlausum íslenskum mynd-
listarmanni í kvöld kl. 20.30 á
Næsta bar. Í tilkynningu frá Mynd-
listarakademíunni segir að við-
urkenningunni sé ætlað að beina
augum þjóðarinnar að því nauðsyn-
lega afli sem myndlistin er á
þroskabraut hverrar þjóðar og
gildi hennar í fortíð, nútíð og fram-
tíð. „Einnig er viðurkenningunni
ætlað að vekja athygli á þeim
myndlistarmanni sem hefur dug,
þor og frumleika til þess að ausa af
þeim nægtabrunni sem geymir forn
og ný sannindi um eðli þeirrar þjóð-
ar sem kallar sig Íslendinga,“ segir
ennfremur.
Þetta er í fimmta sinn sem Ull-
arvettlingarnir eru veittir, en í til-
efni fimm ára afmælisins munu
fyrrum handhafar vettlinganna
verða sérstakir heiðursgestir við
afhendinguna.
Ullarvettlingar afhentir
TÓNLEIKASYRPAN 15:15 tekur
upp þráðinn að nýju í Borgarleik-
húsinu í dag kl. 15.15, en slagverks-
hópurinn Benda heldur fyrstu tón-
leika sína á þessu ári sem eru
jafnframt 40. tónleikarnir sem 15:15
flytjendahópurinn heldur í sam-
starfi við Leikfélag Reykjavíkur.
Benda hefur undanfarin ár leikið
fyrir grunnskólanemendur tónleika-
dagskrá byggða á tónlist frá fram-
andi slóðum heimsins. Í þetta sinn
verður öllum aldurhópum boðið að
slást í för með Bendu og heimsækja
staði sem eru annaðhvort raunveru-
legir eða einungis til á tónlistarlegu
landakorti slagverkssafnsins.
Þá mun Benda leika nýja tónlist
sem sett hefur verið saman fyrir
þetta tækifæri, en þar er að finna
kjallaraferð niður í lægstu mögu-
legu tíðnisvið tónlistarinnar, kamm-
ermúsíktilburði stóru trommunnar
og sitthvað fleira. Gestir Bendu
verða þeir Jóel Pálsson og David
Bobroff sem blása ferskum vindum
niður í þau hyldýpi sem eru kontra-
bassaklarinett og kontrabassabás-
úna.
Eggert Pálsson, Pétur Grétarsson
og Steef van Oosterhout eru með-
limir Bendu, en þeim til halds og
trausts er þeirra tryggi gestaleikari
Snorri Sigfús Birgisson.
Framandi slóðir hjá 15:15
Fáðu fréttirnar
sendar í símann þinn