Morgunblaðið - 12.12.2006, Blaðsíða 4
4 ÞRIÐJUDAGUR 12. DESEMBER 2006 MORGUNBLAÐIÐ
FRÉTTIR
Nú bjóðum við síðustu sætin í sólina
til Kanaríeyja í janúar á frábærum
kjörum. Þú bókar og tryggir þér sæti
og 4 dögum fyrir brottför færðu að
vita hvar þú gistir.
Skógarhlíð 18 • sími 595 1000 • www.heimsferdir.is
Stökktu til
Kanarí
17. eða 24. janúar
frá kr. 29.990
Síðustu sætin
Munið Mastercard
ferðaávísunina
Verð kr. 29.990
Netverð á mann, m.v. hjón með 2 börn, 2-11
ára, í íbúð í viku 17. eða 24. janúar. Innifalið
flug, skattar, gisting og íslensk fararstjórn.
Aukavika kr. 12.000.
Verð kr. 39.990
Netverð á mann, m.v. 2 í herbergi/íbúð/stúdíó í
viku 17. eða 24. janúar. Innifalið flug, skattar,
gisting og íslensk fararstjórn.
Aukavika kr. 12.000.
„ÞETTA fór alveg ótrúlega vel,“
sagði Hólmgeir Pálmason bílstjóri
rútu með sex farþega sem fór útaf
á Gemlufallsheiði rétt fyrir kl. 7.30
í gærmorgun. Enginn slasaðist al-
varlega í óhappinu. Rútan var á
leið frá Þingeyri til Ísafjarðar
þegar snörp vindhviða kastaði
henni fram af veginum. Rútan fór
tvær veltur niður mjög bratta
brekku uns hún staðnæmdist á
réttum kili. Veðrið var af-
spyrnuvont á þessum stað og flug-
hált.
„Þetta var rétt fyrir ofan veg-
riðið, sem hefði átt að ná 100–200
metrum ofar. Það er svo hár kant-
urinn þarna,“ sagði Hólmgeir. „Í
þessari vindátt koma oft hvassar
hviður á þessum stað. Á ferðum
okkar höfum við oft fokið þarna
til. Í rauninni var fremur spurning
um hvenær en hvort við færum út-
af þarna.“
Varasamur staður
Hólmgeir fer áætlunarferðir á
milli Þingeyrar, Flateyrar, Suður-
eyrar og Ísafjarðar. Þrátt fyrir
Vestfjarðagöngin liggja leiðirnar
um brattar brekkur og heiðar.
Víða geta skyndilega komið snarp-
ar vindhviður. Þessi staður á
Gemlufallsheiði er einn sá vara-
samasti í NNA-átt. Hólmgeir
sagði að hæð kantsins þar sem
bíllinn fór framaf mældist í tugum
metra. Hann sagðist ekki geta
svarað því hvort vegrið hefði hald-
ið bílnum við þessar aðstæður.
„Alla leið upp heiðina og eftir
henni var mjög blint, bæði of-
ankoma og skafrenningur. Veð-
urspáin var 13–18 m/s. Mér fannst
ég finna á hreyfingum bílsins að
vindurinn væri hámark 13 m/s.
Það var bara allt í lagi veður, þó
það væri svona blint. Ég var á
lullkeyrslu þegar hnúturinn kom.
Ég hef aldrei fengið svona harðan
vindhnút á mig áður. Hann kom
eins og hvellur. Við misstum alla
sýn, sáum ekkert um leið og þetta
skall á. Ég nauðhemlaði og hugsa
að bíllinn hafi verið nánast stopp
þegar hann fór framaf veginum.
Það er erfitt að gera sér grein fyr-
ir hlutunum þegar maður sér ekki
neitt, en ég hafði á tilfinningunni
að bíllinn væri að fara til hliðar.
Svo gerðust hlutirnir hratt. Þegar
maður fer að hringsnúast í loftinu
gerir maður sér ekki grein fyrir
hvað snýr upp eða niður,“ sagði
Hólmgeir.
Oft að fjúka á þessari leið
Farþegarnir í bílnum voru á
ýmsum aldrei. Yngst var 11 ára
stúlka á leið í grunnskóla, ung-
lingsstúlka var að fara í próf í
framhaldsskóla og þrennt fullorðið
á leið til vinnu á Ísafirði og ein
fullorðin kona að fara á Fjórð-
ungssjúkrahúsið. Þegar bíllinn valt
heyrði Hólmgeir skelfingaróp far-
þeganna.
„Þegar svona gerist hugsar
maður bara um að halda sér og
hvernig fólkinu reiðir af. Ég hef
oft, oft, oft velt þessu fyrir mér –
hvernig er að fara útaf. Það er svo
oft sem maður er að fjúka til á
þessari leið. Ég hef alltaf sagt að
ég teldi meiri líkur en minni á því
að ég færi einhvern tímann alla
leið út af. Ég hefði kosið að vera
einn í bílnum þegar það gerðist,“
sagði Hólmgeir.
Við velturnar brotnuðu tveir litl-
ir gluggar fremst á hliðum bílsins,
líklega hafa hliðarspeglarnir brotið
þá. Þegar bíllinn stöðvaðist á hjól-
unum fór Hólmgeir aftur í og
spurði hvern og einn farþeganna
hvort þeir fyndu til. Sá sem sat
frammí hjá honum er í björg-
unarsveit og slapp ómeiddur.
Björgunarsveitarmaðurinn setti
gólfmottur yfir brotna gluggann
áveðurs og lokaði gatinu með því
að leggja bakið við motturnar.
Hólmgeir gat haft bílinn í gangi
og miðstöð og inniljósin á. Hann
hafði líka ökuljósin og blikkandi
aðvörunarljós logandi. Fljótlega
kom bíll sem var að moka heiðina
norðan að og stoppaði. Björg-
unarsveitarmaðurinn hljóp í
mokstursbílinn og lét vita hvað
gerst hafði. Hólmgeir telur að þeir
hafi þurft að aka um kílómetra
vestur eftir veginum til að komast
í GSM-samband og láta vita af
óhappinu.
Smá stund leið, tuttugu mínútur
til hálftími, þar til hjálp barst frá
Ísafirði og Þingeyri. Hólmgeir
segir að hviðan sem kastaði rút-
unni fram af hafi verið upphafið að
vitlausu veðri. Þegar lögreglubílar
og sjúkrabílar komu var orðið híf-
andi rok og rosalegir byljir. Kyrr-
stæðir bílarnir runnu til í verstu
hviðunum. Fólkið úr rútunni var
leitt í bílana og flutt á Fjórðungs-
sjúkrahúsið á Ísafirði til skoðunar.
Hólmgeir rak höfuðið í við bíl-
veltuna og tognaði líklega á hálsi.
Hann fann til svolítilla eymsla og
óþæginda í gær en sagði að við
læknisskoðun hefði ekkert sést á
hálsliðunum. Hann reiknaði með
því að fara aftur til vinnu í dag, ef
heilsan leyfði.
GSM-samband skilyrði
Ekkert GSM-samband er þar
sem óhappið varð og lélegt NMT-
samband.
„Það að fá GSM-samband þarna
er algjört skilyrði, ekki seinna en
á morgun,“ sagði Friðfinnur Sig-
urðsson, eigandi rútunnar, í sam-
tali við Morgunblaðið í gærkvöldi.
Bílstjórinn heyrði
skelfingaróp farþeganna
Mildi þykir að ekki fór verr er rúta valt í brekku á Gemlufallsheiði í gærmorgun
Í HNOTSKURN
»Rútan var á leið til Ísafjarðarí gærmorgun er hún valt á
heiðinni um hálfáttaleytið í mik-
illi hálku.
»Snörp vindhviða þeytti rút-unni útaf veginum og niður
bratta brekku.
»Sex farþegar, auk bílstjóra,voru í rútunni og slasaðist
enginn alvarlega.
»Rútan fór tvær veltur og end-aði á hjólunum.
»Ökumaður moksturstækikallaði eftir aðstoð en varð
að aka kílómetra til að komast í
GSM-samband.
Ljósmynd/Steinn Ólafsson
Bílstjórinn Hólmgeir Pálmason á heimili sínu á Þingeyri í gærkvöldi, að
jafna sig eftir óhappið. Hann fann til eymsla og tognaði á hálsi.
Eftir Guðna Einarsson
gudni@mbl.is
LÖGREGLUNNI
í Reykjavík hafa
borist alvarlegar
hótanir í kjölfar
þess að maður í
vörslu hennar
fékk hjartastopp
og lést fyrir
skömmu.
Að sögn Karls
Steinars Vals-
sonar aðstoðaryfirlögregluþjóns er
um alvarlegar hótanir að ræða
sem lögreglan hefur brugðist við
með því m.a. að fjölga lög-
reglumönnum á vakt. Karl Steinar
telur ekki rétt að greina frekar
frá þeim ráðstöfunum sem lög-
reglan hefur gripið til vegna
þessa.
Þó hafa sumir lögreglumenn
klæðst sérstökum hlífðarvestum
við störf sín sem verja þá gegn
hnífsstungum. Hótanirnar eru til
skoðunar og tekur lögreglan þær
alvarlega, sem fyrr segir.
Alvarlegar
hótanir til
lögreglunnar
STJÓRN dvalar-
og hjúkr-
unarheimilisins
Grundar hefur
farið þess á leit
við embætti lög-
reglustjórans í
Reykjavík að
það láti fara
fram rannsókn
á því hvort blaðamaður og rit-
stjóri tímaritsins Ísafoldar, hafi
gerst brotlegir við lög vegna
greinar sem birtist í 2. tbl. tíma-
ritsins Ísafoldar undir heitinu
„Endastöðin“.
Stjórnin telur að grein tíma-
ritsins standist ekki lög, hvorki
aðferðin við upplýsingaöflun, efn-
istök né umfjöllunin sjálf. Þá hef-
ur lögmaður Grundar sent rit-
stjóra tímaritsins bréf með beiðni
um að síðari hluti greinarinnar
verði ekki birtur.
Efnistök og umfjöllun tímarits-
ins varðar ýmis lagaákvæði með-
al annars réttindi sjúklinga og
um málefni aldraðra svo og frið-
helgi einkalífsins, segir í tilkynn-
ingu frá stjórn Grundar.
Stjórn Grundar
vill rannsókn
HÉRAÐSDÓMUR Reykjavíkur hef-
ur sýknað karlmann af ákæru fyrir
líkamsárás á fyrrverandi unnustu
hans í október 2005. Maðurinn var
ákærður fyrir að hafa ráðist á
stúlkuna á göngustíg í Víðidal í
Reykjavík, tekið hana hálstaki,
hrint henni í jörðina, rifið í hár
hennar og dregið hana eftir jörð-
inni, slegið höfði hennar nokkrum
sinnum í jörðina og kastað í hana
steinum. Dómurinn taldi málið ekki
nægilega sannað af hálfu ákæru-
valds og sýknaði því manninn.
Sandra Baldvinsdóttir settur hér-
aðsdómari dæmdi málið.
Talin saklaus
af árásinni
KARLMAÐUR um tvítugt hefur
verið dæmdur í eins mánaðar fang-
elsi fyrir að hafa hótað tveimur
stúlkum ofbeldi og að drepa þær ef
þær skiluðu ekki peningum sem
hann taldi að þær hefðu tekið úr
herbergi hans í vinnubúðum á
Reyðarfirði.
Maðurinn viðurkenndi sök og
sagðist hafa verið í ójafnvægi.
Málið dæmdi Freyr Ófeigsson
dómstjóri við Héraðsdóm Norður-
lands eystra. Eyþór Þorbergsson
sýslufulltrúi sótti málið fyrir
ákæruvaldið.
Fangelsaður
fyrir hótanir
HEILDARNOTKUN sýklalyfja
jókst um 6% milli áranna 2004 og
2005 á Íslandi. Svipaða sögu er að
segja hjá flestum Evrópusambands-
ríkjum. Þetta kemur fram í nýjasta
tölublaði Farsóttafrétta Landlækn-
isembættisins.
Að einhverju leyti má skýra
aukninguna með því að inflúensa
geisaði í upphafi árs og lagðist
óvenju þungt á landsmenn, segir í
blaðinu. Á árinu 2005 var heildar-
sala sýklalyfja 22,9 DDD (skil-
greindir dagskammtar/1000 íbúa/
dag). Þar af var notkun utan heil-
brigðisstofnana um 87% af
heildarnotkun sýklalyfja.
Notkun á penicillínum er 52% af
heildarnotkun sýklalyfja og fer vax-
andi. Notkun á blönduðum penicill-
ínum (amoxicillín og ensímblokkar)
hefur einnig auk-
ist töluvert.
Sala á
karbapenem og
2. og 3. kynslóða
kínólónum er
langhæst á Ís-
landi miðað við
önnur Norður-
lönd. Ennfremur
ávísa Íslendingar
langmest af
súlfa- og trímetóprímlyfjum miðað
við önnur Norðurlönd.
Þegar kannaðar eru sýklalyfja-
ávísanir utan sjúkrastofnana kemur
í ljós aukning á milli áranna 2004 og
2005 á öllum landsvæðum nema á
Austurlandi og Norðurlandi vestra.
Hins vegar eru ávísanirnar nokk-
uð breytilegar milli landshluta.
Aukin notkun
á sýklalyfjum
Svipuð þróun í öðrum ESB-ríkjum