Morgunblaðið - 12.12.2006, Blaðsíða 18

18 ÞRIÐJUDAGUR 12. DESEMBER 2006 MORGUNBLAÐIÐ
AKUREYRI
ÁRLEGT jóla-
blað verkalýðs-
félagsins Ein-
ingar-Iðju er
óvenjulegt að því
leyti í þetta
skipti að það er
skrifað á fimm
tungumálum. Áð-
ur hefur blaðið
verið á ensku og
taílensku auk ís-
lensku, en nú var bætt við pólsku og
tékknesku. Björn Snæbjörnsson,
formaður Einingar-Iðju, segir að
Pólverjum hafi fjölgað mikið á fé-
lagssvæðinu og Tékkum einnig
töluvert. Sem dæmi má nefna að
nær allir erlendu verkamennirnir
sem vinna við Héðinsfjarðargöngin
um þessar mundir eru Tékkar, og
Björn telur að hátt í hundrað tékk-
neskir verkamenn séu starfandi á
félagssvæðinu nú.
Talsverður fjöldi erlendra verka-
manna er nú félagsbundinn í Ein-
ingu-Iðju og hefur fjölgað mjög á
árinu. Nú eru félagar í verkalýðs-
félaginu frá tugum þjóðlanda.
Jólablaðið á
fimm málum
Björn
Snæbjörnsson
„MÉR líkaði sýningin mjög vel. Auð-
vitað skildi ég ekki það sem leikar-
arnir sögðu en þar sem ég kann leik-
ritið nánast utanbókar skipti það
ekki máli. Persónusköpunin var
mjög sterk að mínu mati, sem skiptir
gríðarlegu máli í þessu leikriti,“
sagði þýska leikskáldið David Gies-
elmann við Morgunblaðið, eftir há-
tíðarsýningu Leikfélags Akureyrar
á verki hans, Herra Kolbert.
Gieselmann segist hafa séð u.þ.b.
25 mismunandi uppfærslur á þessu
verki sínu, víða á meginlandi Evr-
ópu, í Ástralíu, í Síberíu og nú á Ís-
landi. „Stundum hefur verið lögð
mikil áherslu á skoplegu hlið verks-
ins án þess að persónusköpunin sé
mjög sterk og það finnst mér koma
mikið niður á verkinu sem heild.“
„Endir verksins er óvenjulegur og
það getur verið erfitt að ljúka sýn-
ingunni á áhrifamikinn hátt – en eftir
því sem persónurnar eru sterkari,
því auðveldara verður það. Og mér
fannst það mjög vel gert hér.“
Gieselmann leggur áherslu á það
að leikskáld megi ekki skila frá sér
„fullbúnu“ verki, því leikararnir og
leikstjórinn verði að fá efni í hend-
urnar sem þeir geti hnoðað. „Leiklist
á að verða til þannig; það er gott leik-
hús. Ef svo er kemur líka skemmti-
lega í ljós hve mikill munur getur
verið á sama leikritinu eftir því hvar
það er sett upp; það er töluverður
munur á því að sjá þessa sýningu
setta upp í heimalandinu eða Sydney
eða Síberíu eða á Íslandi. Samfélagið
á hverjum stað hefur áhrif.“
Persóna í verkinu veltir því fyrir
sér hvort kannski sé eðlilegt að
drepa mann. Gieselmann var spurð-
ur hvort þetta væri ef til lykilspurn-
ing í leikritinu. „Það gæti verið.
Kannski ekki stærsta spurningin en
það er ekki rangt að þessi spurning
er líklega stór í verkinu,“ sagði hann.
Hann sagðist þó ekki hefja ritun
leikrits með slíkt í huga. Nú vildi
hann t.d. reyna að nota síma á leik-
sviði til annars en skrauts og byrjaði
á að láta eina persónuna hringja á
veitingastað og panta pítsu! Síðan
vatt verkið upp á sig. „Ég er hrædd-
ur um ef ég settist niður ákveðinn í
því að skrifa verk um spurningu eins
og þá sem þú nefndir yrði erfitt að
koma frá sér góðri sögu. Ég bara
byrja og kemst svo smám saman að
því um hvað sagan er!“
„Samfélagið á hverj-
um stað hefur áhrif“
Morgunblaðið/Skapti Hallgrímsson
Glöð Edda Björg Eyjólfsdóttir, Gísli Pétur Hinriksson, Gieselmann, Unnur
Ösp Stefánsdóttir, Ólafur Steinn Ingunnarson og Guðjón Davíð Karlsson.
Í HNOTSKURN
»Þýska leikskáldið DavidGieselmann var við-
staddur sýningu á þekktasta
verki sínu á sviðinu hjá LA.
»Gieselmann telur höfundaekki mega skrifa „full-
búin“ verk því listamennirnir
verði að fá að hnoða efnið;
þannig verði góð leiklist til.
EINS og undanfarin ár mun Hjálp-
ræðisherinn á Akureyri leitast við að
aðstoða þá sem eru hjálpar þurfi fyrir
þessi jól og útvarpsstöðin Voice og
Hljóðkerfi.com standa að umsvifa-
mikilli söfnun í samstarfi við Hjálp-
arstarf kirkjunnar að þessu sinni.
„Það eru margir sem búa við
þröngan kost,“ segir í fréttatilkynn-
ingu frá Hjálpræðishernum á Akur-
eyri. Herinn verður með söfnun fyrir
jólin og úthlutar úr þeim sjóði til
þeirra sem eru hjálpar þurfi. Tekið
verður á móti umsóknum í síma 462
4406 dagana 13. til 15. desember kl.
17–19. Úthlutað verður mánudaginn
18. desember kl. 17–19.
Sjónvarpað beint
Söfnun Voice og Hljóðkerfa.com í
samstarfi við Hjálparstarf kirkjunnar
hófst í síðustu viku og stendur til 16.
desember, en þá verður henni sjón-
varpað beint á N4, Sjónvarpi Norður-
lands.
„Þetta er samstarfsverkefni þess-
ara tveggja ungu fyrirtækja í bænum
með það eitt að markmiði að ALLIR
geti haldið heilög jól hér norðanlands.
Að söfnuninni koma fyrirtæki eins og
Sparisjóður Norðlendinga, sem kost-
ar söfnunina og beinu útsendinguna á
N4, og Síminn,“ segir í frétt frá Voice.
Þess má geta að Voice 987 hefur
ákveðið að útvarpa aftansöng beint
frá Akureyrarkirkju á aðfangadag frá
kl. 18 til kl. 19.
Það verður að sögn í fyrsta skipti í
langan tíma sem hægt er að hlýða á
aftansöng frá kirkju á Norðurlandi.
Hægt verður að hlusta á aftansöng-
inn á netinu á www.voice.is.
Safna fyrir
þá sem eru
hjálpar þurfi
ÁRSFUNDUR Háskólans á Akur-
eyri verður haldinn í stofu L101 á
Sólborg föstudaginn 15. desember
kl. 12:00–13:30. Á fundinum mun
rektor kynna stefnumótun háskól-
ans fyrir 2007–2011 og fram-
kvæmdastjóri kynnir ársreikning
2005. Ársfundurinn er öllum opinn
og eru áhugasamir hvattir til að
taka þátt í umræðum.
Ársfundur HA
á föstudaginn