Morgunblaðið - 12.12.2006, Blaðsíða 10

10 ÞRIÐJUDAGUR 12. DESEMBER 2006 MORGUNBLAÐIÐ
FRÉTTIR
 ANNA Inge-
borg Pétursdóttir
varði doktorsrit-
gerð í atferlis-
greiningu við sál-
fræðideild West-
ern Michigan
University 7. júlí
sl. Ritgerðin ber
heitið Mat á yrtri
þjálfun og hlustunarþjálfun við
kennslu flokkunarfærni. Dr. James
E. Carr var aðalleiðbeinandi og for-
maður doktorsnefndar. Rannsóknin
fól í sér mat á því að hvaða marki
tvær aðferðir við að kenna ungum
börnum að flokka hugtök skiluðu sér
í flokkunarfærni sem ekki var kennd
með beinum hætti. Markmiðið var að
líkja eftir aðferðum sem algengt er
að notaðar séu við kennslu barna
með einhverfu og önnur þroskafrá-
vik. Í þeim tilgangi var útbúið hlið-
stæðulíkan af kennslu flokkunar-
færni með tilvísun annars vegar í
greiningu B.F. Skinners á yrtri hegð-
un og hins vegar í nýlegar rann-
sóknir á áreitisjafngildi. Rannsóknin
var framkvæmd með einstaklings-
tilraunasniði og í henni tóku þátt
þriggja ára börn sem ekki höfðu nein
þekkt þroskafrávik. Í upphafi lærðu
börnin að nefna sjónræn áreiti sem
ýmist voru rittákn úr erlendum mál-
um eða myndir af útlínum erlendra
landa. Börnunum var síðan kennt að
flokka ýmist tákn eða lönd, annað
hvort með hlustunarþjálfun þar sem
þau lærðu að benda á áreiti þegar
þau heyrðu flokkaheiti eða með yrtri
þjálfun þar sem þau lærðu að segja
flokkaheiti þegar þau heyrðu nöfn
einstakra tákna eða landa. Niður-
stöður voru þær að hvorug þjálfunar-
aðferðin leiddi á áreiðanlegan hátt til
birtingar færniþátta sem ekki höfðu
verið kenndir beint, en yrt þjálfun
skilaði sér stundum í bættri frammi-
stöðu í hlustun og þegar svo var birt-
ust jafnframt aðrir færniþættir.
Þessi útkoma samræmist niður-
stöðum fyrri rannsókna á kennslu
skilnings og tjáningar, ásamt nið-
urstöðum nýlegra grunnrannsókna á
tengslum máls og flokkunar hugtaka.
Anna Ingeborg Pétursdóttir fædd-
ist á Akureyri 21. janúar 1974 og ólst
þar upp hjá móðurforeldrum sínum,
Önnu Björnsdóttur, húsfrú, og Ólafi
Sigurðssyni, yfirlækni. Foreldrar
hennar eru Halldóra Ólafsdóttir,
yfirlæknir á geðdeild LSH, gift
Kjartani Mogensen, landslags-
arkitekt og Pétur Rasmussen, kenn-
ari við Menntaskólann við Sund,
kvæntur Auði Ólafsdóttur, kennara.
Anna Ingeborg lauk stúdentsprófi
frá Menntaskólanum á Akureyri
1993 og B.A. prófi í sálfræði frá Há-
skóla Íslands 1996. Hún hóf fram-
haldsnám við Western Michigan Uni-
versity í júní 2000, útskrifaðist með
meistaragráðu í júní 2004 og dokt-
orsgráðu í ágúst 2006. Anna Inge-
borg starfaði sem lektor við Félags-
vísinda- og lagadeild Háskólans á
Akureyri 2005–2006. Hún er nú að-
stoðarprófessor í sálfræði við Texas
Christian University í Fort Worth í
Texas.
Doktor í
atferlis-
greiningu
Eftir Sunnu Ósk Logadóttur
sunna@mbl.is
FJÖLBÝLISHÚS með um það bil
100 íbúðum og hjúkrunarheimili fyr-
ir allt að 90 vistmenn gæti risið á
næsta ári á Lýsisreitnum í vesturbæ
Reykjavíkur samkvæmt tillögu að
deiliskipulagi. Fjölbýlishúsið verður
níu hæðir samkvæmt tillögunni sem
nú hefur verið auglýst. Þegar hefur
verið tekið tillit til athugasemda
hagsmunaaðila við útfærslu tillög-
unnar og húsið m.a. lækkað úr tíu
hæðum.
Lýsisreiturinn markast af
Grandavegi, Eiðsgranda, Hring-
braut og Framnesvegi. Gert er ráð
fyrir töluverðri stækkun gömlu Lýs-
islóðarinnar til norðurs í átt að Eiðs-
granda samkvæmt tillögunni. Mun
húsið sem verslunin Krónan hefur
verið í, verða rifið og bætist það
svæði því við byggingarreitinn.
Deiliskipulag íbúahverfisins í Bráð-
ræðisholti, sem er innan reitsins, er
að mestu leyti óbreytt, en þar verða
leyfðar minniháttar breytingar og
viðbyggingar.
Bílastæði neðanjarðar
að mestu
„Við auglýsum núna tillögu sem
gerir ráð fyrir átta hæðum og ní-
undu hæðinni að auki sem er inn-
dregin,“ segir Margrét Þormar,
arkitekt hjá Skipulags- og bygging-
arsviði Reykjavíkurborgar. Bíla-
stæði verða aðallega neðanjarðar en
gert er ráð fyrir að hjúkrunar-
heimilið, sem komi á milli fjölbýlis-
ins og byggðarinnar í Bráðræðis-
holti, verði fjórar hæðir auk
bílakjallara.
Aðkoma að nýju byggingunum
verður að hluta frá Eiðsgranda í
gegnum JL-portið, en einnig verður
mögulegt að aka inn á milli bygging-
anna frá Grandavegi.
ÍAV eiga Lýsislóðina og var samið
við þá um að kaupa hluta lóðarinnar
undir hjúkrunarheimili en að því
munu Seltjarnarnesbær, Reykjavík-
urborg og ríkið standa í sameiningu.
Margrét segir það fara eftir þeim at-
hugasemdum sem berast við tillög-
una hvenær hægt verði að hefja
framkvæmdir. Auglýsa verði tillög-
una í sex vikur og þá taki við skoðun
athugasemda.
Tillagan verður kynnt íbúum í
samvinnu Skipulags- og bygginga-
sviðs Reykjavíkurborgar og hverfis-
ráðs Vesturbæjar í dag, þriðjudag,
kl. 17 í sal félags- og þjónustumið-
stöðar, Aflagranda 40. Á fundinum
verður m.a. umferðarsérfræðingur
með kynningu.
Deiliskipulagstillöguna, ásamt
teikningum, má finna á vefnum
www.skipbygg.is.
Hjúkrunarheimili og fjölbýlishús á Lýsisreitnum við Eiðsgranda
Tillaga um níu hæða fjölbýlis-
hús með um hundrað íbúðum
Tillaga Fjölbýlishúsið er nær Eiðsgranda og hjúkrunarheimilið nær Bráðræðisholti samkvæmt tillögunni.
Í LÖGUM, sem samþykkt voru á Al-
þingi um helgina, er kveðið á um að
einstaklingum, sem eru eða hafa ver-
ið búsettir erlendis og koma hingað
til lands til starfa tímabundið eða í
atvinnuleit, annaðhvort sem laun-
þegar eða sjálfstætt starfandi ein-
staklingar, verði heimilt að nota bif-
reið hér á landi í allt að ár án greiðslu
aðflutningsgjalda. Hingað til hefur
verið miðað við mánuð. Lögin taka
gildi hinn 1. janúar nk.
Komið til móts við
ábendingar ESA
Í athugasemdum frumvarpsins
segir að með þessum breytingum sé
verið að draga úr hættu á að þeir
sem íhuga að koma hingað til lands
til tímabundinna starfa eða í at-
vinnuleit hverfi ekki frá þeim áform-
um vegna álaga á bifreiðar hér á
landi. Auk þess sé verið að koma til
móts við ábendingar Eftirlitsstofn-
unar EFTA (ESA) í þessa átt.
„Þrátt fyrir að breytingarnar séu
til komnar vegna ábendinga ESA er
af framkvæmdalegum ástæðum lagt
til að rýmkunin verði ekki látin velta
á ríkisfangi þess sem hingað flyst til
tímabundinna starfa heldur allra
þeirra sem uppfylla áðurnefnd skil-
yrði,“ segir í athugasemdum frum-
varpsins, sem nú er orðið að lögum.
Greiði ekki
aðflutnings-
gjöld í ár
BYGGÐIN í Bráðræðisholti er kennd við býlið Bráðræði sem þar stóð á öld-
um áður. Nú er þar m.a. kjarni timburhúsa sem fluttur var frá öðrum svæð-
um í borginni eftir 1980. Guðjón Friðriksson sagnfræðingur skrifaði grein
í Lesbók Morgunblaðsins árið 1987 þar sem hann segir m.a. frá því að á síð-
ari hluta 19. aldar hafi risið steinbær lengst inn með hinum nýlagða Lauga-
vegi, en deilt var um breidd og lengd vegarins í bæjarstjórn lengi vel. „Það
þótti slíkt glapræði að byggja sér hús svo langt frá byggðinni að gárung-
arnir gáfu steinbænum nafnið Ráðleysu og var hann eftir þetta aldrei kall-
aður annað,“ skrifar Guðjón. Bæjarheitin Ráðleysa og Bráðræði buðu því
upp á skemmtilega orðaleiki. Á Valdimar Ásmundsson, ritstjóri Fjallkon-
unnar, t.d. að hafa sagt þegar deilur um Laugaveginn stóðu sem hæst „að
það væri eðlilegt að samkomulag væri ekki gott í bæjarstjórn þar sem bær-
inn byrjaði í Bráðræði og endaði í Ráðleysu,“ skrifar Guðjón í grein sinni.
Bærinn byrjaði í Bráðræði
og endaði í Ráðleysu Höfn í Hornafirði | Umferðaróhapp
varð á sjöunda tímanum í gær er
flutningabifreið valt við bæinn
Skálafell í Suðursveit.
Ökumaður bifreiðarinnar sem var
einn á ferð og var á vesturleið slapp
ómeiddur en óvíst er um skemmdir á
bifreiðinni, að sögn lögreglunnar á
Höfn í Hornafirði.
Hringveginum var lokað við
Skálafell vegna þessa óhapps í báðar
áttir og var þannig fram eftir kvöldi
á meðan unnið var við að koma bif-
reiðinni af veginum. Óhappið er rak-
ið til hálku og veghalla.
Óhapp í
Suðursveit
♦♦♦