Morgunblaðið - 12.12.2006, Blaðsíða 37
MORGUNBLAÐIÐ ÞRIÐJUDAGUR 12. DESEMBER 2006 37
ÍSLANDSMÓTIÐ í atskák hefur
verið haldið í tæpa tvo áratugi en á
sínum tíma þótti það mikil nýjung að
teflt væri með þessum
tímamörkum, þ.e. 25–30
mínútna skákum. Venj-
an hefur verið sú að
haldnar séu undanrásir
en að þeim loknum sé
haldin úrslitakeppni
sem samanstendur af
þeim sem voru efstir í
undanrásunum og sér-
stökum boðsgestum.
Heildarfjöldi keppenda
í úrslitakeppninni var
16 og hafa eldri og
óvirkari skákmenn að
jafnaði tekið þátt. Um
langt skeið hafa ýmsir
af yngri kynslóð skák-
manna talið að þetta
fyrirkomulag þjónaði
hagsmunum eldri meistara og senni-
lega til að koma til móts við þessi
sjónarmið var fyrirkomulagi mótsins í
ár verulega breytt.
Haldið var opið mót þar sem teflt
var eftir útsláttarfyrirkomulagi alveg
frá fyrstu umferð til þeirrar síðustu.
Keppnin fór fram í Vestmannaeyjum
í haust og stóðu heimamenn vel að
mótinu. Þetta var hinsvegar í fyrsta
skipti síðan á upphafsárum keppnis-
haldsins að enginn stórmeistari tók
þátt. Í undanúrslitunum í Eyjum öttu
kappi saman alþjóðlegir meistarar,
annars vegar Bragi Þorfinnsson og
Jón Viktor Gunnarsson og hinsvegar
Arnar E. Gunnarsson og Stefán
Kristjánsson. Bragi lagði Jón Viktor
að velli og Arnar bar sigur úr býtum í
einvígi sínu gegn Stefáni. Þar sem
það hefur tíðkast að halda úrslitaein-
vígið í sjónvarpssal lauk mótinu ekki í
Eyjum heldur fór það fram laugar-
daginn 9. desember sl. í sjónvarpssal
Ríkisútvarpsins þar sem íþrótta-
fréttamaðurinn Hrafnkell Kristjáns-
son stjórnaði útsendingu en skák-
skýrendur voru Helgi Ólafsson
stórmeistari og Guðfríður Lilja Grét-
arsdóttir, forseti Skáksambands Ís-
lands.
Fyrsta skák einvígisins var all-
dramatísk. Arnar stýrði svörtu mönn-
unum og fékk síst verri stöðu út úr
byrjuninni. Hægt og
sígandi náði hann und-
irtökunum en Bragi
barðist vel. Þegar
stefndi í að keppendur
myndu sættast á skipt-
an hlut lék Bragi af sér
peði og varð þá staða
hans töpuð. Hann brá á
það ráð að fórna hrók
en fá þess í stað að hóta
máti. Arnar hugðist
leika eðlilegum varnar-
leik en var kominn fram
úr sjálfum sér og snerti
kóng sinn sem leiddi til
þess að hann varð óverj-
andi mát. Í seinni at-
skákinni tefldi Bragi af
krafti með svörtu og
stóð framan af eilítið betur. Með
seiglu tókst Arnari að snúa taflinu við
og knýja fram sigur. Leikar stóðu þá
jafnir og gripið var til bráðabana þar
sem tefld var hraðskák. Bragi yfir-
spilaði andstæðing sinn í byrjun tafls
en í stað þess að láta kné fylgja kviði
sætti Bragi sig við að vera peði yfir í
endatafli sem að öllu jöfnu hefði
tryggt honum unnið tafl. Hann lék
hinsvegar hverjum afleiknum á fætur
öðrum og að lokum stóð Arnar uppi
sem sigurvegari eftir að Bragi skildi
kóng sinn eftir í dauðanum. Segja má
að með þessu hafi Arnar sett punkt-
inn yfir i-ið þar þetta var ekki eini
meistaratitill hans í síðustu viku en
mánudaginn 4. desember sl. varð
hann Atskákmeistari Reykjavíkur.
Omar varð efstur en Snorri
varð Íslandsmeistari í Netskák
Íslandsmótið í netskák fór fram á
ICC sunnudaginn 3. desember sl. þar
sem 41 skákmaður tók þátt. Egyptinn
Omar Salama reyndist óstöðvandi á
mótinu og fékk 8½ vinning af 9 mögu-
legum en Snorri G. Bergsson kom í
humátt á eftir með 8 vinninga. Þar
sem Omar er ekki íslenskur ríkis-
borgari varð Snorri Íslandsmeistari.
Næstir á eftir þeim tveim voru Davíð
Kjartansson, Jón Viktor Gunnarsson
og Magnús Örn Úlfarsson með 6½
vinning. Tómas Veigar Sigurðarson
varð efstur í flokki skákmanna með
minna en 1800 skákstig en Gunnar
Gunnarsson og Þórður Harðarson
voru efstir í flokki stigalausra. Nánari
upplýsingar um mótið er að finna á
www.skak.is.
Júlíus atskákmeistari öðlinga
Fyrir skömmu lauk atskákmóti öð-
linga sem haldið er fyrir 40 ára og
eldri. Tuttugu skákmenn mættu til
leiks og varð Júlíus Friðjónsson hlut-
skarpastur er hann fékk 7½ vinning
af 9 mögulegum. Björn Þorsteinsson
varð annar með 7 vinning en jafnir í
þriðja sæti voru þeir Gunnar Gunn-
arsson og Sverrir Norðfjörð með 6
vinninga. Ingimar Jónsson lenti í 5.
sæti með 5½ vinning. Sem fyrr var
Ólafur Ásgrímsson skákstjóri.
Ægir Páll haustmeistari
Eyjamanna
Skáklíf í Eyjum er mjög virkt um
þessar mundir. Fyrir skömmu lauk
Haustmóti Taflfélags Vestmannaeyja
þar sem tuttugu skákmenn tóku þátt.
Ægir Páll Friðbertsson (2040) varð
hlutskarpastur á mótinu með 6 vinn-
inga af 7 mögulegum. Annar varð
Einar Guðlaugsson (1875) með 5½
vinning en Sigurjón Þorkelsson
(1840) fékk bronsið með 5 vinninga.
Athygli vakti að hinn ungi og efnilegi
Nökkvi Sverrisson (1580) náði góðum
árangri á mótinu en hann lenti í 4.–5.
sæti með 4½ vinning ásamt Þórarni I.
Ólafssyni (1670). Nánari upplýsingar
um mótið og skáklíf í Eyjum er að
finna á heimasíðu TV, http://skak.eyj-
ar.is/.
Arnar Íslandsmeistari í atskák
Helgi Áss Grétarsson
daggi@internet.is
Arnar E. Gunnarsson,
atskákmeistari Íslands.
SKÁK
Sjónvarpssalur RÚV
ÍSLANDSMÓTIÐ Í ATSKÁK 2006
9. desember 2006
JÓLATRÉSSALA Flugbjörgunar-
sveitarinnar í Reykjavík hófst síð-
astliðinn mánudag og stendur til kl.
13 hinn 24. desember nema ef trén
seljast upp fyrr, en í fyrra seldust
þau upp á Þorláksmessu. Salan er í
húsi sveitarinnar við Flugvallarveg
við rætur Öskjuhlíðar og verður
opið frá 12–22 virka daga en 10–22
um helgar.
„Það þarf varla að taka fram hve
mikilvæg sala jólatrjáa og ekki síð-
ur flugelda er fyrir starfsemi björg-
unar- og hjálparsveita á Íslandi.
Þær eru mikilvægt öryggisnet á
þessu strjál- og harðbýla landi okk-
ar. Sjálfboðaliðar fara út í öllum
veðrum til að aðstoða, hvort sem er
á fjöllum eða í borgum og bæjum.
Til að geta sinnt þessu starfi sínu
þurfa sveitirnar ýmis tæki og tól.
Til að fjármagna þau standa sjálf-
boðaliðar, konur og karlar á öllum
aldri í fjáröfluninni í desember og
sleppa jafnvel smákökubakstrinum
vegna hennar,“ segir í fréttatil-
kynningu.
Jólatréssala
Flugbjörgunar-
sveitarinnar
Bátar
30 rúmlesta skipstjórnarnám.
Fjarnám við Framhaldsskólann í Aust-
ur-Skaftafellssýslu. Skráning á vefn-
um www.fas.is og í síma 470 8070.
Umsóknarfrestur til 18. janúar.
Hjólbarðar
Matador ný vetrardekk. Tilboð
4 stk. 195/65 R 15 + vinna 31.900 kr.
Kaldasel ehf. ,
Dalvegur 16b, Kópavogur,
s. 544 4333.
Ökukennsla
Glæsileg kennslubifreið
Subaru Impreza 2006, 4 wd.
Góður í vetrarakstur.
Akstursmat og endurtökupróf.
Gylfi Guðjónsson,
sími 696 0042.
Smáauglýsingar 5691100
Röng föðurnöfn
VILLA slæddist inn í frétt á bls. 9 í
Morgunblaðinu í gær þar sem greint
var frá Reykdalsvirkjun í Hafnar-
firði. Jóhannes Einarsson var fyrir
mistök kallaður Jóhannes Reykdal,
sem var nafn afa hans.
Á sömu síðu var fjallað um ferð
ljósmóður og hjúkrunarfræðings til
Afganistan. Þar var rangt farið með
föðurnafn Evu Laufeyjar Stefáns-
dóttur.
Velvirðingar er beðist á þessum
mistökum.
Jón hjá Arev
RANGHERMT var á viðskiptasíðu
blaðsins í gær að Jón Scheving
Thorsteinsson færi fyrir fjárfest-
ingasjóðnum BG Capital. Hið rétta
er að Jón Scheving er meirihlutaeig-
andi Arev, sem m.a. annars á verð-
bréfafyritækið Arev hf á Íslandi og
ráðgjafafyrirtækið Arev Ltd í Lond-
on. Aðrir eigendur eru starfsmenn
félaganna. Fyrirtæki þessi reka
einnig vogunarsjóðinn Arev Capital
Ltd sem skráður er í írsku kauphöll-
inni og fjárfestingarsjóðinn Kcaj.
Beðist er velvirðingar á þessu.
Rangt orð
Í UMSÖGN Önnu Jóa í Lesbók á
laugardag, um sýningar í Gerðar-
safni, var orðinu hnattstæðing vikið
út fyrir orðið hnattvæðing, og rask-
aðist þar með merking setningar-
innar. Rétt er hún svona:
Sýningarnar þrjár vekja til um-
hugsunar um frumbyggja- og ný-
lendusögu í víðu samhengi,svo sem í
tengslum við umræðu um hnatt-
stæðingu, eða áherslu á staðbundin
sérkenni andspænis áhrifum hnatt-
væðingarinnar það afl samtímans
sem „þvingar“ þjóðir til að meðtaka
ákveðna hugmyndafræði og lífs-
hætti.
LEIÐRÉTT
Veizlubrids
í Gullsmáranum
Bridsdeild FEBK í Gullsmára
spilaði síðasta tvímenninginn fyrir
jól mánudaginn 11. desember. Spil-
aður var stuttur tvímenningur, veitt
verðlaun til efstu teyma í sveita-
keppni fyrr í vetur, en þar var sveit
Þorsteins Laufdal efst. Síðan var
sezt að veisluborði, súkkulaði, kaffi,
veizlubrauð og rjómatertur. Næst
verður spilað mánudaginn 8. janúar
á nýju ári. Beztum árangri í stuttum
tvímenningi náðu í NS
Eysteinn Einarsson – Jón Stefánsson 158
Helga Helgad. – Ásgrímur Aðalsteinss. 149
Þorg. Sigurgeirsd. – Stefán Friðbjss. 129
Katarínus Jónsson – Helgi Sigurðss. 118
AV
Ernst Backmann – Tómas Sigurðss. 144
Þórður Jörundss. – Hrafnhildur Skúlad. 133
Raghildur Gunnarsd – Ólafur Gunnarss. 128
Bragi Björnsson – Viðar Jónsson 126
Bridsfélag Kópavogs
Sveit Allianz stóð uppi sem sigur-
vegari í afar spennandi Aðalsveita-
keppni BK, þar sem fjórar efstu
sveitirnar skiptust á um að leiða eftir
hvert kvöld.
Sveit Allianz skipuðu Bernódus
Kristinsson, Georg Sverrisson,
Hróðmar Sigurbjörnsson og Ragnar
Jónsson.
Lokastaðan:
Allianz 129
Birgir Örn Steingrímsson 123
Sigurður Sigurjónsson 121
Loftur Pétursson 110
Næsta fimmtudag er síðasta spila-
kvöld ársins hjá BK. Þá verður jóla-
tvímenningur og verða vinningar í
boði fyrir þá sem skora mest og líka
aðra. Einnig verður boðið upp á
hefðbundinn jóladrykk að hætti
Lovísu.
BRIDS
Umsjón Arnór G.
Ragnarsson| norir@mbl.is
BORGARMÁLARÁÐ Samfylking-
arinnar efnir til opins fundar um
málefni innflytjenda á veitinga-
staðnum DOMO í Þingholtsstræti 5
í kvöld, þriðjudagskvöldið 12. des-
ember, og hefst klukkan 20. Yfir-
skrift fundarins er „Heimurinn er
hér“.
Erindi flytja: Anh Dao Tran,
verkefnisstjóri, ,,Framtíð í nýju
landi“, Ásgeir Beinteinsson, skóla-
stjóri Háteigsskóla, ,,Er grunnskól-
inn fyrir alla Íslendinga?“, Haukur
Harðarson, verkefnisstjóri hjá
Mími-símenntun, ,,Sögur af vinnu-
markaði“, Ingibjörg Sólrún Gísla-
dóttir, formaður Samfylkingar-
innar, ,,Sköpum jafnvægi í sam-
félaginu“, María Reyndal, leik-
stjóri, ,,Best í heimi“, og Tatjana
Latinovic, sem situr í stjórn
Alþjóðahúss, samtökum kvenna af
erlendum uppruna og Innflytjenda-
ráði, flytur erindið ,,Jöfn á öllum
sviðum“.
Fundarstjóri er Oddný Sturlu-
dóttir, varaborgarfulltrúi.
Opinn fundur
um málefni
innflytjenda
DR. Adriënne Heijnen, mannfræð-
ingur við Háskólann í Árósum,
fjallar í kvöld, þriðjudaginn 12.
desember, í máli og myndum um
grímuhefðir granna okkar í
vestri, hvernig Grænlendingar
nota grímur í daglegu lífi, sögu-
lega þróun og þýðingu í samtím-
anum.
Fyrirlesturinn, sem er í boði
Stofnunar Vilhjálms Stefánssonar
og Kalak, vinafélags Grænlands
og Íslands, með stuðningi danska
sendiráðsins á Íslandi, verður í
Norræna húsinu í Reykjavík og
hefst kl. 20. Allir eru velkomnir.
Fyrirlestur um
grænlenska
grímuhefð
ÚT ER komin Krossgátubók ársins
2007. Þetta er 24. skipti sem bókin
kemur út en ÓP-útgáfan hefur sem
fyrr veg og vanda af útgáfunni.
Bókin er 68 blaðsíður að þessu
sinni. Ráðningar á annarri hverri
gátu er að finnast aftast í bókinni.
Forsíðumyndin er af Geir H.
Haarde forsætisráðherra og er hún
eftir Brian Pilkinton. Gutenberg
annaðist prentun og bókband.
Krossgátubókin fæst í öllum
helstu bókabúðum og söluturnum
landsins.
Krossgátubók
ársins komin út
FRÉTTIR
JÓLAGLEÐI Kramhússins verður
haldin 16. desember í Borgarleik-
húsinu. Þetta er í 24. sinn sem nem-
endur Kramhússins koma saman
fyrir jól og sýna listir sínar. Jóla-
gleðin hefur vaxið ár frá ári og er
nú orðin metnaðarfull sýning með
dans- og skemmtiatriðum um 280
þátttakenda.
Eins og venja er mun fjölbreytni
ríkja og í boði er alþjóðlegur menn-
ingarkokteill að hætti hússins undir
stjórn kennara frá Danmörku,
Belgíu, Frakklandi, Spáni, Búlg-
aríu, Austurríki, Gíneu, Argentínu,
Perú, Mexíkó, Chile og Íslandi.
Húsið verður opnað kl. 20:00 og
skemmtunin hefst kl. 20:30. Eftir að
formlegri dagskrá lýkur verða
gæðasúpa Borgarleikhússins og
heimabakað brauð selt á vægu
verði og haldinn dansleikur í and-
dyri hússins.
Jólagleði
Kramhússins
ÚT ER komin bókin Skógarbók
Grænni skóga. Efni bókarinnar er
byggt á námsefni námskeiða
Grænni skóga, sem er nám fyrir
skógarbændur.
Námið hófst árið 2001 fyrst á
vegum Garðyrkjuskólans og síðar
Landbúnaðarháskóla Íslands í sam-
starfi við Skógrækt ríkisins, Land-
græðsluna og landshlutabundnu
skógræktarverkefnin. Bókin er
hugsuð bæði sem kennslubók og al-
menn handbók um fjölmarga þætti
skógræktar á Íslandi og er ætlað að
bæta úr brýnni þörf fyrir slíkt
námsefni, segir í fréttatilkynningu.
Skógarbók Grænni skóga fæst í
bókabúðum Pennans Eymundsson
og á skrifstofu Landabúnaðarhá-
skóla Íslands á Reykjum. Einnig
getur fólk pantað bókina á vefnum
www.lbhi.is
Skógarbók
Grænni skóga