Morgunblaðið - 12.12.2006, Blaðsíða 25

úr bæjarlífinu
MORGUNBLAÐIÐ ÞRIÐJUDAGUR 12. DESEMBER 2006 25
Rafmagnið datt út í smá tíma á sunnudaginn.
Ég tók upp símtólið og hugðist hringja í ná-
grannann til að segja honum að nú væri komið
að því; þetta væri orðið einni jólaseríunni of
mikið og kerfið þyldi ekki meira. Þá datt raf-
magnið inn aftur og hægt að halda áfram að
undirbúa piparkökumálunarveislu með ung-
viðinu. Nágranni minn bætir enn við ljósum og
ég þarf ekki lengur að kveikja inni hjá mér í
rökkrinu. Útijólaskreytingar eru hrífandi fyr-
irbæri og ég styð heilshugar þessa gleðivekj-
andi skammdegisupplyftingu.
  
„Hann er í bakstursfríi í dag,“ var svarað í fyr-
irtækinu sem ég hringdi í til að bera upp erindi
við einn starfsmanna þar. Ha? Jú, þetta er til
og er víst hjá sumum starfsgreinum í kjara-
samningum. Karlar og konur fá einn frídag
fyrir jólin til að vera heima við og baka til
jólanna. Dásamlegt og aukinheldur til eft-
irbreytni fyrir atvinnurekendur.
  
Á ferð í skröltandi járnbrautarlest eftir dimm-
leitum og vatnsgjálfrandi aðrennslisgöngum
Kárahnjúkavirkjunar í fyrri viku var mér sagt
að kínversku starfsmennirnir hjá Impregilo
fjárfestu nú unnvörpum laun sín í fasteignum.
Þeir kaupa sér til dæmis 140 fermetra íbúð í
miðborg í Peking fyrir árslaunin, enda treysta
þeir víst kínversku bönkunum ekki of vel fyrir
aurunum sínum. Portúgalarnir telja margir
mátulegt að vinna hér í þrjú ár alls og eftir
þann tíma geta þeir farið heim og keypt sér
gott einbýlishús og nýjan bíl og borgað í topp.
Um þetta eru dæmi við Kárahnjúka. Annað
gildir sjálfsagt um þá fjölmörgu erlendu
starfsmenn sem senda verulegan hlut launa
sinna mánaðarlega heim til að framfleyta fjöl-
skyldum sínum.
  
Egilsstaðabúar hlakka reglulega mikið til að
sjá jólaskreytingar í Fljótsdalnum í ár. Telja
þeir einsýnt að skreyta megi hressilega innst í
dalnum þar sem Landsvirkjun og verktakar
hafa bækistöðvar og undirbúa raforkuflutning
úr túrbínum Kárahnjúkavirkjunar til álversins
á Reyðarfirði. Nóg af rafmagni á þeim bænum
þó hverflarnir snúist ekki fyrr en á næsta ári.
  
Forvitnileg ljósmyndasýning opnar brátt í
bænum en þá sýnir Skarphéðinn G. Þórisson
líffræðingur ljósmyndir frá tveggja ára dvöl
sinni og fjölskyldunnar í Malavi. Sagt er frá
einstaklingum og lífi þeirra auk stórbrotins
náttúrufars í myndum og máli og sýndir munir
sem tengjast daglegu lífi við Malavivatnið.
Morgunblaðið/Steinunn Ásmundsdóttir
Eftirvænting Ungviðið er glatt á aðventunni.
EGILSSTAÐIR
Steinunn Ásmundsdóttir blaðamaður
Rúnar Kristjánsson áSkagaströnd fylgdist með
umræðum í þinginu:
Halldór Blöndal steig í stól,
studdi að gæslumiðum.
Setti á Guðjón Ólaf ól
eftir réttum siðum.
Fannst honum þar langt úr leið
lítill snati gjamma.
Áminning því yfir reið
eins og högg á kjamma!
Davíð Hjálmar Haraldsson
heyrði í fréttum að hitinn í
Ölpunum væri slíkur að skógar-
birnir þar gætu ekki lagst í
vetrardvala. Honum varð hugsað til
vinar síns og orti:
Í Ölpunum er svo horngrýti heitt
að hamstola birnirnir ná ekki að sofna.
Án þess ég viti samt um það neitt
efast ég um að svo mikið sem nefið á
þessum á Grenivík sé farið að dofna.
Björn Ingólfsson fékk kveðjuna
og svarar:
Þótt birnir í Ölpunum búi við stress
sem barn er ég hvíldur og sofinn,
svo yfir mig frískur og afspyrnu hress
að ekki svo mikið sem minnsta fruma í
nefinu á mér er dofin.
VÍSNAHORNIÐ
Birnir og
þingmenn
pebl@mbl.is
SÉRFRÆÐINGAR vara við því
að skilja smábörn eftir í bílstólum
án aðgæslu af hættu á að þau
kunni að lenda í andnauð. Slík
vandamál gætu komið upp vegna
þess að viðbragð, sem heldur höfði
barnsins uppréttu og önduninni
eðlilegri, er að þroskast smám
saman á fyrsta árinu.
Ný-sjálensku sérfræðingarnir,
sem skoðað hafa þetta sér-
staklega, telja að með útfærslu-
breytingum á barnabílstólum megi
halda höfði ungbarna stöðugu svo
það hlammist ekki fram og þrýsti
kjálka að brjósti heldur haldist
stöðugt. Auk notkunar í bílum eru
bílstólarnir gjarnan notaðir til að
bera börn um, bæði utan dyra og
eins innan heimilisins. Hinsvegar
getur það reynst barni banvænt
að leyfa því að sofna í bílstólnum í
uppréttri stöðu, að sögn sérfræð-
inga.
„Við vonum þó að ekkert aftri
fólki frá því að nota barnabílstóla í
bílana sína. Stólarnir eru ekki að-
eins lögleg skylda, dæmin sanna
að þótt slys komi fyrir bjarga þeir
ekki síður mannslífum,“ að sögn
talsmanns sérfræðingahópsins.
Frá þessu var greint í netmiðli
Breska ríkisútvarpsins BBC fyrir
skömmu.
Banabiti í
bílstólum
heilsa