Morgunblaðið - 12.12.2006, Blaðsíða 24
hönnun
24 ÞRIÐJUDAGUR 12. DESEMBER 2006 MORGUNBLAÐIÐ
Í
litlum kjallara í Þingholt-
unum í Reykjavík koma
þrír félagar nokkuð reglu-
lega saman í frítíma sínum
og hanna flott sjálftrekkt
gæðaúr, sem nú seljast eins og
heitar lummur fyrir svo mikið sem
frá 98 þúsundum kr. til 160 þúsund
kr. stykkið. Þeim er ætlað að end-
ast mann fram af manni enda
fylgir þeim sérhannað plagg, þar
sem skrá má ættarsöguna. Fyrstu
úrin komu á markaðinn fyrir lið-
lega ári, en nú hafa nýjar línur
bæst við, bæði herra- og dömulín-
ur.
Fjöldaframleiðsla höfðar ekki til
þremenninganna því þeir eru sam-
mála um að vandað armbandsúr sé
munaðarvara, sem eigi að veita
eiganda sínum ómælda ánægju,
enda er úrið oft eini „skartgrip-
urinn“ sem karlmenn bera. Á átt-
unda áratug síðustu aldar var útlit
fyrir að sjálftrekkta armbandsúrið
heyrði sögunni til þegar ódýr
kvartsúr, knúin rafhlöðu, flæddu
yfir markaðinn. Sú varð þó ekki
raunin þar sem ódýr fjöldafram-
leiðsla höfðaði ekki til allra og
„endurkoma“ sjálftrekktu arm-
bandsúranna sannaði gildi sitt.
Erfiður lokaður heimur
„Það má segja að í hönnunar-
vinnunni hafi okkur tekist að færa
armbandsúrið fimmtíu ár aftur í
tímann. Við leggjum upp með það
að úrin okkar séu tímalaus og
klassísk fyrir kröfuharða viðskipta-
vini. Öll eru þau sjálftrekkt og
gerð úr vönduðustu hlutum, sem
völ er á, enda trúum við því að
armbandsúr fyrir fimmtíu árum
hafi verið betri en þau úr, sem eru
fjöldaframleidd í dag, því sjálf-
trekkt gangverk er listasmíð. Eitt
slíkt úr er búið til úr meira en
hundrað pörtum. Við hönnum alla
partana sjálfir og látum sérsmíða
þá hjá átta sérhæfðum fyrir-
tækjum í Evrópu. Það var að von-
um mjög erfitt að komast inn í
þennan lokaða heim úraframleið-
enda. Það tókst þó að lokum því
við gáfumst ekkert upp með því að
taka „nei“ sem svar. Í ofanálag
þóttum við félagarnir dálítið
skrýtnir og bjartsýnir sem segja
má að hafi hjálpað okkur
við að brjótast inn í þenn-
an annars lokaða heim,“
segir Júlíus Steinar
Heiðarsson, sem ásamt
Sigurði Birni Gilberts-
syni og Grímkatli
Pétri Sigurþórssyni
stendur að fyr-
irtækinu JS
Watch Company
Reykjavík.
Þeir segja að
úrin séu sett saman
úr hlutum, sérvöld-
um með gæði og
áreiðanleika að leið-
arljósi. Gangverkið er
smíðað í Sviss af einum
virtasta framleiðanda á því
sviði sem rekur sögu sína
aftur til ársins 1793. Kass-
inn og skífan eru smíðuð í
Þýskalandi. Glerið er demantsslíp-
aður safírkristall og ólarnar eru
gerðar úr krókódílaskinni, strúts-
leðri og fiskroði.
Féll fyrir antikúri í Lundúnum
Úrin koma í pörtum til landsins
og sér Sigurður svo um að setja
þau saman eftir kúnstarinnar
reglum, en hann hefur starfað í
fimmtán ár hjá föður sínum Gil-
berti Ó. Guðjónssyni, úrsmíða-
meistara og gæðastjóra nýja úra-
fyrirtækisins. Gilbert rekur verslun
á Laugavegi og er einka-
söluaðili íslensku úranna.
„Við erum allir krón-
ískir úradellukarlar og
ég geng reglulega með
tvö úr, hvort á sinni
hendinni, enda er ég
alltaf mjög stund-
vís,“ segir Júl-
íus, sem hefur
safnað úrum í
mörg ár á ferð-
um sínum hjá
Atlanta þar sem
hann starfaði í
þrettán ár sem flug-
þjónn, flugmaður og
flugstjóri. Nú starfar
Júlíus hjá Flugfélagi Ís-
lands. „Þessi söfnunar-
árátta mín hófst fyrir
mörgum árum þegar ég
kolféll fyrir antikúri, sem ég
rakst á í London, því það minnti
mig svo mikið á flotta úrið, sem afi
Þorgrímur, prófastur á Staðastað,
gekk alltaf með, en fyrir honum
bar ég ómælda virðingu. Ég keypti
úrið og fór með það í viðgerð til
feðganna Gilberts og Sigurðar.
Keypti svo fleiri og fleiri úr út um
allar trissur og fór að trufla þá
feðga mjög reglulega í vinnunni.
Hins vegar eru öll úrin mín nú til
sölu þar sem ég er harðákveðinn í
að ganga framvegis ekki með önn-
ur úr en frá JS Watch,“ segir Júl-
Úrahönnuðirnir Grímkell Pétur Sigurþórsson, Júlíus Steinar Heiðarsson og Sigurður Björn Gilbertsson velta vöngum yfir sérhönnuðum úrunum, sem
verða gjarnan til við eldhúsborðið, en allir segjast þeir vera með króníska úradellu.
Eftir Jóhönnu Ingvarsdóttur
join@mbl.is
„Viljum hanna klassísk
og tímalaus gæðaúr“
Morgunblaðið/ÞÖK
Aftur til fortíðar Í hönnunarvinnunni segja þeir félagar að þeim hafi tekist
að færa armbandsúrið fimmtíu ár aftur í tímann.
íus, sem kynntist Sigurði í versl-
uninni þegar hann fór að venja
komur sínar þangað með úrin sín.
„Við fengum þessa hugdettu að
gaman væri að búa til okkar eigin
úr og fórum að þreifa fyrir okkur
með tölvupóstsendingum til úra-
framleiðenda erlendis. Grímkell,
sem er margmiðlunarfræðingur og
starfar nú sem ráðstefnustjóri hjá
Iceland Travel, bættist svo í hóp-
inn þar sem okkur vantaði flinkan
hönnuð og teiknara til að koma
framleiðsluferlinu í tölvutæk skjöl.“
Fyrirtækið sitt stofnuðu þre-
menningarnir hinn 9. nóvember
2005 og byrjuðu á því að setja
hundrað karlmannsúr á markaðinn
sem einfaldlega hét „frumgerð“.
Þau seldust öll upp fyrir jólin í
fyrra og í kjölfarið fylgdi 101-línan
fyrir karla og konur, síðan Isl-
andus-línan og svo A-2-línan. Þar
sem félagarnir eru allir í starfi
annars staðar fellur úrahönnunin
enn sem komið er undir frístundir.
Þeir neita því þó ekki að gaman
gæti verið að vinna alfarið við
áhugamálið. Sá draumur væri
kannski ekki svo óraunhæfur í ljósi
vinsælda úranna auk þess sem
hugmyndir eru uppi um markaðs-
setningu erlendis á þessari nýju ís-
lensku hönnun, sem þeir segja að
standist gæðakröfur fínustu úra.
Íslensku úrin hafa m.a. náð vin-
sældum meðal „frægra“, sem lagt
hafa leið sína á Laugaveginn. Leik-
stjórinn Quentin Tarantino festi
t.d. kaup á úri og leikarinn Eli
Roth lét sig ekki muna um þrjú.
„Við höfum líka tekið að okkur
ýmsar séróskir. Við gerðum til
dæmis rautt úr fyrir dömu um
daginn í stíl við rauðu leð-
urstígvélin og rauðu leðurtöskuna
hennar. Og svo kom maður að máli
við okkur um daginn og bað okkur
að sérhanna úr til að gefa frúnni í
jólagjöf. Hann sagði að það skipti
ekki svo ýkja miklu máli hvað úrið
myndi kosta, en það ætti að vera
algjörlega sérstakt. Við hönnuðum
úr í 101-línunni með skelplötuskífu,
tólf demöntum, upphafsstöfum
konunnar, mynstruðu gangverki og
handsaumuðum strút í ólinni.
Nærri lætur að svona sérhönnun
slagi í hálfa milljón króna.“
www.jswatch.com
Íslensk úr
Hönnun
þeirra
félaga.