Morgunblaðið - 12.12.2006, Blaðsíða 40
staðurstund
Atli Bollason segir nýju plötu
Benna Hemm Hemm, Kajak,
betri en þá fyrri og gefur henni
fjórar stjörnur. » 47
dómur
Sæbjörn Valdimarsson segir
myndina The Holiday „skraut-
lega innpakkaða jólagjöf, langa
og glysgjarna.“ » 49
kvikmynd
Bergþóra Jónsdóttir fjallar um
nýútkominn disk þar sem má
heyra Einar Kristján Einarsson
leika af fingum fram. » 41
af listum
Nýjasta mynd Mel Gibson fór
beint á toppinn á aðsóknarlista
bíóhúsa í Bandaríkjunum þrátt
fyrir að vera umdeild. » 43
kvikmynd
Arnar Eggert Thoroddsen fær
útrás fyrir gríðarlegan áhuga á
allri tónlist í nýjum útvarps-
þætti á XFM. » 41
útvarp
Eftir Jóhann Bjarna Kolbeinsson
jbk@mbl.is
Hin þekkta saga Eymd (Mi-sery) eftir bandarískarithöfundinn StephenKing verður sett á svið á
NASA við Austurvöll í byrjun næsta
árs, en æfingar standa nú sem hæst.
Það er fyrirtækið Stúdíó 4 sem set-
ur verkið upp, en Jóhann Sigurð-
arson er stjórnarformaður þess, auk
þess sem hann er leikstjóri verksins.
„Það er mikil glæpasagnatíð og
glæpasagan er í miklu öndvegi
þessa dagana. Svo er leikritið
spennandi og sagan góð,“ segir Jó-
hann um ástæðu þess að ráðist var í
að setja verkið upp, en hann telur að
þetta sé í fyrsta skipti sem verk
byggt á sögu eftir Stephen King sé
sett á svið hér á landi. Kvikmynd
sem byggð var á bókinni var gerð
árið 1990 og hlaut Kathy Bates Ósk-
arsverðlaun fyrir hlutverk sitt sem
hin sturlaða Annie Wilkes. Það er
Ólafía Hrönn Jónsdóttir sem fer
með hlutverk hennar að þessu sinni,
en þótt hún sé ef til vill þekktari fyr-
ir gamanleik telur Jóhann að hún
fari létt með þetta alvarlega hlut-
verk. „Ólafía Hrönn er náttúrulega
frábær leikkona og það er það sem
málið snýst um. Hún hefur leikið
drama og kómík jöfnum höndum, og
svo er líka ákveðinn húmor í þessu
verki þótt það sé vissulega skelfilegt
á köflum. Ólafía hefur kannski feng-
ist meira við kómísk hlutverk að
undanförnu en hún hefur líka leikið
mikið af dramatískum hlutverkum,“
segir Jóhann. Einungis tveir leik-
arar eru í verkinu, en það er Valdi-
mar Örn Flygering sem fer með
hlutverk rithöfundarins Paul Shel-
don.
Mjög ógnvekjandi
Sagan segir frá þekktum rithöf-
undi sem lendir í alvarlegu bílslysi í
óbyggðum, en er bjargað af konu
sem segist vera mikill aðdáandi
hans. Hún fer með hann heim til sín
þar sem hún gerir að sárum hans,
en eftir því sem lengra líður virðist
hún vilja honum allt annað en gott. Í
ljósi þess hve sagan er ofbeldisfull
telur Jóhann hugsanlegt að leikritið
verði bannað börnum. „Það er nú
ekki búið að taka á því en það gæti
farið svo. Þetta er mjög ógnvekj-
andi.“ Aðspurður segir Jóhann að
ekkert mið sé tekið af kvikmyndinni
við uppsetningu leikritsins. „Þetta
er alveg sér leikgerð sem var gerð
eftir bókinni. Við gerum bara okkar
leikhús,“ segir hann.
Einleikur um Janis Joplin
Misery er fyrsta leikritið sem
Stúdíó 4 setur upp á NASA, en það
verður frumsýnt föstudaginn 12.
janúar. Að sögn Jóhanns er von á
fleiri verkum á fjalirnar á NASA.
„Við erum með nýtt leikrit sem
Ólafur Haukur Símonarson skrifaði
fyrir okkur og heitir 27. Það byggir
á ævi Janis Joplin og er einleikur
fyrir eina leikkonu og tvær til þrjár
söngkonur,“ segir Jóhann og bætir
því við að leit að leikkonu standi nú
yfir, en verkið verður frumsýnt með
vorinu. Hingað til hefur NASA fyrst
og fremst verið notaður til tónleika-
halds en Jóhann segir staðinn einnig
ágætt leikhús. „Já, allavega fyrir
svona leikhús þar sem ekki eru mik-
ið fleiri en tveir til þrír leikarar,
kannski fjórir. Þetta er ekki það
stórt rými að það beri mikið fleiri,“
segir Jóhann sem stendur að Stúdíó
4 ásamt þeim Helga Ólafssyni, Hin-
rik Ólafssyni og Valdimar Erni
Flygenring.
Leiklist | Hin þekkta hrollvekja Misery eftir Stephen King sett á svið í janúar
Ógn og skelfing skekur NASA
Eymd Kathy Bates og James Caan í hlutverkum sínum í Misery.
Morgunblaðið/ÞÖK
Ógnvekjandi Ólafía Hrönn og Valdimar Örn á æfingu. Þetta mun vera í fyrsta sinn sem verk eftir Stephen King er sett á svið hér á landi.
Morgunblaðið/ÞÖK
Leikstjórinn „Það er mikil glæpasagnatíð og glæpasagan er í miklu önd-
vegi þessa dagana. Svo er leikritið spennandi og sagan góð,“ segir Jóhann.