Morgunblaðið - 08.12.2007, Blaðsíða 4

4 LAUGARDAGUR 8. DESEMBER 2007 MORGUNBLAÐIÐ
FRÉTTIR
„ÞAÐ hefur aukist mjög að ungt
fólk leiti sér aðstoðar hjá okkur
vegna verulegra fjárhagsörð-
ugleika og við höfum miklar
áhyggjur af því. Það er greinilegt
að auka þarf fræðslu varðandi fjár-
mál meðal ungs fólks og það er
nokkuð sem við munum beita okkur
fyrir í auknum mæli,“ segir Ásta
Sigrún Helgadóttir, forstöðumaður
Ráðgjafarstofu um fjármál heim-
ilanna.
Samkomulag um hlutverk og
rekstur ráðgjafarstofunnar var
undirritað í gær. Kreditkort hf.
bættist þá í hóp þeirra 15 aðila sem
standa að baki stofunni og gildir
samkomulagið að þessu sinni til
fimm ára. Fram til þessa hefur það
verið endurnýjað á þriggja ára
fresti frá því stofan var sett á lagg-
irnar árið 1996.
600 umsóknir á ári
Ráðgjafarþjónustan veitir ein-
staklingum og fjölskyldum ráð
vegna greiðsluerfiðleika og hjálpar
þeim að öðlast heildaryfirsýn yfir
fjármál sín og leita lausna. „Frá
upphafi hefur stærsti hópurinn sem
leitar til okkar verið einstæðar
mæður. Við höfum ekki enn tekið
saman tölur fyrir þetta ár, en ein-
stæðar mæður eru líklega um þriðj-
ungur hópsins eins og verið hefur.
Stærsti aldurshópurinn hingað til
hefur verið fólk á milli þrítugs og
fertugs, en hópurinn á milli tvítugs
og þrítugs er alltaf að stækka og sí-
fellt yngra fólk leitar til okkar.
Annars hefur þetta ár verið svipað
síðustu tveimur árum, en við höfum
verið að afgreiða um 600 umsóknir
á ári,“ segir Ásta Sigrún Helgadótt-
ir.
Ráðgjafarþjónustan veitir m.a.
aðstoð við gerð greiðsluáætlana og
leit að hentugum úrræðum. Hægt
er að fá persónulega ráðgjöf, en
einnig er veitt ráðgjöf símleiðis.
Þjónustan er endurgjaldslaus og
óháð búsetu.
Að baki ráðgjafarstofunni standa
auk félagsmálaráðuneytisins
Reykjavíkurborg, Kópavogsbær,
ýmis stéttarfélög og fyrirtæki á
fjármálamarkaði.
Morgunblaðið/Eggert
Auka þarf fræðslu um fjármál
TVEIR skipverjar af Súlunni EA 300
sem strandaði í innsiglingunni við
Grindavík í gærmorgun voru fluttir á
sjúkrahús og var annar þeirra með
höfuðáverka. Hafði hann dottið á
dekkinu og rekið höfuðið í. Skips-
félagi hans meiddist þegar hann datt
við löndun. Hvorugur þeirra hlaut þó
alvarleg meiðsl samkvæmt upplýs-
ingum lögreglunnar á Suðurnesjum.
Súlan var drekkhlaðin þegar hún
lagði úr Grindavíkurhöfn í gærmorg-
un á tíunda tímanum. Um borð voru
900 tonn af síld sem áttu að fara til
Norðfjarðar. Skipið var að koma frá
Grundarfirði en hafði stoppað í
Grindavík til að losa sig við rifna nót.
Þegar út var haldið lenti skipið á
rangri leið og hraktist til vesturs og
strandaði á grynningum rétt utan við
höfnina.
„Straumurinn tók bátinn einhvern
veginn og við misstum stjórnina,“
sagði annar þeirra skipverja sem
meiddust um borð, skömmu eftir að
skipið var dregið til hafnar.
Þrettán manns voru í áhöfn og
þegar björgunarlið kom á vettvang
var dimm hríð sem slotaði þó fljót-
lega.
Taugin úr Oddi V. slitnaði
„Við fengum útkall kl. 9.54 og vor-
um farnir af stað nokkrum mínútum
síðar,“ sagði Guðjón Sigurðsson skip-
stjóri á björgunarskipinu Oddi V.
Gíslasyni. „Við settum taug í skipið
en lítið gerðist þegar byrjað var að
toga.“ Björgunarbáturinn Villi bætt-
ist í hópinn og hjálpaði við dráttinn
og brátt fór níðþungt skipið að hreyf-
ast. Það gekk þó ekki átakalaust því
taugin úr Oddi V. slitnaði en áfram
var þó haldið og tókst loks að mjaka
skipinu og losa það skömmu fyrir kl.
11. Var skipið síðan komið að
bryggju klukkan rúmlega 11.30
„Báturinn var mjög fastur um tíma
en þetta hafðist,“ sagði Guðjón.
„Þegar við komum var skipið tölu-
vert fyrir utan [innsiglingar]merk-
in.“
Súlan var í hinni svonefndu rennu
þegar hún hraktist til vesturs en með
rennunni er átt við þrönga innsigl-
inguna inn í höfnina. Nokkur undir-
alda var þegar skipið var að mjaka
sér út úr rennunni og í ofanálag var
straumur, en að öðru leyti var sjólag
gott.
Einn skipverji um borð sagði
skemmdirnar hafa reynst ótrúlega
litlar en í gær fór fram rannsókn á til-
drögum óhappsins og skemmdum.
Þar voru á ferðinni fulltrúar trygg-
ingafélagsins ásamt fulltrúum Síld-
arvinnslunnar Neskaupstað, eiganda
skipsins. Að sögn Karls Jóhanns
Birgissonar, rekstrarstjóra útgerð-
arsviðs hjá Síldarvinnslunni, var ekk-
ert búið að staðfesta um orsakir
strandsins en grunur hefur beinst að
stýrisbúnaði.
Síldarvinnslan eignaðist skipið í
árslok 2005 og segir Karl Jóhann að
Súlan hafi verið lengi í viðskiptum við
Síldarvinnsluna fram að kaupunum
og verið farsælt skip.
Auk Odds V. og Villa tóku þátt í
björgunarstörfunum björgunarbát-
arnir Árni í Tungu og Áskell. Varð-
skip Landhelgisgæslunnar var einn-
ig sent áleiðis sem og þyrla.
Súlan er smíðuð árið 1967.
Misstu stjórnina þegar
straumur tók skipið
Morgunblaðið/Brynjar Gauti
Laus Súlan EA 300 losnaði af strandstað laust eftir klukkan 11 í gær og var drekkhlaðið skipið dregið til hafnar í
Grindavík. Skemmdir virtust ekki miklar við fyrstu sýn en tveir skipverjar úr áhöfn meiddust við fall um borð.


 




 


    



  



27 ÁRA gamall Lithái, Tomas Arl-
auskas (áður Malakauskas), sem fékk
tveggja og hálfs árs fangelsi í líkfund-
armálinu svokallaða fyrir rúmum
tveimur árum, var dæmdur í 16 mán-
aða fangelsi í Héraðsdómi í gær. Sak-
arefnið var brot á útlendingalögum og
amfetamínvarsla.
Útlendingastofnun hafði í septem-
ber 2006 vísað Tomasi á brott af Ís-
landi og bannað honum að koma aftur
næstu 10 ár.
Þann 20. nóvember sl. handtók lög-
reglan Tomas í bifreið í Hafnarfirði.
Sagðist hann eiga eiginkonu hér á
landi og ættu þau von á barni í febr-
úar. Hann hefði tekið upp eftirnafn
eiginkonu sinnar og fengið ný skilríki
útgefin í Litháen. Ástæðan hefði verið
sú að nafn hans hefði verið orðið
þekkt bæði á Íslandi og í Litháen
vegna hins svokallaða líkfundarmáls.
Gunnar Aðalsteinsson héraðsdóm-
ari dæmdi málið.
Dæmdur á ný í fangelsi
HÉRAÐSDÓMUR Reykjavíkur
hefur dæmt Gunnar Rúnar Gunnars-
son, 34 ára karlmann, í þriggja og
hálfs árs fangelsi fyrir kynferðis-
brot, skjalafals og brot gegn umferð-
arlögum. Honum var jafnframt gert
að greiða fórnarlambi sínu 800 þús-
und krónur í miskabætur og rúmar
850 þúsund krónur í sakarkostnað.
Maðurinn rauf reynslulausn og
reiknast með í refsinguna 330 dagar
sem eftir voru afplánunar.
Hvað varðar kynferðisbrotið var
Gunnar Rúnar sakfelldur fyrir að
hafa haft samræði við konu sem ekki
gat spornað við verknaðinum sökum
veikinda. Gunnar játaði hjá lögreglu
að hafa haft samfarir við konuna án
hennar vilja og lýsti atburðarásinni á
svipaðan hátt og konan. Fyrir dómi
dró hann játninguna til baka og bar
við að lögregla hefði þvingað sig til
að játa. Þvertók hann fyrir að hafa
haft samræði við konuna.
Dómurinn taldi breyttan fram-
burð fjarstæðukenndan.
Dró játningu
sína til baka
HÉRAÐSDÓMUR Reykjavíkur
hefur dæmt 25 ára karlmann í átján
mánaða fangelsi fyrir kynferðisbrot,
framið í byrjun sumars 2005. Honum
var jafnframt gert að greiða fórnar-
lambi sínu 900 þúsund krónur í
miskabætur.
Maðurinn neitaði ávallt sök og
sagðist ekki þekkja stúlkuna sem
hann braut á – sem þá var 14 ára. Í
niðurstöðu héraðsdóms kemur fram
að við mat á sönnun brotsins hafi að-
eins verið hægt að líta til framburðar
mannsins og stúlkunnar. Framburð-
ur mannsins var talinn ótrúverður
en stúlkunnar trúverðugur, alla vega
að því leyti að mökin áttu sér stað.
Þá var það mat dómsins að samræðið
hefði verið gegn hennar vilja, þrátt
fyrir ónákvæman framburð.
Braut gegn
14 ára stúlku
♦♦♦
Enn betra golf 3
Enn betra golf
Eftir
Arnar Má Ólafsson
landsliðsþjálfara og
Úlfar Jónsson
margfaldan
Íslandsmeistara
og golfkennara
Eftir Arnar Má Ólafsson
landsliðsþjálfara og
Úlfar Jónsson
margfaldan Íslandsmeistar
a
GOLF
ENN BETRABETRA
G
O
LF
A
rnar M
ár Ó
lafsson og Ú
lfar Jónsson
11/20/07 11:46:42 PM
Jólabók golfarans!
Borgartúni 23 · 105 Reykjavík · Sími: 512 7575 - www.heimur.is
eftir Arnar Má Ólafsson og Úlfar Jónsson
Fæst í helstu bókabúðum og víðar!
Verð kr. 3.490,- m/vsk