Morgunblaðið - 08.12.2007, Blaðsíða 31

úr bæjarlífinu
MORGUNBLAÐIÐ LAUGARDAGUR 8. DESEMBER 2007 31
Áhöfn dýpkunarskipsins Perlunnar
vinnur nú dag og nótt við dælingu
sands upp úr höfninni hér á Sauð-
árkróki. Hófst vinnan um síðustu
helgi, og er stefnt að því að fram-
kvæmdum ljúki milli jóla og nýárs.
Að þessu sinni verður dælt frá enda
norðurgarðsins og úr innsiglinga-
rennu en einnig tekið eitthvað frá
suðurplaninu. Alls verða teknir um
35 þúsund rúmmetrar af sandi sem
að mestu fer í 5 til 6 þúsund fer-
metra landfyllingu sunnan smábáta-
hafnar.
  
Hjá Siglingamálastofnun hafa í
haust verið gerðar líkanarannsóknir
á höfninni, og í framhaldi af þeim
verið ákveðið að byggja nýjan suður-
garð, sem loka mun að mestu hafn-
arsvæðinu, og skapar þá kyrrð sem
vantað hefur á viðlegusvæði togar-
anna, og annarra þeirra skipa sem
sækja til hafnar á Sauðárkróki. Þeg-
ar hefur verið tryggt fjármagn til
verksins og verður væntanlega haf-
ist handa við gerð þessa garðs nú
síðla vetrar eða í vor.
  
Ómar Kjartansson hjá ÓK gáma-
þjónustu er nú með nýtt hús í bygg-
ingu, en þar mun verða aðsetur
Flokku ehf. sem mun hefja starfsemi
í janúar næstkomandi. Þetta nýja
fyrirtæki mun annast móttöku á öllu
endurvinnanlegu sorpi frá ein-
staklingum og fyrirtækjum, allt frá
blaðapappír til bílflaka, brotajárns
og spilliefna, og segir Ómar að þetta
sé aðeins byrjunin, enda stefnt að
því að helst allur úrgangur sem til
fellur í samfélaginu verði endur-
nýttur, og sem allra minnst urðað
eða brennt.
  
Komið hefur fram að á fjárlögum
ríkisins eru ætlaðar 6 milljónir
króna til Hátækniseturs Íslands á
Sauðárkróki, og sérstaklega merkt
til rannsókna á basalt-trefjum, en
Hátæknisetrið er þegar komið í
samstarf við Nýsköpunarmiðstöð Ís-
lands og norska aðila sem einnig eru
að vinna að samskonar rannsóknum.
Basaltið, sem er sama grunnefnið og
er í steinullinni, sem framleidd er á
Sauðárkróki, þykir líkleg til að nýt-
ast, m.a. í létt en mjög sterkt
burðarvirki, og sjá aðstandendur
rannsóknanna fyrir sér að basalt-
trefjarnar komið í stað steypu-
styrktarjárns, sem gera ætti bygg-
ingar bæði sterkari, en einnig
ódýrari.
  
Á skíðasvæði Skagfirðinga í Tinda-
stóli er hafin snjóframleiðsla af full-
um krafti og hafa nokkrar snjó-
byssur án afláts þyrlað u.þ.b. 2.000
mínútulítrum af vatni út í brekk-
urnar, sem eru nú tilbúnar til að
taka á móti þeim fjölmörgu sem vita
fátt skemmtilegra en bregða sér á
skíði.
  
Og svo eru jólin rétt ókomin. Álfta-
gerðisbræður kynna nýjan disk með
sínum ljúfa söng, aðventusamkomur
eru í flestum kirkjum héraðsins,
rökkurganga er í gamla Glaumbæj-
arbænum og þeir sem vilja hafa ótal
tækifæri á að salla á sig gómsætum
réttum af jólahlaðborðum á flestum
veitingastöðum. Ilmur af steiktu
laufabrauði er löngu farinn að berast
frá húsunum, og flestir búnir að
panta sér skötu.
Þannig að jólastemningin er í full-
um gangi á Sauðárkróki og Skaga-
firði öllum, og nú er bara að bíða eft-
ir fyrsta jólasveininum með eitthvað
gott í skóinn.
SAUÐÁRKRÓKUR
Björn Björnsson fréttaritari
Morgunblaðið/Björn Björnsson
Framkvæmdir Unnið er að dýpkun hafnarinnar á Sauðárkróki og er stefnt
að því að framkvæmdum ljúki milli jóla og nýárs.
Þórir Jónsson á Ólafsfirði rölti ádögunum í lognhúminu út með
hlíðinni milli fjalls og fjöru. „Þar
var rólegt og gott“:
Rökkrið felur rinda í hlíð.
Refur smó í leynum.
Innsker kyssir aldan blíð.
Unir már á hleinum.
Björn Ingólfsson sér
náttúrustemninguna í öðru ljósi:
Umskipti gagnger og heiftarleg orðin
hér:
Hríðin og stormurinn láta eins og naut í
flagi,
svellaðar hleinarnar kolvitlaust brimið
ber,
búinn að éta mávinn er refurinn slægi.
Loks Davíð Hjálmar Haraldsson
um „það sem kallað er hin eilífa
hringrás náttúrunnar“:
Melrakki kálað mávi einum gat,
morðingjann Þórir veiddi – rakti sporin.
Þórir verður að lokum að maðkamat.
Mávurinn étur ormana á vorin.
Ingólfur Ómar Ármannsson
yrkir um þingmann
Sjálfstæðisflokksins:
Siggi Kári er flottur fír
í fasi jafnan glaður,
orðvar, prúður, skrambi skýr,
skemmtilegur maður.
Og ennfremur:
Með óstöðvandi orðamas
ýmsum þar til baga;
Össur er með þvarg og þras
á þingi flesta daga.
pebl@mbl.is
VÍSNAHORNIÐ
Rökkrið og hringrásin
Fáðu fréttirnar
sendar í símann þinn
-hágæðaheimilistæki
Miele ryksugur
á einstöku tilboðsverði
Miele S381 Tango Plus ryksuga
með 1800W mótor
Verð áður kr. 24.600
Tilboð:
Kr. 15.990
Fáanlegir fylgihlutir t.d.:
Hebafilter sem hreinsar loftið af
ofnæmisvaldandi efnum.
Kolafilter sem hreinsar óæskilega lykt.
Hentar vel fyrri þá sem eru með gæludýr.
Parketbursti sem skilar parketinu
glansandi.
Miele ryksugurnar eru traustar og kraftmiklar. Þær eru með
stillanlegu röri og mikið úrval fylgihluta er innbyggt í vélina.
Verið velkomin í glæsilegar verslanir Eirvíkur á Akureyri og
í Reykjavík og kynnið ykkur Miele heimilistækin.
AFSLÁTTUR
35%
vi
lb
or
ga
@
ce
nt
ru
m
.is
Baldursnes 6, Akureyri | Suðurlandsbraut 20, Reykjavík Sími 588 0200 | www.eirvik.is