Morgunblaðið - 08.12.2007, Blaðsíða 34

lifun
34 LAUGARDAGUR 8. DESEMBER 2007 MORGUNBLAÐIÐ
Eftir Fríðu Björnsdóttur
fridavob@islandia.is
J
ólaundirbúningurinn var
rétt að hefjast á heimili
ungra hjóna með tvo litla
syni. Aðventukransinn
var kominn á sinn stað og
silfraða hreindýrið, sem aðeins er
uppi um jólin, hafði tekið sér stöðu
á einni hillunni. Heimilið ber vott
um sterkan skandinavískan stíl og
tæran einfaldleika. Frúin á heim-
ilinu viðurkennir þó að einu sinni
hafi hún hallast meira að Lauru
Ashley og íbúðum undir súð. Súð-
ina fékk hún reyndar hér á efri
hæðinni en „Laura Ashley“ er
hvergi sjáanleg.
Íbúðin er í Kópavogi, skammt frá
helstu kennileitum bæjarins,
Smáralindinni og nýja risaháa gler-
turninum við Smáratorg. Það þvæl-
ist svolítið fyrir blaðamanni hvort
kalla eigi húsið raðhús, litla blokk
eða bara tvíbýlishús. Ástæðan er sú
að húsalengjuna mætti kalla rað-
hús, en síðan er hvert hús á þrem-
ur hæðum; íbúð á fyrstu hæð og
önnur þar fyrir ofan á tveimur
hæðum, að sjálfsögðu með sér-
inngangi. Þar er efri hæðin ögn
undir súð og einungis stórir þak-
gluggar.
Bjart og stílhreint
Fjölskyldan, eða réttara sagt
hjónin, fluttu hér inn fyrir tíu ár-
um. Þá var hvorugur sonurinn
fæddur en sá eldri fæddist reyndar
tíu dögum síðar. Þau létu sér neðri
hæðina nægja þar til fyrir þremur
árum þegar efri hæðin var inn-
réttuð. Íbúðin er 190 fermetrar auk
bílskýlis. Þeim var því vissulega
ekki í kot vísað jafnvel þótt þau
nýttu aðeins neðri hæðina til að
byrja með en á henni eru stofan og
borðstofan út í eitt en eldhúsið þar
til hliðar. Að auki eru á hæðinni
þrjú herbergi og baðherbergi. Allir
veggir utan einn eru hvítir, vegg-
urinn bak við sófann í stofunni. Á
gólfum er ljósleit eik svo það er
bjart yfir, enda draga litir hús-
gagnanna ekki úr birtunni. Á
veggjum eru danskar Montana-
einingar, aðallega lokaðar, en ekki
sem hillur, og þær eru allar hvítar.
Sófinn er grár, á gólfinu fyrir fram-
an hann er húð af skjöldóttri kú, og
það eina sem er svart eru Corona-
stólarnir, þekkt dönsk hönnun.
Sófaborðið á sér íslenskar rætur
þar sem Ólöf Jakobína Erludóttir
húsgangahönnuður hannaði það.
Ljósið yfir borðstofuborðinu er
danskt PH ljós en yfir sófaborðinu
hangir þekkt ljós eftir japanska
hönnuðinn Shoichi Uchiyama.
Fjölskyldan leitaði í smiðju Xe-
níu Ólafsson innanhúsarkitekts
þegar kom að því að hanna fyr-
irkomulagið á efri hæðinni. Hún
kom með grunnhugmyndirnar og
síðan prjónuðu þau eigin hug-
myndir við hennar. Hæðinni er
skipt í tvennt, en þó ekki í tvo jafna
hluta. Minni helmingurinn er svefn-
herbergi hjónanna og þar er líka
gert ráð fyrir baðherbergi. Rýmið
þjónar enn sem komið er hlutverki
fataherbergis, hvað sem síðar verð-
ur. Hæðinni er svo sannarlega ekki
skipt í tvennt með hefðbundnum
veggjum með einu hversdagslegu
dyraopni og venjulegri hurð. Út frá
útveggjunum ganga smáveggir en
síðan tekur við op með stórglæsi-
legum rennihurðum úr plexígleri.
„Við ætluðum fyrst að vera með
glerhurðir en var bent á hversu
hættulegt það gæti verið á heimili
þar sem eru börn. Svo var verðið í
hærri kantinum!“
Plexíglerið varð fyrir valinu og
það fékkst í Akron í Síðumúla.
Glerið er eins og það sé sandblásið
og með nokkrum röndum. Rönd-
unum er ætlað að höfða til band-
anna í stigahandriðinu sem myndar
fallegan hring í alrýminu, enda er
þetta hringstigi, listasmíði frá Járn-
smiðju Óðins á Smiðjuvegi. Þótt
hurðirnar séu feiknastórar renna
þær léttilega eftir brautum frá fyr-
irtækinu Járn og gler.
Eikarparket upp á vegg
Það vekur nokkra athygli að
eikarparketið sem klæðir gólfið á
efri hæðinni hættir ekki þar sem
útveggurinn tekur við af gólfinu.
Veggurinn er parketklæddur allt
upp að því þar sem hallandi loftið
tekur við. Frúin segist hafa ákveðið
fyrir þónokkru að nýta parketið á
þennan hátt. Þá hafi fólk ekki al-
mennt verið farið að viðarklæða
veggi, eins og reyndar var mikið
gert hér áður og fyrr. Svo hóf þessi
klæðningarstíll innreið sína á nýjan
leik og hún var í vafa um hvað gera
skyldi en lét slag standa og hélt
sínu striki.
Frá Lauru Ashley
Morgunblaðið/Ómar
Hlaupið upp stigann Stiginn setur
mikinn svip á íbúðina, sama hvort
horft er á hann á neðri hæðinni eða
handriðið sem er í kringum stiga-
opið uppi í alrýminu.
Rennihurðir Laufléttar rennihurðir úr plexígleri loka hjónaherbergið frá alrýminu á efri hæðinni. Við rúmið
stendur Tréð – fatastandur eftir Katrínu Pétursdóttur og Michael Young.
Litríkt nammi í skálum Ljósir litir gera það að verkum að það er létt yfir
holinu í miðri íbúðinni. Þaðan er gengið upp á loftið.
Í þessu athyglisverða
alrými á efri hæðinni
[...] geta allir látið fara
vel um sig og nóg pláss
er fyrir synina vilji þeir
leika sér smávegis í ná-
vist foreldranna, sama
hvort þau eru við tölv-
una eða að horfa á
sjónvarpið.
- kemur þér við
Vinnan göfgar
Einar Bárðarson
Hvernig var Eyjólfur
Kristjánsson eins árs?
Hvar endar vöxtur
lífeyrissjóðanna?
Pólskur hversdagur
á Suðureyri
Aftur í tísku að karl-
menn gangi með hatt
Dagur Kári vælir ekki
undan vonbrigðum
Hvað ætlar þú
að lesa í dag?