Morgunblaðið - 08.12.2007, Blaðsíða 8
8 LAUGARDAGUR 8. DESEMBER 2007 MORGUNBLAÐIÐ
FRÉTTIR
FRÉTTASKÝRING
Eftir Guðna Einarsson
gudni@mbl.is
ÞORSKSTOFNINN er ekki að hjarna við sam-
kvæmt niðurstöðum Hafrannsóknastofnunar úr
stofnmælingu botnfiska í haust. Heildarvísitala
þorsks lækkaði um 20% frá haustmælingunni í
fyrra og hefur lækkað um 34% frá 2004. Þá eru
vísbendingar um að þorskárgangurinn frá í ár sé
slakur. Meðalþyngd 6-8 ára fisks mældist 19-15%
lægri en í fyrra en holdafar þorsksins á norð-
ursvæði reyndist svipað og þá. Fæðuathuganir
sýndu að heildarfæðumagn í þorskmögum var það
minnsta síðan mælingar hófust.
Jóhann Sigurjónsson, forstjóri Hafrann-
sóknastofnunar, sagði enga einhlíta skýringu vera
á því hvers vegna þorskurinn virðist eiga jafn erf-
itt uppdráttar og mælingar gefa til kynna. Hann
sagði niðurstöður í haustrallinu innan skekkju-
marka og í samræmi við stofnmat stofnunarinnar
frá síðasta vori og stofnmælingu í mars sl.
„Það er visst áhyggjuefni að það virðist hafa
verið minna fæðuframboð nú en í fyrra,“ sagði Jó-
hann. Hann sagði kolmunna ekki jafn aðgengileg-
an þorskinum nú miðað við sem var frá 2002 til
2005. Kolmunna hefði lítið orðið vart innan lög-
sögunnar upp á síðkastið. Þá virtist vera minna af
loðnu nú en í fyrra og sandsíli hefði verið í lægð.
Minna fæðuframboð hefur haft áhrif á með-
alþyngd fiskanna, en þrátt fyrir það er holdafar
gott og ljóst að fiskurinn er ekki að drepast úr
hor, að sögn Jóhanns.
Hafið kemur sífellt á óvart
Í frétt Hafrannsóknastofnunar kemur fram að
stofnmæling að hausti nái ekki vel til þorsks á
grunnslóð, enda beindist hún upphaflega aðallega
að grálúðu, karfa og þorski í landgrunnshallanum.
Jóhann sagði stofnmælingu í mars (togararall)
vera lykilstærð til að meta ástand þorsksins. Hún
hefði verið framkvæmd í 23 ár og sérstaklega mið-
uð við að ná sem best til þorskstofnsins bæði
grunnt og djúpt. Búið er að stofna starfshóp full-
trúa Hafrannsóknastofnunar og aðila úr sjávar-
útvegi til að fara yfir reynsluna af togararallinu og
koma með tillögur um betrumbætur.
Gísli Vilhjálmur Jónsson, skipstjóri á línuveið-
aranum Páli Jónssyni GK-7, sagði að ef nið-
urstöður Hafró væru réttar væri málið alvarlegt.
Hann kvaðst hafa ákveðnar efasemdir um stofn-
stærðarmælingar með togararalli, en það væri
stærsti þátturinn í veiðiráðgjöfinni.
„Ég er búinn að vera skipstjóri í 35 ár og hafið
er alltaf að koma mér á óvart,“ sagði Gísli. „Ég get
aldrei gengið að fiski. Verð að byggja á reynslu,
en mest eru það tilviljanir sem gera að verkum að
menn fiska og það að kunna að lesa úr nátt-
úrunni.“ Gísli kvaðst líta svo á að frekar ætti að
líta á niðurstöður úr togararallinu sem vísbend-
ingar en staðreyndir. Hann nefndi að þegar tog-
ararallið var sett upp voru kuldaskil í hafinu fyrir
norðan og vestan land og alltaf mikið af fiski við
þau. Alltaf er togað á þessum bleyðum þótt skilin
séu löngu horfin. Hins vegar hafi menn á grálúðu
verið að fá þorsk niður á 400 faðma dýpi sem hafi
verið óþekkt á árum áður. Hann taldi að breytt
hitastig sjávar hefði valdið dreifingu fiskjarins.
Gísli taldi að veiði undanfarins áratugar hefði
verið í hámarki fyrir tveimur árum. Í fyrra og sér-
staklega í ár hefði þróunin verið niður á við.
„Fiskurinn hefur verið smár, en það er ekkert að
því. Það segir okkur að fiskur er að alast upp,“
sagði Gísli. Páll Jónsson GK er gerður út af Vísi í
Grindavík. Á sama tíma í fyrra máttu 56% af því
sem þeir veiddu vera þorskur, en nú má það ekki
fara yfir 40%. Gísli taldi að talsvert væri af þorski
í hafinu. „Við forðumst þorsk eins og við lifandi
getum. Ef skoðuð eru gögn frá Vísi má ekki lesa
úr þeim að það sé minna af þorski í sjónum, heldur
að við séum að reyna að veiða eitthvað annað.“
Reynslan af togararallinu
verður tekin til skoðunar
Skipstjóri segist þurfa
að forðast þorskinn
sem mest hann má
Morgunblaðið/Eggert
ÁRLEGUM fundi samstarfshóps um þorskrannsóknir lauk í gær. Þar ræddu málin sérfræðingar Haf-
rannsóknastofnunar og um 15 skipstjórnarmenn og útgerðaraðilar. Í frétt af fundunum segir m.a.:
„Fram kom í máli skipstjórnarmanna, og var það stutt með gögnum frá vinnslu, að hlutfallslega
væri nú veitt meira af smáþorski vegna aukinnar sóknar í ýsu á grunnslóð. Vaxandi hlutfall smá-
þorsks í afla kemur einnig fram í gögnum Hafrannsóknastofnunarinnar. Menn voru almennt sam-
mála að þessi breyting á sóknarmynstri væri áhyggjuefni og þyrfti að skoða nánar.“
Smáþorskur sækir á grunnslóð
STJÓRN Þróunarfélags Keflavíkur-
flugvallar hefur sent frá sér eftirfar-
andi yfirlýsingu:
„Stjórn Þróunarfélags Keflavíkur-
flugvallar telur mikilvæga þá ákvörð-
un Ríkisendurskoðunar að ráðast í út-
tekt á starfsemi félagsins, eins og
stjórn Þróunarfélagsins óskaði eftir
fyrr á þessu ári. Stjórn Þróunarfélags
Keflavíkurflugvallar er þess fullviss
að úttekt Ríkisendurskoðunar leiði í
ljós að við sölu fasteigna á Keflavík-
urflugvelli hafi í öllu verið farið eftir
lögum um Þróunarfélag Keflavíkur-
flugvallar. Ennfremur að unnið hafi
verið samkvæmt þeim skilyrðum og
fyrirmælum sem félaginu voru sett.
Tilgangurinn með stofnun Þróun-
arfélagsins var meðal annars að koma
fasteignum í eigu ríkisins á Keflavík-
urflugvelli sem fyrst í arðbær borg-
araleg not með það að markmiði að já-
kvæð samfélagsleg áhrif verði sem
mest og neikvæðum áhrifum á nær-
samfélagið verði haldið í lágmarki.
Í þjónustusamningi Þróunarfélags-
ins við ríkið er kveðið á um markmið,
umboð og heimildir Þróunarfélagsins.
Félagið var stofnað 24. október 2006
og hefur starfað faglega samkvæmt
þjónustusamningi sem undirritaður
var 9. desember sama ár.
Þróunarfélagið hefur frá upphafi
kallað eftir áhugasömum aðilum með
hugmyndir um nýtingu eigna á svæð-
inu, meðal annars með áberandi aug-
lýsingum með vísun í upplýsandi vef
félagsins, þar sem allar óseldar eignir
ríkisins á svæðinu eru kynntar og
söluskilmálar tíundaðir.
Stjórn Þróunarfélags
Keflavíkurflugvallar,
Magnús Gunnarsson,
Árni Sigfússon,
Stefán Þórarinsson.“
Fagna úttekt á
starfsemi Þró-
unarfélagsins
MORGUNBLAÐINU hefur borist
eftirfarandi yfirlýsing frá Árna Sig-
fússyni, bæjarstjóra í Reykjanesbæ:
„Í ræðum á Alþingi, sem útvarp-
að og sjónvarpað var fyrir alþjóð,
létu alþingismennirnir Atli Gíslason
og Bjarni Harðarson falla ummæli í
minn garð sem eru alger ósannindi.
Atli Gíslason sagði m.a. að
Reykjanesbær væri eigandi í Há-
skólavöllum, sem keypt hafi 1700
íbúðir og ég væri þar stjórnarfor-
maður! Þar væri ég að gæta hags-
muna báðum megin við borðið.
Þetta eru ósannindi.
Reykjanesbær er ekki eigandi að
Háskólavöllum.
Ég er þar hvorki stjórnarformað-
ur né í stjórn þess félags, og á enga
hluti í því félagi og á engra persónu-
legra hagsmuna að gæta í því félagi.
Bjarni Harðarson fullyrti í ræðu
fyrir alþjóð að ég ætti persónulega
hluti bæði í Þróunarfélagi Keflavík-
urflugvallar og skólafélaginu Keili
sem stofnað var til að byggja upp
vísindasamfélag á fyrrum varnar-
svæði. Þetta kom einnig fram í Mbl.
í morgun (föstudag).
Þetta eru einnig hrein ósannindi.
Ég á engra persónulegra hags-
muna að gæta í þessum félögum.
Ég á enga hluti í þessum fé-
lögum.
Ég starfa að uppbyggingarverk-
efnum á Vallarheiði en svæðið er
m.a. hluti af Reykjansbæ. Ég starfa
þar sem fulltrúi sveitarfélaga á Suð-
urnesjum og Reykjanesbæjar.
Netþjónabú, kvikmyndaver, flug-
akademía, orkusetur, nemendagarð-
ar og menntasamfélag eru afurðir
uppbyggingar á Vallarheiði.
Ég mun hvergi gefa eftir í því
hlutverki til að skapa öflugt og ný-
stárlegt atvinnulíf með heiðarlegum
hætti, þátt fyrir ósannindi og for-
tölur þessara manna.
Ég krefst þessa að þingmennirnir
leiðrétti ósannindin í minn garð.
Árni Sigfússon, bæjarstjóri
í Reykjanesbæ“
Þeir sögðu
ósatt
♦♦♦