Morgunblaðið - 09.11.2008, Qupperneq 51

Auðlesið efni 51
MORGUNBLAÐIÐ SUNNUDAGUR 9. NÓVEMBER 2008
Barack Obama var kjörinn 44. forseti
Banda-ríkjanna síðast-liðinn
miðviku-dag. Þetta var ljóst eftir að
kjör-stöðum var lokað í Kali-forníu á
vestur-strönd Banda-ríkjanna. Obama
sigraði í ríkinu, fékk 55 kjör-menn og
hafði þá tryggt sér 297 kjör-menn
sam-kvæmt spám banda-rískra
sjónvarps-stöðva. 270 kjör-menn
þarf til sigurs. Ljóst þykir að þessi
úrslit muni hafa mikil áhrif á
stjórn-mál í Banda-ríkjunum og á
alþjóða-vettvangi.
Obama, sem er 47 ára, mun sverja
embættis-eið 20. janúar á næsta ári
og taka við afar erfiðu búi af George
W. Bush, sem verið hefur forseti
undan-farin átta ár. Miklar blikur eru
á lofti í efnahags-málum
Banda-ríkjanna vegna alþjóð-legrar
fjármála-kreppu og afar dýrra
hernaðar-aðgerða Banda-ríkjanna í
Afgan-istan og Írak.
Obama kjörinn forseti Bandaríkjanna
Reuters
Barack Obama ásamt eiginkonu sinni Michelle og dætrunum Malia og Sasha.
Magnús Geir Þórðarson,
leikhús-stjóri Borgar-leikhússins, var
valinn markaðs-maður ársins 2008
og fyrirtækið Össur hf. var valið
markaðs-fyrirtæki ársins 2008 þegar
markaðs-verðlaun ÍMARK voru veitt í
18. sinn. Ólafur Ragnar Grímsson,
forseti Íslands, af-henti verðlaunin
fyrir hönd ÍMARK.
Ingólfur Guðmundsson, formaður
dóm-nefndar um val á
markaðs-manni ársins, sagði að
Magnús Geir hefði náð frá-bærum
árangri í starfi sínu sem
leikhús-stjóri.
Elísabet B. Sveinsdóttir, for-maður
ÍMARK, sagði að Össur hefði meðal
annars orðið fyrir valinu vegna þess
að vöxtur og vel-gengni fyrir-tækisins
hefði verið eftir-tektar-verð í gegnum
árin.
Markaðs-verðlaun ársins
Morgunblaðið/Golli
Magnús Geir Þórðarson leik-hús-
stjóri Borgar-leik-hússins.
Steinunn Sigurðardóttir
fata-hönnuður tók nýlega við hinum
virtu Torsten och Wanja
Söderbergs-verð-launum fyrir árið
2008. Verð-launin nema um sextán
og hálfri milljón íslenskra króna og
voru afhent í Röhsska-safninu í
Gautaborg, en þar var opnuð sýning á
hönnun Steinunnar.
Söderbergs-verðlaunin eru ein
stærstu verðlaun sem veitt eru fyrir
hönnun.
„Við þurfum að horfa til hönnunar
og ný-sköpunar – og aldrei meir en
nú. Við verðum að halda áfram. Þetta
eru verðlaun fyrir allt skapandi starf á
Íslandi,“ segir Steinunn.
Hlaut virt
sænsk
verðlaun
Morgunblaðið/Sverrir
Steinunn Sigurðardóttir.
Hamars-stúlkur blómstra
þessa dagana í Iceland
Express-deildinni í
körfu-bolta. Þær unnu Val,
sem var í öðru sæti fyrir
fimmtu umferð deildarinnar, í
Hveragerði síðast-liðinn
miðviku-dag og eru með fullt
hús stiga. Sá árangur er
félags-met því karla-liðið
vann fyrstu fjóra leiki sína
haustið 1999. Það var fín
stemning á pöllunum í
Hveragerði og dyggir
stuðnings-menn Hamars létu
sig ekki vanta og létu vel í sér
heyra. Allt var þó í járnum í
fyrsta leik-hluta en í þeim
næsta gerði Hamar út um
leikinn því þann hluta unnu
heima-menn 23:9, staðan
var 42:27 í leikhléi.
Ljósmynd/Guðmundur Karl
Hamar virðist óstöðvandi
Þótt meiri-hluti lands-manna
búist ekki við breytingum á
atvinnu-horfum sínum er
uggur í mörgum. Fólk er í
óvissu, sumir eru reiðir, aðrir
kvíðnir eða dofnir. Afstaða
kjósenda til stjórn-mála-
flokkanna hefur breyst í
um-róti síðustu vikna.
Sam-kvæmt skoðana-
könnun sem birtist í
Morgun-blaðinu síðast-liðinn
sunnu-dag mælist
Sam-fylkingin nú með
lang-mesta fylgið, 36,9%,
Vinstri grænir eru með 26,9%
og Sjálf-stæðis-flokkurinn er í
þriðja sæti með 22,3%,
aðeins 7,8% styðja
Framsókn.
Í ljósi þessa kemur ekki á
óvart að rúm 60% vilja ekki
bíða eftir kosningum til
2011. Eitt kosninga-málanna
er ljóst: Meiri-hluti eða tæp
80% vill evru sem gjald-miðil
á Íslandi.
Ó-vissan breytir af-stöðu
Dóms-mála-ráðherra hefur
heimilað að ráða samtals hátt
í 250 héraðs-lög-reglu-menn
til starfa í
lög-reglu-umdæmum landsins
sam-kvæmt ný-gerðri
breytingu á reglu-gerð um
héraðs-lögreglu-menn.
Eftir breytinguna er
lög-reglu-stjóranum á
höfuð-borgar-svæðinu heimilt
að ráða allt að 80
héraðs-lög-reglu-menn að
fengnu samþykki
ríkis-lög-reglu-stjóra.
Reglu-gerðin heimilar að á
Suður-nesjum megi ráða allt
að 40 menn og á Akur-eyri,
Akra-nesi og Selfossi má ráða
allt að 16 manns. Í öðrum
um-dæmum er eftir sem áður
heimilt að ráða allt að átta
menn.
250 manna
liðsauki
66%
finna fyrir óvissu
16,7%
búast við breytingum
á atvinnuhögum
26,9%
styðja Vinstri græna
96,7%
stuðningsmanna
Samfylkingar vilja evru
7,8%
styðja Framsókn
56,5%
sjálfstæðisfólks vilja evru