Náttúrufræðingurinn - 1960, Blaðsíða 20

186
NÁTTÚRUFRÆÐINGURINN
4. Lycopodium alpinum L. Litunarjafni.
í Flóru ísl., III. útg., 1948, bls. 20, er þessi tegund sögð fundin
óvíða á Austuilandi. í ágúst 1948 finnur Ingólfur Davíðsson hana
í Fáskrúðsfirði (óprentuð gróðurskrá frá Fáskrúðsfirði), 1951 í
Stöðvarfirði (óprentuð skýrsla um gróðurrannsóknir), 1953 í Loð-
mundarfirði (Ingólfur Davíðsson 1954, bls. 32) og 1954 í Hamars-
firði (óprentuð skýrsla um gróðurfar í Hamarsfirði). 12. ágúst 1956
finn ég svo tegundina í lyngi og grámosa í 250-300 m hæð yfir
sjó í norðurhlíðum Sandvíkur og 22. júlí 1959 í mjög svipuðum
gróðri í 270 m hæð yfir sjó við Víkurvatn á Víkurheiði, sem er á
milli Vaðlavíkur og Reyðarfjarðar. Á báðum þessum stöðunr var
um gróbærar plöntur að ræða með allt að 10 cm háum greinum.
5. Isoetes echinospora Durieu. Álftalaukur.
í Flóru ísl., III. útg., 1948, bls. 22, er þessarar tegundar aðeins
getið frá tveimur stöðum á Austurlandi, Búlandsnesi og Berunesi.
Helgi Jónasson finnur hana svo í Útmannasveit 1951 (Helgi
Jónasson, 1952, bls. 137) og 22. júlí 1959 fann ég hana í Víkur-
vatni á Víkurheiði, en yfirborð þess liggur í 278 m hæð yfir sjó,
og óx hún þarna í þéttum breiðum á leðjubotni á 70—80 cm dýpi
og voru blöðin þetta 6—10 cm á lengd.
6. Triglocliin maritimum L. Strandsauðlaukur.
í Flóru ísl., III. útg., 1948, bls. 29, er þessi tegund sögð sjaldgæf
en þó fundin á Austurlandi.
1955 finnur Ingólfur Davíðsson hana í Álftafirði (Ingólfur Davíðs-
son, 1955, bls. 39).
30. ágúst 1955 finn ég hana við Árnagerði í Fáskrúðsfirði og var
hún þar 25 cm há og með aldinum; og 21. júlí 1959 við fjarðarbotn-
inn í Hellisfirði, Jrar sem hún var örsmá, 4—6 cm á hæð, en þó með
aldinum.
7. Potamogeton pusillus L. Smánykra.
í Flóru ísl., III. útg., 1948, bls. 31, er þessarar tegundar aðeins
getið frá þremur stöðum á Austurlandi, Hafursá, Borgarfirði og
Breiðdal.
1951 finnur Helgi Jónasson hana svo í Útmannasveit (Helgi
Jónasson, 1952, bls. 138) og 21. júlí 1955 finn ég hana í lítilli og