Náttúrufræðingurinn - 1960, Blaðsíða 49
NÁTTÚRUFRÆÐINGURINN
215
7. mynd. a) Þverskurður Iilíðar af Skorufjallsgerð. b) Þverskurður hlíðar af
Stóruskriðuhamragerð. a) A profile of a hillsicle of the Skorufjall type. b)
A profile of a hillside of the Stóruskriðuhamar type.
sem myndaði brimklifin, er rétt að taka til nýrrar athugunar, hvar
hæsta strandlínan var. Ekki er hægt að búast við, að strandlínan
hafi verið kyrrstæð, enda er ekkert, sem bendir til þess. Hvergi hef
ég fundið í hlíðum óseyrar eða malarhjalla. Að öllum líkindum
hefur land því verið í örri upplyftingu, þegar jökull hvarf af því,
sennilega svo skipti tugum cm á ári. Hefur því brimgarðurinn
grafið brimklif og hella á leið sinni niður hlíðina og þurfa því
hellarnir ekki að tákna efstu sjávarmörk. Þau hafa getað legið
nokkru hærra og hafa sennilega gert það, þar sem brimklif er bezt
myndað.
Þótt ekki sé unnt að draga neina ákveðna línu fyrir hæð efstu
sjávarmarka, mundi ég samt telja, að 265 m sé ekki fjarri lagi fyrir
Inntungu og að öðru leyti hafi sjávarmörkin legið eitthvað svipað
og sýnt er á 3. mynd.
Linurit. Skulum við nú snúa okkur að línuriti á 3. mynd og út-
skýra það dálítið. Línurnar G og J falla saman við Hemru, lengst
er á milli þeirra undir Stóruskriðuhömrum, en síðan fara þær
aftur að nálgast inn við Snæbýli. Hlíðin við Snæbýli er millistigs
svæði milli hlíða af Skorufjallsgerð og Stóruskriðuhamragerð. Er