Skírnir - 01.01.1930, Síða 251
Skirnir]
Alþingi árin 1798—1800.
245
ráð fyrir; en Magnús lögmaður Ólafsson dvaldist þar þó
eftir og kvað upp dóma í þeim málum, sem hann fór með,
og veik af þingi 23. júlí, síðastur allra fyrirmanna.
Æfi Alþingis við Öxará var þar með lokið.
Lögmenn sendu stiftamtmanni afrit þingbókarinnar,
eins og venja var til, en gátu þess um leið, að þeir myndu
ekki framar þinga í húsinu, eins og það væri á sig komið.
Hinn 12. sept. s. á. sendir stiftamtmaður kansellíinu skýrslu
um málið og vísar ennfremur til skoðunargerðar um húsið,
er fram fór árið áður. Þar sem þinghúsið sé svo úr sér
gengið, að viðgerð þess sé ekki talin möguleg, og sökum
ákvörðunar lögmanna að þinga þar ekki frarnar, kveðst
stiftamtmaður hafa verið neyddur til að leita fyrir sér um
viðunanlegt húsnæði í Reykjavíkurkaupstað fyrir þingið,
þar til er kansellíið hafi ákveðið, hvar og hvernig reisa
megi nýtt hús handa lögþingi og yfirrétti. Beiðist hann
því úrskurðar kansellís um það:
1. hvort nýtt lögþingishús skuli byggja næsta ár við
Öxará, þar sem leifar hins gerónýta húss séu, eða
í Reykjavikurkaupstað, og
2. ennfremur beiðist hann þess, að kansellíið annist
um að senda hingað 600 til 700 rdl. frá Kaup-
mannahöfn af fé dómsmálasjóðsins, en þessa fjár-
hæð muni áreiðanlega þurfa til að byggja húsið,
en sjóðnum beri að standa straum af kostnaði við
bygginguna.
Stiftamtmaður lýsir því næst, hversu margar og ríkar
ástæður mæli með því að reisa húsið í Reykjavík, og að
stjórnin sjálf viti glögg deili á því, hve miklu það sé auð-
veldara og ódýrara en að endurreisa húsið við Öxará.
Bendir hann á, að flutningskostnaður alls efnis í húsið verði
næsta þungbær, og að kostnaður við ferð smiða og lang-
dvöl þeirra í auðninni við Öxará muni án efa nema jafn-
miklu og efnið sjálft. En við þetta bætist það, að ekkert
eftirlit sé hægt að hafa með húsi þar, eins og reynslan
hafi sýnt, því að Þingvallaprestur hafi ærið að sýsla með
umsjón prestseturs og kirkju. Hins vegar sparist allur flutn-