Skírnir - 01.01.1930, Blaðsíða 259
Skirnir]
Alþingi árin 1798—1800.
253
honum svars, með því að flytja mál sitt á þeirri tungu, og
baka honum þar með óhagræði og kostnað.
Öllum nefndarmönnum var það ríkt í huga að ráða
bætur á þessu réttarfari, og lögðu þeir því allt kapp á, að
því yrði ekki slegið á frest, en á því var allmikil hætta
vegna kostnaðar, sem af breytingu hlaut að leiða. I sér-
stöku álitsskjali gera þeir grein fyrir þeirri tillögu sinni, að
í stað lögþinganna og yfirréttarins verði stofnaður einn
dómstóll, sem nefnist landsyfirdómur og skipaður sé dóm-
stjóra og 2 meðdómendum. Nefndin segir, að engan veginn
megi miða laun þessara manna við laun þau, er lögmenn-
irnir hafi haft, því að þau hafi verið svo fjarri því að vera
sæmileg, enda hafi flestir lögmenn á síðari árum komizt í
stórskuldir og jafnvel vesaldóm. Lögmenn fyrr á tímum
hafi haft allt aðra aðstöðu, þar sem þeir hafi jafnframt
verið sýslumenn, þangað til 1737, og klausturhaldarar, og
auk þess haft aukaþóknun frá verzluninni og nokkrir fyrir
starf við lögbókina. Nefndin gerir þó enga tillögu um
launahæð dómendanna, en kveðst vænta þess, að þeir
verði ekki látnir sæta lakari launakjörum en embættis-
bræður þeirra í Noregi, þar sem engu væri dýrara að lifa
þar en hér. Fé það, sem frá íslandi gat komið, til þess að
standa straum af hinum nýja dómstóli, var þetta, samkv.
skýrslu stiftamtmanns og áliti nefndarinnar:
1- Laun lögmanns norðan og austan . . .
og lögmannstollar sama...................
2. Laun lögmanns sunnan og vestan . . .
og lögmannstollar sama...................
3. Laun ritara við yfirréttinn:
a. úr sjóði hegningarhússins . . 40 rdl.
b. úr dómsmálasjóðnum .... 10 —
4. Laun lögþingisskrifara...................
5. Aukatekjur fyrir afritun skjala og þinglest-
ur afsals- og veðbréfa ..................
b. Tillag úr sjóði hegningarhússins . . • •
— - dómsmálasjóðnum.................
Alls . . .
rdl. 150,00
— 100,00
— 106,24
— 100,00
— 50,00
— 58,48
— 50,00
— 100,00
— 100,00
rdl. 814,72