Skírnir - 01.01.1930, Síða 273
Skírnir]
Alþingi árið 1845.
267
kvæðum bundnar. Baldvin bjóst líka við því, að þing með
almennum kosningum á íslandi mundi verða landsmönnum
til mikillar og hollrar vakningar. Rök Baldvins voru góð
og gild, og var þar engu við að bæta.
Árið 1835 kom Hróarskelduþing saman í fyrsta skifti.
Sátu þar tveir menn fyrir hönd íslands, og mátti nú glöggt
sjá, hver kostur íslandi var gerður. Enginn skriður hafði
komizt á Alþingismálið þessi árin á íslandi. Fyrst 1837
tóku menn verulega að vakna. Þá gekkst Bjarni amtmaður
Thorarensen fyrir því, að safnað var undirskriftum undir
bænarskrá til konungs um stofnun sérstaks ráðgjafarþings
á íslandi. í Suðuramtinu var lika safnað undirskriftum undir
bænarskrá sama efnis. Bænarskrár þessar sendi stiftamt-
maður til Kancellís. Hann lagði ekki beinlínis á móti beiðni
landsmanna, en lét þess getið, að hann vissi ekki, hvort
þá væri hentugur tími til þingstofnunar. En til hins réð
hann, að láta nokkra æðstu embættismenn landsins koma
saman, þegar þörf þætti, til þess að segja álit sitt um mál-
efni, sem stjórnin vildi leggja fyrir þá. Kancellíið segir það
þar á móti »upassende« (þ. e. ósæmilegt) af íslendingum,
að þeir sé nú að biðja um sérstakt þing á íslandi, eftir að
svo hafi verið mælt, að það skyldi eiga fulltrúa á Hróars-
kelduþingi. Hins vegar varð það að ráði, að stofna til sam-
komu íslenzkra embættismanna, er haldin skyldi annað hvert
ár og standa mætti 4 vikur, sbr. konungsúrskurð 22. ág. 1838.
Með konungsbréfi 22. ágúst 1838 var embættismönnum
nokkrum, undir forustu stiftamtmanns (Bardenfleths), boð-
ið að koma saman í Reykjavík sumarið 1839. Til þessa
voru kvaddir amtmenn báðir (Bjarni Thorarensen og Bjarni
Thorsteinsson), biskup (Steingrímur Jónsson), einn prófastur
(Árni biskup Helgason), forseti landsyfirdóms (Þórður Svein-
björnsson), landfógeti (Morten Tvede) og 3 sýslumenn (Páll
Melsted, síðar amtmaður, Jón Jónsson á Melum og Björn
Auðunsson Blöndal). Fyrir nefndina var lagt að gera til-
lögur um kosningar fulltrúa á íslandi til Hróarskelduþings
°g hvernig greiða skyldi kostnað af þátttöku íslands í því