Búnaðarrit - 01.01.1995, Blaðsíða 30

unarfélags íslands og Líffræðifélags íslands sem haldin var í Reykjavík 22. - 23.
apríl.
Þá flutti ég tvívegis erindi á plægingarnámskeiðum sem Bændaskólinn á
Hvanneyri hélt og svo á námskeiði um rafmagnsgirðingar. Annað plægingar-
námskeiðið var á Selfossi og Stóra-Ármóti en hitt plægingarnámskeiðið og raf-
girðinganámskeiðið var á Hvanneyri.
Búnaðarmálastjóri tilnefndi nú í haust nokkra menn í samráðshóp um forritun
í þágu jarðræktar og jarðræktarleiðbeininga. Jón Baldur Lorange leiðir starfið í
hópnum.
Vatnsveitur
Þar sem ég er svo nýbyrjaður í starfi sem vatnsveituráðunautur fer töluverður
tími í lestur og upplýsingaöflun um vatnsveitur. Eg sótti endurmenntunar-
námskeið um vatnsmengun í Háskóla Islands 28. mars. Þann 12. apríl heimsótti
ég, ásamt Haraldi Árnasyni, fyrirtækið Tækja-Tækni hf. sem flytur inn loka á
vatnsleiðslur og ýmiss konar önnur tæki og fylgihluti við vatnsöflun og vatns-
veitur. Við skoðuðum lager fyrirtækisins og horfðum á myndbönd.
Um miðjan mars fór ég á fund á Hellu á Rangárvöllum til að ræða við
sveitarstjóra og fleiri um vatnsveitumál í sveitinni en vegna mengunar varð að
gera eitthvað í þeim málum. I maí fór ég svo aðra ferð austur og skoðaði lindir
við Geldingalæk og í framhaldi af því gerði ég svo lauslega kostnaðaráætlun um
þrjár mismunandi lausnir sem hægt var að velja um.
Dagana 18.-23. júlí fór ég í ferð um Norður- og Austurland og mældi fyrir
vatnsveitum eða lagði til ráð um lagfæringar á vatnsveitum á einum 10 bæjum
auk skólans að Lundi í Öxarfirði.
Þann 27. júlí var ég á fundi með vatnsveitunefnd Leirár- og Melasveitar þar
sem nefndarmenn sýndu mér hvernig þeir höfðu unnið úr þeim hugmyndum sem
komið höfðu fram í ferð minni um sveitina með sveitarstjórnarmönnum á
síðastliðnu ári.
Dagana 7.-9. september fór ég svo um Borgarfjörð og Dali til mælinga og ráð-
legginga um vatnsveitur. Eg kom á eina sex bæi auk þess sem ég kom í Mun-
aðarnes en þar eru erfiðleikar við öílun neysluvatns fyrir sumarhúsabyggð BSRB.
Ég fór austur yfir Fjall 22. september og hæðarmældi nokkra punkta að
Raufarfelli undir Eyjafjöllum vegna hitaveitu sem fyrirhugað er að leggja,
skoðaði aðstæður við vatnsveitu að Efri-Þverá í Fljótshlíð og hæðarmældi vegna
lagnar úr Flóaveitunni að Hnausum í Villingaholtshreppi.
Þá er ótalin ferð sem ég fór 25. nóvember að Borðeyri við Hrútafjörð en þar
hafa verið erfiðleikar með vatn í sláturtíðinni. Ég skoðaði þá staði sem taldir eru
koma til greina til vatnsöflunar og kom með tillögur til úrbóta í framhaldi af því.
Vegna vatnsöflunar til fyrirhugaðs fiskeldis fór ég í tvær ferðir með Óskari
ísfeld Sigurðssyni fiskeldisráðunauti. Annars vegar var ferð l'arin 10.-12. ágúst
28