Búnaðarrit - 01.01.1995, Blaðsíða 138

Hrossarœkt. Ég endurbætti og bætti nokkuð við forritið Feng á árinu en
aðaltími minn að forritun fór í gerð Einka-Fengs. Viðbætur við Aðal-Feng voru
margar til samræmis við nýjar vinnslur í Einka-Feng og einnig bætti ég við
aðgangstakmörkunum í forritið. I byrjun ársins vann ég að útkomu útgáfu 0,7 af
Einka-Fengi sem komst í dreifingu í marsmánuði. Þessi útgáfa var prófunarút-
gáfa. Jafnhliða endurskoðaði ég Aðal-Feng með tilliti til gagnauppfærsluhluta
Einka-Fengs en notendur Einka-Fengs geta fengið gagnauppfærslu árlega. Þetta
þýðir að Aðal-Fengur verður að halda til haga öllum viðbótum og breytingum
sem verða á gagnasafninu í hrossarækt á gagnafærslutímabilinu. Fyrsta gagna-
uppfærslutímabilið var frá 15. febrúar til og með 3. október 1994. Geysilegar
breytingar urðu á gagnasafninu á þessu tímabili, meiri en ég hafði gert ráð fyrir.
Hrossum í safninu fjölgaði um 5.552, kynbótadómum fjölgaði úr 15.746 í
19.052, einhverjar breytingar höfðu orðið á upplýsingum um 4.500 hross og
fangfærslum fjölgaði úr 25.265 í 29.238 svo dæmi séu tekin. Þessar tölur sýna
vel þá miklu vinnu sem fram fer í tölvudeild í skráningu skýrsluhaldsgagna og
vikið hefur verið að fyrr í starfsskýrslunni. Eftir dreifingu á útgáfu 0,7 af Einka-
Feng hóf ég vinnu við útgáfu 1,0 ásamt forritun að viðamiklum forritshluta fyrir
innlestur áðurnefndrar gagnauppfærslu. Þar þurfti að vanda vel til því dýrmætar
upplýsingar notenda Einka-Fengs voru í húfi. Þær viðbætur sem ég gerði í
Einka-Feng voru:
1. Unnt var að fá fram hæsta dóm afkvæma í afkvæmalista hrossins.
2. Hver notandi getur “smalað” hrossum í heimarétt sína og þarf því ekki
lengur að leggja á minnið fæðingarnúmer heldur getur valið hrossin úr
heimaréttinni.
3. Smávegis lagfæring var gerð á útprentun á skýrslum.
Um 20 aðilar keyptu útgáfu 0,7 og kom prófunin á forritinu vel út. Utgáfu 1,0
lauk ég við í nóvembermánuði og komst forritið til dreifingar í byrjun desember.
Það skal eigi vanmeta þann tíma sem fer í að undirbúa útsendingu, fjölföldun og
þjónustu við notendur þegar ný útgáfa af forriti er send út. Það fór langur tími í
þetta í desember hjá mér einkum vegna gallaðra disklinga og tölvuveiru sem
skaut upp kollinum öllum að óvörum. Ég samdi við tölvufyrirtækið Einar J.
Skúlason um fjölföldun á disklingum með forritinu en öll útgáfa 1,0 kemur á 16
disklingum og uppfærslan úr 0,7 í 1,0 á 7 disklingum. Eins og gengur voru
nokkrir disklingar ónýtir og þurfti þá að senda nýja. Við lok ársins höfðu alls 58
fengið eintak af Einka-Feng, útgáfu 1,0, og þar af höfðu 11 eintök farið til út-
landa.
Kaupendur dreifast þannig eftir landshlutum og löndum:
136