Búnaðarrit - 01.01.1995, Blaðsíða 70
ti erindi í öllum ferðunum (sjá ritaskrá). Á námskeiðinu í Mikkeli í Finnlandi sem
haldið var á vegum Norræna búfræðifélagsins (NJF) flutti ég erindi um stöðu
lífræns landbúnaðar á Islandi (meðhöfundur Lena Fernlund) og að loknu því
námskeiði fór ég í kynnisferð á sérhæfða tilraunastöð á þessu sviði, Partala við
bæinn Juva. Þar er einkum unnið að lífrænum jarðræktar- og garðyrkjuverkefnum
ásamt hagfræðilegum könnunum á lífrænum búrekstri. Var greinilega góð
samvinna á milli starfsfólks stöðvarinnar og bænda sem hafa tileinkað sér eða eru
að aðlagast lífrænum búskaparháttum. Einnig ræddi ég við ráðunauta og fékk
gagnlegar upplýsingar um framleiðslureglur, vottun og leiðbeiningaþjónustu. Á
fundi sauðfjárræktarráðunauta á Norðurlöndum sem haldinn var í Þórshöfn í
Færeyjum flutti ég yfirlitserindi um íslenska sauðfjárrækt og geitaeign. Einnig
sagði ég frá hinu sérstæða íslenska forystufé sem vakti töluverða athygli. Frá
íslandi voru á fundinum auk mín þau Jóhannes Ríkharðsson (Búnaðarsambandi
Skagfirðinga), Ólöf Björg Einarsdóttir (Bændaskólanum á Hvanneyri) og Stefán
Sch. Thorsteinsson (Rannsóknastofnun landbúnaðarins). Færeyingar tóku mjög
vel á móti okkur. I fróðlegum kynnisferðum urðum við margs vísari um fjár-
búskap á eyjunum, en hann er mjög sérstæður, og vísa ég til greinar um ferðina í
17. tbl. Freys 1994 (sjá ritaskrá). Ráðstefnurnar tvær sem ég sótti í Skotlandi voru
báðar haldnar í Edinborg. Sú fyrri fjallaði um búfjárhald við vistvæn skilyrði en
á þeirri seinni, 45. ráðstefnu Búfjárræktarsambands Evrópu (EAAP), var
margvíslegt fróðlegt efni og sat ég einkum fundi Sauðfjár- og geitfjárdeildar þar
sem ég lagði fram erindi um íslensku geitina (meðhöfundur Halla Eygló
Sveinsdóttir). Auk þess sat ég aðalfund sambandsins fyrir hönd íslands. Frá íslan-
di sóttu auk mín ráðstefnu Búfjárræktarsambands Evrópu þau Kristinn Hugason
(Búnaðarfélagi íslands) og Emma Eyþórsdóttir (Rannsóknastofnun landbú-
naðarins). Þar voru einnig dr. Stefán Aðalsteinsson, sem starfar í Noregi, og dr.
Þorvaldur Ámason starfandi í Svíþjóð.
Geitfjárrœkt. Ásettar geitur haustið 1993 voru samtals 330 samkvæmt
forðagæsluskýrslum. Geitaeigendur voru í flestum sýslum landsins, samtals 46,
með 1-56 geitur hver. Skýrsluárið 1992-1993 skiluðu 32 geitaeigendur skýrslum
fyrir samtals 299 geitur og var greitt stofnverndarframlag á samtals 283 geitur í
nóvember 1994, kr. 2.700 á geit. Auk þess að hafa umsjón með geitaskýrslunum
hef ég aðstoðað nokkra geitaeigendur m.a. varðandi útvegun á höfrum vegna
skyldleika. í síðustu starfsskýrslu sagði ég frá samvinnu við dr. Stefán
Aðalsteinsson og Sigríði Bjamadóttur um rannsóknir á skyldleika í stofninum.
Þær staðfesta að hann er mjög mikill en þó er frjósemin furðu góð. Nánari
upplýsingar um niðurstöðurnar er m.a. að finna í ritinu Búvísindi 1994 (sjá
ritaskrá). Leiðbeiningar um leiðir til að draga úr skyldleikarækt, sem dr. Stefán
tók saman, hafa verið sendar öllum geitfjáreigendum.
Landsmarkaskrá. Haustið 1994 var tekinn saman viðauki við Landsmarka-
skrá 1989 og eintök send öllum markavörðum í landinu fyrir réttir. Ýmsir aðrir
68