Búnaðarrit - 01.01.1995, Blaðsíða 57

ræktunarstarfsins á árinu 1993 auk þess sem þar tókst að ná nokkru af fag-
greinum frá öðrum höfundum þó að meginhluta efnisins hafi ég skrifað. Ritið var
að þessu sinni um 220 síður. Nú er til umræðu að breyta útgáfu þessa rits þannig
að það komi út oftar á ári og þá vonandi um leið með öllu fjölbreyttara efni.
Tólfti árgangur Sauðfjárrœktarinnar kom út snemma á árinu 1994. Þar er
gerð grein fyrir öllum veigamestu þáttum í framkvæmd sauðfjárræktarstarfsins á
árinu 1993. Auk þess er í ritinu að finna grein eftir Lárus G. Birgisson um ís-
lenskt forystufé en annað efni ritsins hef ég að mestu skrifað. Ritið var að þessu
sinni 212 síður.
Rétt ntun að geta hér aðeins starfs sent ég tók að mér fyrir hrossaræktarnefnd
en þar var að annast tilraun með framkvæmd dóma í hrossarækt. Steinþór
Runólfsson annaðist framkvæmd þessarar athugunar af sinni alþekktu natni.
Niðurstöður hennar hafa verið kynntar á fundum hjá fagráði í hrossarækt og
hrossaræktarnefnd. Mikilverðasta niðurstaðan var tvímælalaust að tilraunin
sýndi mjög vandaða framkvæmd dómanna um leið og vísbendingar fengust um
að enn rnegi bæta framkvæmd með ákveðnum breytingum í vinnubrögðum.
Fundir. Ekki ætla ég að gefa tæmandi yfirlit um þá fundi sem ég hef mætt á
vítt og breitt um land, nokkurra hefur þegar verið getið og nokkurra hér getið til
viðbótar. Eg mætti á aðalfund Landssambands kúabænda á Flúðum í ágúst og
aðalfund Stéttarsambands bænda á santa stað nokkrum dögum síðar. í nóvember
mætti ég á fundum hjá öllum sex búnaðarsamböndunum á Norðurlandi ásamt
Olafi G. Vagnssyni og fleirum. Þar fór fram kynning á hrútakosti sæðingarstöð-
varinnar á Möðruvöllum auk þess sem á þeint svæðum þar sem aðalsýningar
höfðu verið, var gerð grein fyrir niðurstöðum þeirra. Á mörgum þessara funda
var gríðarlega góð mæting og almennur áhugi fundarmanna. I nóvember var
mætt á árlegan fund fjárræktarfélaganna á Suðurlandi sem haldinn var að þessu
sinni í Árnesi. Þá mætti ég á fund á vegum Bsb. Borgarfjarðar um sauðfjárrækt
sem haldinn var á Hvanneyri í desember.
Stjómarstörf og nefndir. Eg gegndi árið 1994 starfí stjórnarformanns við
Rannsóknastofnun landbúnaðarins. Ég starfaði í nefnd á vegurn landbúnaðar-
ráðuneytisins að tilnefningu Framleiðsluráðs landbúnaðarins en henni var falið
að endurskoða lög um meðferð, skoðun og mat á sláturafurðum. Formaður
nefndarinnar er Brynjólfur Sandholt yfirdýralæknir. Nefndin hefur að mestu
lokið störfum. Rétt er að taka fram að hér er aðeins fjallað um löggjöf í þessurn
efnum en framkvæmd kjötmatsins byggir hins vegar á reglugerðum sem settar
eru á grunni þessara laga.
Samskipti við Bœndaskólann á Hvanneyri hafa mest verið fólgin í því að vera
leiðbeinandi í lokaverkefnum nemenda þar. Einnig hef ég aðeins komið að
námskeiðahaldi þar og örlítið komið að kennslu við búvísindadeildina.
Kynnisferð til Hollands o.fl. I síðari hluta júní tók ég þátt í kynnisferð ráðu-
nauta með megináherslu á nautgriparækt sem farin var til Hollands.
55