Búnaðarrit - 01.01.1995, Blaðsíða 72

Búvísindi og ritstýrði sérriti hjá Elsevier útgáfufyrirtækinu í Hollandi með efni
frá alþjóðlegum fræðafundi um hrossarækt sem haldinn var í Reykjavík í ágúst
1993 (sjá ritaskrá og starfsskýrslu 1993). I sérriti þessu sem kom út um rétta-
leytið er auk margvíslegs erlends fróðleiks að finna yfirlit um flest það sem
unnið hefur verið að í íslenskum hrossarannsóknum til þessa. Að venju yfirfór
ég drög að endurskoðuðum fjallskilareglugerðum svo og drög að samþykktum
um búfjárhald sem bárust til umsagnar úr landbúnaðarráðuneytinu. Einnig
leiðbeindi ég nokkrum sveitarfélögum sem hafa auglýst bann gegn lausagöngu
búfjár, aðallega stórgripa, eða hafa gert samþykktir um búfjárhald. Einnig hafa
einstakir bændur öðru hvoru samband við mig um slík mál, leita upplýsinga eða
greina frá ástandi mála í eigin sveit, einkum varðandi hross. Að venju tók ég
saman skrár yfir réttir en mikið er spurt um þær á haustin m.a. af fólki sem starf-
ar við ferðaþjónustu, jafnvel í útlöndum. Ljóst er að göngur og réttir draga að fer-
ðamenn enda merkir þættir í menningu þjóðarinnar. Öðru hvoru á árinu tók ég á
móti erlendum gestum sem voru að afla upplýsinga um íslenskan landbúnað.
Sjálfur hef ég alltaf gagn af slíkum heimsóknum því að gestirnir fræða mig um
búskap o.fl. heimafyrir um leið og þeir fræðast um Island. Meðal þeirra voru
David Clark frá Astralíu sem gaf mér m.a. nýjustu upplýsingar um Landcare
verkefnið í jarðvegs- og gróðurvernd, Donna H. Messer markaðsfulltrúi frá
Kanada sem er m.a. kunnug viðskiptum með lífrænar landbúnaðarvörur og
Gundego Rudzite frá Lettlandi sem greindi frá þróun landbúnaðar í heimalandi
sínu. A fundi í landbúnaðarráðuneytinu seint í maí, sem dr. Sigurgeir Þorgeirsson
boðaði til, gafst mér gott tækifæri til að ræða við Francis Blake frá Soil
Association í Bretlandi um vottun lífrænna landbúnaðarafurða. Svo sem áður
var vikið að komu gestir frá Nýfundnalandi í október, þeir Edward O'Reilly
fóðurfræðingur og landsráðunautur á því sviði, David Mackey, forstöðumaður
leiðbeiningaþjónustunnar þar, sem einnig fæst við rannsóknir og Howard Hewitt
formaður Stéttarsambands bænda á Nýfundnalandi og mjólkurframleiðandi þar.
Ég hafði kynnst þeim öllum í kynnisferð minni um Nýfundnaland haustið 1993
(sjá starfsskýrslu 1993 og greinar í 1.-2. og 3. tbl. Freys 1994, sjá ritaskrá) og
skipulagði ég ferð þeirra hingað. Er ég mjög þakklátur öllum þeim bændum,
stofnunum og fyrirtækjum sem greiddu götu þeirra þremenninga á margvíslegan
hátt og færi ég hér með þessum aðilum innilegar kveðjur sem Edward hefur
beðið mig að koma á framfæri við þá alla. Gerð er allýtarleg grein fyrir þessari
heimsókn í 23. tbl. Freys 1994, bls. 902-903. Einnig er sérstök ástæða til að
þakka ágæta fyrirgreiðslu í Litlu-Sandvík í Flóa vegna kynnisferðar um
Suðurland með þingmenn frá Eystrasaltslöndunum á liðnu vori en þeir voru hér
á vegum Islandsdeildar Norðurlandaráðs. A liðnu ári flutti ég nokkra fyrirlestra
um búfjárframleiðslu fyrir matvælafræðinema í Háskóla íslands, annaðist minni
háttar kennslu í sauðfjárrækt fyrir Bréfaskólann og í Garðyrkjuskóla ríkisins á
Reykjum í Ölfusi flutti ég nokkra fyrirlestra um landbúnað og umhverfismál
70