Búnaðarrit - 01.01.1995, Blaðsíða 119

Biítæknideild sótti um styrk frá Framleiðnisjóði til að standa straum af kostn-
aði við þennan áfanga verkefnisins og meiri þróunarvinnu við fjósbyggingar sem
BBI gæti tekið að sér. Þegar þetta er skrifað hefur ekki fengist fullnaðarsvar um
það mál. Rannsóknarverkefnið hefur þó fengið mjög góðar undirtektir hjá
ýmsum aðilum m.a. hjá Félagi kúabænda. Meðan samdráttur ríkir í bygginga-
framkvæmdum til sveita er afar mikilvægt að tími okkar starfsmanna BBÍ verði
nýttur í slík þróunarverkefni.
A árinu unnum við áfram að gerð deiliblaða af einstökum húshlutum. Lokið
var við gerð deiliblaða af flekahurð í vélageymslu, rennihurð í gripahús, básagólfi
í fjós og smákálfastíum. Vinna við gerð deiliblaðanna getur vissulega flokkast
undir þróunarstarf og það er afar mikilvægt að sinna þeim þætti vel í framtíðinni.
Einangrunarstöð fyrir svín í Hrísey og tilraunafjárhús á Hesti voru fullbyggð
og tekin í notkun á árinu en þessar byggingar teiknuðum við árið 1993. Ég var
viðstaddur vígslu þessara húsa.
Grænlendingurinn Lasse Bjerge hafði samband við okkur sl. haust og óskaði
aðstoðar okkar við að hanna tilraunafjárhús sem ráðgert er að reisa á tilrauna-
stöðinni í Upernaviarsuk. Gerð var lausleg tillaga samkvæmt hugmyndum Lasse
Bjerge og hún send til þeirra.
Ég tók þátt í athugunum fiskeldishóps BI á möguleikum við að koma upp kyn-
bótaeldisstöð fyrir bleikju á Bændaskólanum á Hólum. Við fórum norður,
athuguðum möguleika á vatnsöflun og skoðuðum hugsanlega staðsetningu stöðvar.
I framhaldi af þvf gerði ég lauslega tillöguteikningu að skipulagi stöðvar í
samráði við Oskar Isfeld.
Ég átti sæti í undirbúningsnefnd Ráðunautafundar 1994 og sem fyrr segir í
verkefnaráði í bútækni en þar var einn fundur haldinn á árinu. Ég var í undirbún-
ingsnefnd vegna þátttöku BI í landbúnaðarsýningunni Auðhumlu ‘94 og var tvo
daga við kynningarstarf í bás BI á sýningunni. Ég tel að kynningin á hinni
fjölþættu starfsemi BÍ hafi tekist vel og verið okkur til sóma.
Þann 24. mars hélt ég fyrirlestur um starfsemi BBI fyrir nemendur Bú-
vísindadeildar á Hvanneyri.
Önnur ferðalög innnanlands voru að mestu tengd þeim teikniverkefnum sem
við tókum að okkur fyrir bændur. Eins og undanfarin ár reyndum við Sigurður
að fara á byggingarstaðina og líta á aðstæður og ræða við bændur um væntanleg-
ar framkvæmdir áður en við hófumst handa við teikniverkefnin. Telst mér til að
ég hafi heimsótt 35 bæi á árinu og eru það mun færri staðir en undanfarin ár.
Að lokum vil ég þakka öllum starfsfélögum hjá Búnaðarfélagi fslands,
búnaðarmálastjóra og stjórn félagsins fyrir ánægjulegt samstarf.
Ritaskrá:
Sýna þarl' aðgát við tæmingu mykjukjallara, Freyr, 1994:90 (6): 202-3.
Ymis stærðarmál í gripahúsum og rými í fóðurgeymslum. Handbók bœnda 1994:44: 119-26.
Byggingakostnaður - lán - styrkir. Handbók bœnda 1994:44: 255-7.
117
L