Búnaðarrit - 01.01.1995, Blaðsíða 206

manns skal kalla til varamann. Falli stjórnarmaður frá eða verði að hætta
störfum í stjórninni, skal varamaður hans taka þar sæti sem aðalmaður en
næsta Búnaðarþing kýs nýjan varamann í hans stað.
Stjóm kýs 1. og 2. varaformann úr hópi stjórnarmanna og skipa þeir, ásamt
formanni, framkvæmdanefnd stjórnar er hafa skal skipulegt samráð milli
funda og leysa mál sem ekki er gerlegt að fresta til næsta stjórnarfundar.
Formaður stýrir fundum stjórnar og er málsvari samtakanna út á við,
nema stjórn ákveði að fela öðrum stjórnarmönnum eða starfsmönnum það
hlutverk í sérstökum tilvikum. í forföllum formanns kemur 1. varaformaður
og, að honum frátöldum, 2. varaformaður, fram fyrir hönd samtakanna.
Stjórnin heldur gjörðabók er fundarmenn undirrita.
20. grein
Framkvæmdastjóri bændasamtakanna er prókúruhafi samtakanna og
annast daglega yfirstjórn þeirra í samræmi við ákvarðanir stjórnar og fram-
kvæmdanefndar og er tengiliður við fagráð og búgreinasamtök í þeim tilvik-
um sem stjórnarmaður annast ekki þau samskipti með formlegum hætti.
Framkvæmdastjóri ræður aðra starfsmenn samtakanna, að höfðu samráði
við framkvæmdanefnd.
Stjórn samtakanna skal að öðru leyti ráða skipulagi á starfsemi þeirra, að
höfðu samráði við framkvæmdastjóra. Skal þess gætt að haldið sé eðlilegum
samskiptum við opinbera aðila vegna þeirrar starfsemi, sem fyrir þá er sinnt,
samhliða því að gætt er hagsmuna bænda í samræmi við hlutverk sam-
takanna.
21. grein
Fagráð skulu starfa í hverri búgrein eftir því sem nánar er kveðið á um í
verkaskiptasamningi skv. 7. grein. Þau geta jafnframt verið búfjárræktar-
nefndir samkv. lögum um búfjárrækt. I fagráðum skulu sitja starfandi bænd-
ur og einn ráðunautur bændasamtakanna í hlutaðeigandi búgrein. Með
fagráðum starfa sérfróðir aðilar er vinna að kynbótum, rannsóknum, leið-
beiningum og kennslu í búgreininni. Verkefni fagráða er að móta stefnu í
kynbótastarfi í samráði við búfjárræktarnefnd ef hún er önnur en fagráð.
Enn fremur að móta stefnu í fræðslumálum og rannsóknum búgreinarinnar
í samræmi við verkaskiptasamning, svo og að fjalla um önnur mál er stjórn
bændasamtakanna kann að vísa þangað til umsagnar og afgreiðslu.
22. grein
Starfsfé bændasamtakanna er:
1. Tekjur af sjóða- og félagsgjöldum.
2. Arður af eignum.
204