Búnaðarrit - 01.01.1995, Blaðsíða 34

nokkrum stöðum, sérstaklega í Saurbæ og yfir í hluta Reykhólasveitar. Nú eins
og áður verða aðilar á þessu svæði í einhverjum mæli fyrir ágangi arna sem valda
ónæði og oft tjóni.
Þá ber í vaxandi mæli á því að grásleppuveiðimenn leggi net sín innan neta-
landhelgi lögbýla og í óþökk landeigenda. A Breiðafirði var landhelgisgæslan
fengin til að mæla staðsetningu neta á nokkrum stöðum að beiðni sýslumannsins
í Búðardal og eftir að landeigendur höfðu beðið um slíkt. í kjölfar þessa hafa svo
allmargir grásleppuveiðimenn verið kærðir. Vonandi leiða kærurnar frá sl. sumri
til þess að öllum verði augljós hver netalandhelgi jarða er þótt lög séu reyndar
mjög skýr í þessum efnum. Auðvitað ber að nýta grásleppuna (hóflega) eins og
aðrar auðlindir náttúrunnar en virða verður þær leikreglur sem gilda.
Eins og á árinu 1993 fóru sl. sumar fram fjölþættar rannsóknir á æðarfugli á
Bessastöðum í samvinnu við Náttúrufræðistofnun og með leyfi forseta Islands
og í samstarfi við umsjónarmann varpsins Daniel Hansen. Ég hef tekið þátt í að
kanna mismunandi aðferðir við dúnnytjar ásamt því að kanna áhrif mismunandi
gerða af hreiðurskýlum.
Hinn 11. maí sl. voru samþykkt á Alþingi ný lög um vernd, friðun og veiðar
á villtum fuglum og villtum spendýrum eftir þrjú ár í meðförum þingsins. Með
nýju lögunum verða verulegar breytingar á skipan þessara mála. Samkvæmt
lögunum skal starfa sjö manna ráðgjafarnefnd, ráðherra til ráðgjafar, um mál sem
tengjast lögunum. Búnaðarfélag íslands tilnefnir einn mann í nefndina og er það
Eysteinn Gíslason, Skáleyjum en undirritaður er varamaður Eysteins. Nefndin
hóf störf í ágúst sl. og fékk það hlutverk að semja reglugerðardrög við lög þessi
og er miðað við að því verki ljúki á komandi vetri. Ég hef setið allmarga fundi
nefndarinnar í forföllum Eysteins.
Upplýsingamiðlun í ýmsu formi er tímafrekur þáttur. Fjölmiðlar flestir leita
frétta, skólanemar sæka eftir efni í ritgerðir og skýrsluvinnu, útlendingar leita
upplýsinga o.s.frv. Nokkra deildarfundi hjá æðarræktardeildum átti ég kost á að
sækja en deildirnar eru mikilvægur hlekkur í starfi Æðarræktarfélags íslands. Að
venju hef ég setið alla stjórnarfundi ÆÍ og ritað þar fundargerðir auk óformlegra
funda með formanni og öðrum stjórnarmönnum eftir því sem tilefni gafst til.
Nú orðið eru sífellt að koma upp alvarleg dæmi um olíu- eða grútarmengun
sem drepur æðarfugl. Það nýjasta í þessum efnum er stórfelld grútarmengun frá
loðnu- og síldarvinnslustöðvum á Seyðisfirði. Þar er nú reynt að ná frani lag-
færingum en tiltölulega auðvelt er að komast hjá mengun frá svona verksmiðjum
ef vilji er fyrir hendi. Þá strandaði erlent flutningaskip út af Hafnarfirði 22. sept.
sl. en komst á flot skömmu síðar og sigldi upp í Hvalfjörð. Olíuleki fylgdi því
alla leið og talsverð olía barst á fjörur og vitað er að talsvert fórst af æðarfugli
þótt ýmsir reyndu sitt besta til að hreinsa fjörur og bjarga fugli. Ég fór á fjörur á
Kjalarnesi með Páli í Brautarholti og skoðaði afleiðingamar og skrifaði skýrslu
um málið. í framhaldi af þessu var fylgst með réttarhöldum í málinu og lögð
32