Búnaðarrit - 01.01.1995, Blaðsíða 86

sambærilegurfjöldi 3530 folöld fædd 1992, folöld fædd 1991 voru 3406 og 2849
árið 1990. A þessu sést að þátttakan í skýrsluhaldinu er á réttri leið þó að aldrei
megi sofna á verðinum. Heildarframlag til hrossaræktarinnar fyrir árið 1994 var
kr. 7.750.000-. Heildargreiðsla til hrossaræktarsambanda var kr. 6.200.000- þ.e.
80% af heildarframlaginu en 20% renna til Búnaðarfélags Islands og
búnaðarsambanda til að standa straum af föstum kostnaði vegna skýrsluhaldsins.
Þetta þýðir að styrkur á framtalið folald var kr. 1.676,58 þetta árið.
I skýrslu Jóns Baldurs Lorange koma fram ýmsar fleiri upplýsingar um
skýrsluhaldið í hrossaræktinni og er vitnað til þess s.s. varðandi útgáfu Einka-
Fengs en að þeirri útgáfu unnum við Jón Baldur sameiginlega þó meiri þungi af
verkinu hafi hvílt á herðum Jóns. Einka-Fengur hefur þegar hlotið góðar
viðtökur hrossaræktenda og hrossaútflytjenda og fært tölvudeild auk þess
umtalsverðar sértekjur.
Kynbótamat (BLUP). í síðustu tveimur starfsskýrslum hef ég kynnt ýmsar
nýjungar í sambandi við útreikning á kynbótamati Búnaðarfélags Islands fyrir
undaneldishross (BLUP). Kynbótamatið fyrir árið 1994 var reiknað út óvenju
seint vegna þess mikla átaks sem í var ráðist við skráningu eldri dóma, sjá fyrr.
Niðurstöðurnar voru gefnar út í sérprenti sem til sölu var á landsmótinu. Að vísu
var reiknað út kynbótamat strax að afloknum dómum ársins 1993, var það sett í
Feng og í tilraunaútgáfu Einka-Fengs og birtust helstu niðurstöður þess í
Handbók bœnda 1994 en aldrei áður hafði hrossaræktin fengið eins gott rúm í
handbókinni og verður framhald þar á. I ljósi framansagðra atriða ætti flæði
upplýsinga til ræktenda um niðurstöður kynbótamatsins að vera nokkuð tryggt
þrátt fyrir seinkun á útgáfu Hrossaræktarinnar. Sérstaklega þegar því er nú bætt
við fyrri upptalningu að geta um þær miklu upplýsingar um kynbótamatið sem
fram koma í skýrsluhaldsgögnunum sem öllum þátttakendum í skýrsluhaldinu
eru send.
Töluverð vandkvæði urðu við útreikning á aðalkynbótamatinu sem jafnframt
var útreikningur vegna verðlaunaveitingar hrossa þeirra sem sýnd voru með
afkvæmum á landsmótinu. Reyndist villa, sem síðar kom í ljós að lengi hafði
verið til staðar í forritinu, hafa losnað úr læðingi. Litlar skýringar eru til á því
hvers vegna hún fór að gera usla, hvort það var vegna sérstakra aðstæðna í vél-
búnaði eða vegna stóraukinna gagna er ekki vitað. Ágústi Sigurðssyni búfjárkyn-
bótafræðingi, sem vann með okkur Jóni Baldri Lorange að uppgjörinu í þetta
sinn, tókst að bjarga málunum í bili og ljúka útreikningunum. Þorvaldur Árna-
son leiðrétti svo forritið síðar og gekk útreikningur sem gerður var í október
prýðisvel. Niðurstöður þær voru m.a. reiknaðar út frá öllum dómum ársins 1994
og settar í Feng, gefnar út í Einka-Feng og í Handbók bænda 1995.
Á milli áranna 1993 og 1994 urðu töluvert miklar breytingar á niðurstöðum
kynbótamatsins. Úrvalshrossum fjölgaði töluvert sem staðfestir þá grósku sem
84