Búnaðarrit - 01.01.1995, Blaðsíða 52

ingin sem siglir í kjölfar nýs kynbótamats er samt sem áður önnur aðferð við val
nautsmæðra en áður var beitt. Vegna framafara í stofninum, sem er árangur af
ræktunarstarfinu, verður lögð miklu meiri áhersla á yngri kýr við val nautsmæðra
en áður var. Áhrif þessa má þegar glöggt greina á Uppeldisstöðinni þegar hugað
er að mæðrum kálfanna sem þar eru nú í samanburði við það sem var fyrir
örfáum árum. Ljóst er að þessar breytingar hafa kallað á vissa endurskoðun í
nautsmæðravalinu sem nefndin hefur rætt og mótað tillögur um. Hið nýja kyn-
bótamat kallar m.a. á að ættfærslu gripa sé sinnt af meiri natni en sumstaðar
hefur verið gert til þessa.
Fagrcíð ínautgriparœkt. Ég hef eins og áður verið fulltrúi BI í framkvæmda-
nefnd fagráðs í nautgriparækt. Formaður fagráðsins er eins og á árinu 1993 Jón
Gíslason. Framkvæmdanefndin hefur haldið nokkra fundi á árinu sem einkum
hafa fjallað um umsóknir í þróunarsjóð nautgriparæktar, en slíkar umsóknir hafa
frá upphafi farið til umsagnar hjá framkvæmdanefndinni. Árlegur samráðsfundur
fagráðsins var að þessu sinni haldinn 28. nóvember en aðalefni fundarins var að
þessu sinni gæðastýring í nautgriparæktinni og flutti ég þar stutta hugleiðingu
um það efni.
Þróunarsjóður nautgriparœktarinnar hefur á síðustu árum verið nautgripa-
ræktinni mikil lyftistöng. Vegna styrkja úr sjóðnum hafa verið unnin fjölmörg
verkefni sem hafa skilað nautgriparæktinni miklu. Þetta á sérstaklega við um þá
miklu ellingu sem orðið hefur á starfi tilraunastöðvanna á Stóra-Ármóti og
Möðruvöllum. Þeim verkefnum sem tengst hafa beint mínu starfi hef ég gert
grein fyrir hér í starfsskýrslum. Viss óvissa ríkir nú um framhald þessarar starf-
semi en ég held að það sé mjög mikilvægt að hún geti haldið áfram í líku formi.
Þess er vert að geta að framkvæmdanefndin hefur beint áskorun til Rann-
sóknaráðs ríkisins um að vinna að þróunaráætlun fyrir íslenska nautgriparækt.
Slíkl virðist bæði þarft og eðlilegt í ljósi þess að nautgriparæklin hlýtur að verða
burðarás í íslenskum landbúnaði á allra næstu árum.
Gagnabanki um fjós í lcmdinu. í síðustu starfsskýrslu var fjallað um vinnu
sem þá var hafin í samvinnu við fleiri aðila um að vinna að því að koma upp sam-
ræmdum gagnabanka um fjósbyggingar í landinu. Meginþungi þessa starfs hefur
hvflt á Torfa Jóhannessyni sem var starfsmaður bútæknideildar á Hvanneyri.
Þetta verkefni, ef fram á að ganga, verður að byggja á góðri samvinnu og sam-
starfi við búnaðarsamböndin. í tengslum við kúasýningar á fyrri hluta ársins var
aðeins unnið að þessu verkefni og virðist mér sú reynsla benda til að hér sé ef til
vill um miklu viðráðanlegra verkefni að ræða en það virtist sumum í upphafi. Sá
aukni skilningur sem nú er uppi meðal bænda á því að þeir ganga til móts við
framtíð sem gerir kröfur um gæði og stöðlun framleiðslunnar mun vafalítið einn-
ig létta framkvæmd þessa verks vegna þess að það er aðeins eðlilegur þáttur í
uppbyggingu á heilstæðum upplýsingum um framleiðsluumhverfið sem slíkt
gerir kröfur um.
50
J