Búnaðarrit - 01.01.1995, Blaðsíða 95

í samræmi við þingsályktunartillögu sem samþykkt var á Alþingi á síðastliðnu
vori skipaði landbúnaðarráðuneytið nefnd þann 21. júlí til að gera tillögur um
aðgerðir til að vernda íslenska fjárhundinn og hreinrækta stofninn. Var ég
skipaður í þessa nefnd ásamt Guðrúnu R. Guðjohnsen, formanni Hunda-
ræktarfélags íslands, og Sveinbimi Eyjólfssyni deildarstjóra sem er formaður
nefndarinnar. Nefnd þessi hefur haldið fundi af og til í allt haust og lýkur fljótlega
störfum. Á meðan álit fyrmefndrar nefndar landbúnaðarráðuneytisins í hundarækt
liggur ekki fyrir hef ég lagt á það áherslu að Búnaðarfélag íslands fari sér varlega
í öllum málum er að hundaræktinni lúta. Bæði er það að áhugafólk um ræktun t.d.
íslenska fjárhundsins er síður en svo á eitt sátt félagslega og hitt er að fræðileg
áhorfsatriði um hvernig beri að standa að kynbótaátaki í hundarækt em stór.
Nægir í því sambandi að benda á hve stærð hundastofnsins í landinu er lítil.
Lokaorð.
Læt ég hér lokið starfsskýrslu minni fyrir árið 1994. Skýrslan er orðin löng
en mér þykir betur að geta gert hlutunum sæmileg skil auk þess sem árið 1994
var óvenju annasamt.
Árið 1994 er eðlilega kvatt með nokkrum söknuði þó ekki væri vegna annars
en að við starfsmenn Búnaðarfélags íslands höfum vitað að hverju við höfum
gengið þar en nú göngum við fremur en áður á vit hins óþekkta hvað störf okkar
áhrærir. Mér persónulega hefur í flesta staði verið ánægja af því að vinna fyrir
félagið og þótt það heiður auk þess sem ég er þakklátur fyrir þann stuðning og
skilning sem hugmyndir mínar og verk hafa notið hjá búnaðarmálastjóra.
Auðvitað gæti ég svo sem bent á ýmislegt sem ég tel að betur hefði verið gert til
endurskipulagningar í starfi Búnaðarfélags Islands en um það ætla ég ekki að
fjölyrða hér. Nú horfum við hins vegar fram á veginn sem starfsmenn
sameinaðra bændasamtaka sem enn hafa ekki fengið formlegt nafn. Ég er bjart-
sýnn á framvindu mála þó ég sjái að þeim sem ferðinni ráða sé ærinn vandi á
höndum, vona ég svo sannarlega að þeim takist vel til og reyni ég vitaskuld að
gera mitt til þess að styðja hið nýja félag. Færi ég svo öllu samstarfsfólki, stjór-
nendum félagsins og öðrum sem ég hafði samskipti við á árinu kærar þakkir fyrir
samstarfið.
Ritaskrá:
Alþjóðleg samskipti um ræktun íslenska hestsins. Freyr 1994; 90 (22): 832-3.
Breeding of Icelandic toelter horses: an overview. Livestock Production Science 1994; 40 (1); 21-9.
Special Issue, Horse breeding, and production in cold climatic regions. EAAP Publication No. 3/94
(Elsevier).
Fáein kynningarorð um fræðafundinn “Horse Breeding and Production in Cold Climatic Regions.
Ráðunautafundur Búnaðarfélags íslands og RALA. 8.-11. febrúar, 1994: 72.
Fáein orð til ársþings Landssambands hestamannafélaga um alþjóðleg samskipti um ræktun íslenska
hestsins og fleira. Ársskýrsla stjórnar LH. starfsárið 1993-1994: 23-6.
Heimsleikarnir á íslenskum hestum. Freyr 1994; 90 (5); 158-61.
93