Búnaðarrit - 01.01.1995, Blaðsíða 49

Kúasýningar. Árið 1994 var sýningarsvæðið á Vesturlandi þ.e. frá Kjósarsýslu
til og með Strandasýslu. Skoðun kúnna fór fram í apríl, maí og júní. Samtals voru
að þessu sinni skoðaðar 748 kýr á 168 búum. Þó að nú væru teknar til skoðunar
nokkru færri kýr á þessu svæði en var á sýningum tjórum árum áður var umfang
sýninganna nú meira að því leyti að allar kýr voru dæmdar eftir tveimur mismu-
nandi aðferðum. Verið er að kanna möguleika þess að taka upp línulegt mat eigin-
leika við útlitsdóma á kúm hér á landi hliðstætl því sem um áratuga skeið hefur
verið notað vestanhafs og hefur verið að ryðja sér til rúms víða í Evrópu á síðus-
tu árum. Snorri Sigurðsson, nemandi við Búvísindadeildina á Hvanneyri, mun nú
í vetur nota gögn úr skoðunum á þessu ári til að leggja mat á þessa nýju aðferð.
1 nóvember gekkst Bsb. Borgarfjarðar fyrir fundi á Hvanneyri þar sem niður-
stöður sýninganna á svæðinu voru kynntar og veitti Mjólkursamlág Borgfirðinga
viðurkenningar til eigenda bestu gripanna. Að vanda verður gerð nánari grein
fyrir sýningarhaldinu í Nautgriparæktinni á þessu ári.
Kvíguskoöun. Mikilvægur þáttur við afkvæmarannsóknir nauta á hverjum
tíma er skoðun á vissu úrtaki af dætrum þessara nauta sem þá eru á sínu fyrsta
eða öðru mjólkurskeiði. Þessi skoðun fer fram á sýningarsvæðunum jafnframt
kúasýningum en þeir gripir eru ekki taldir með þegar fjallað er um fjölda
skoðaðra kúa þar. Þar sem ekki var um að ræða kúafleira svæði að þessu sinni en
raun ber vilni verður að leita víðar fanga. Þess vegna fór fram skoðun á kvígum
á svæði Bsb. Eyjafjarðar síðari hluta maí. Auk þess þá var vegna áðurnefnds
verkefnis framkvæmd skoðun á allmörgum búum í Árnessýslu í nóvember og
desember. Af þeim sökum er ekki lokið endanlegri úrvinnslu á gögnum úr kvígu-
skoðun frá árinu 1994. Kýr og kvígur sem komu lil skoðunar á árinu 1994 voru
hins vegar þegar upp er staðið rúmlega 1800 og voru eins og að framan er sagt
allar dæmdar með báðum dómsstigunum.
Að þessu sinni voru til skoðunar dætur þeirra 23 nauta Nautastöðvarinnar
sem fædd voru árið 1988. Þó að ekki liggi fyrir endanlegur dómur um þessi naut
virðist þegar ljóst að hér er á ferðinni jafnari og betri nautahópur en áður hefur
komið fram. Slíkt er að vonum jákvæð þróun og um leið staðfesting þess að það
ræktunarstarf sem unnið er að skilar þeim árangri sem vænst er eins og að sjálf-
sögðu verður að gera kröfu um.
Nautastöðin-Uppeldisstöðin. Forstöðumenn stöðvanna munu í starfsskýrsl-
um sínum gera grein fyrir starfsemi stöðvanna. Eins og áður þá annast ég fyrsta
val þeirra nautkálfa sem bjóðast fyrir Uppeldisstöðina. Nautgriparæktarnefnd er
síðan ábyrg fyrir vali nauta af Uppeldisstöðinni til Nautastöðvarinnar en þegar
það val fer fram hal'a auknar upplýsingar fengist um foreldra kálfsins auk þess
sem nokkuð má orðið dæma um ytra útlit þeirra og einnig eru upplýsingar fyrir
hendi um þroska þeirra fyrsta árið.
Eins og undanfarin ár hefur framboð á nautkálfum fyrir Uppeldisstöðina
verið mjög gott á árinu. Staðan hefur lengst af ársins verið sú að stöðin hefur
47