Búnaðarrit - 01.01.1995, Blaðsíða 56

um hrútum verða hrútar frá fjárræktarbúinu á Hesti meira og meira áberandi með
hverju ári en reynsla síðustu ára hefur staðfest betur og betur ótrúlega mikla yfir-
burði hjá þessu fé í vöðvasöfnun umfram annað fé í Iandinu.
Sauðfjárrœktarnefnd. Nefndin var endurskipuð á Búnaðarþingi 1994. í henni
sitja nú sem fulltrúar ráðunauta, Olafur G. Vagnsson, Hlébergi og Jón
Vilmundarson, Skeiðháholti en sem fulllrúar bænda að ábendingu stjórnar LS
þeir Björn Birkisson, Birkihlíð og Lárus Sigurðsson, Gilsá. Ég hef starfað sem
formaður nefndarinnar og Olafur R. Dýrmundsson starfar sem ritari hennar.
Nefndin hélt tvo fundi á árinu og hefur þar verið fjallað um ýmis almenn
framkvæmdaatriði í ræktunarstarfinu en þó mest um þætti sem lúta að sæðin-
garstarfseminni. Að frumkvæði nefndarinnar var í byrjun haldið námskeið fyrir
ráðunauta á Hesti og Hvanneyri þar sem hugað var að samræmingu í ómsjár-
mælingum og dómstörfum.
Fagráð ísauðfjárrœkt. Ég hef ásamt Olafi R. Dýrmundssyni starfað sem full-
trúi BI í ráðinu. Þar hafa verkefni sem sótt hefur verið um styrk úr þróunarsjóði
komið til umsagnar. Hins vegar hefur takmarkað fjármagn verið til ráðstöfunar.
Hér er samt ástæða til að geta þess að á haustdögum voru ný og glæsileg tilrauna-
fjárhús við Fjárræktarbúið á Hesti tekin í notkun en tilvera þróunarsjóðsins gerði
þá framkvæmd mögulega. íslenskri sauðfjárrækt er nauðsyn að markvissu til-
raunastarfi í greininni sé sinnt. Aratuga starfsemi Hestbúsins á áreiðanlega sinn
ómælda þátt í að efla íslenska sauðfjárrækt þann tíma sem það hefur starfað.
Aður er minnst á þau verðmæli sem með hverju ári verða ljósari og tengjast
áratuga ræktunarstarfi fjárstofnsins þar sem öll fjárrækt í landinu nýtur nú ávaxt-
anna af. A komandi árum þurfa tengsl þessarar starfsemi við fagmenntun í land-
búnaði enn að aukast en til þess eru öll skilyrði vegna nálægðar við Bænda-
skólann á Hvanneyri.
Samanburður fjárstofna á fjárskiptasvœðunum. Ég hef aðeins unnið á árinu
að því að aðstoða nemanda við búvísindadeildina á Hvanneyri, Fanneyju
Lárusdóttur vegna aðalverkefnis hennar þar sem hún mun skoða samanburð á fé
af ólíkum uppruna á fjárskiptasvæðunum. Unnið verður úr gögnum frá búum þar
sem fé af ólíkum uppruna hefur komið á sama bú. Vegna þessa verkefnis fer-
ðaðisl ég með henni á allmörg bú á Austurlandi í október. Vafalítið verða
niðurstöður þessa verkefnis áhugaverðar fyrir fjárrækt á þessum svæðum.
Ritstörf fundir, ferðalög o.s.frv. Ég mun ekki fremur enn vant er birta ritaskrá
hér með. A hverju ári skrifa ég einhverja tugi greina sem flestar birtast í þeim
ritum sem eiga að vera flestum bændum aðgengileg þ.e. búfjárræktarritunum,
Frey, Handbók bænda og öðrum fagritum. Auk þess koma einhverjar greinar á
stundum í erlendum fagritum þó að tími til að sinna síkum störfum sé mjög tak-
markaður. Þá skipta erindi á fundum að öllu jöfnu einnig tugum.
Ellefti árgangur Nautgriparœktarinnar kom að þessu sinni út í apríl eins og
tekist hefur um árabil. I ritinu er að finna mikið af upplýsingum um framkvæmd