Búnaðarrit - 01.01.1995, Blaðsíða 54

nokkur dæmi eru um áður. Eftir hverja á sem skilar lambi fást að meðaltali 28,4
kg af dilkakjöti og eftir hverja lifandi á við byrjun sauðburðar fást 26,7 kg.
Frjósemi ánna var 1,8 lömb fædd og 1,66 til nytja að jafnaði. Sú sprenging sem
þarna verður í afurðum er með ólíkindum en eftir hverja á fæst nú rúmu kg meira
af dilkakjöti en dæmi eru um áður. Yfirlit um niðurstöðurnar úr skýrsluhaldinu
mun að vanda birtast í næsta árgangi Sauðfjárræktarinnar.
Nú um áramót hefur mjög mikið borist af skýrslum frá fjárræktarfélögunum
til uppgjörs og hefur tekist að ljúka uppgjöri fyrir nær 112.000 ær sem er með því
almesta fyrr og síðar. Ljóst er að niðurstöður frá haustinu 1994 verða enn glæstari
en niðurstöður haustsins 1993. Það jákvæðasta í þróun nú er samt að umtalsverður
fjöldi nýrra skýrsluhaldara bætist nú við á þessu hausti. Slíkt er mjög jákvætt. Það
ber líka vott þeim viðbrögðum sem löngu er tímabært að íslenskir bændur sýni að
þeir verða að nota öll tiltæk vopn til að bæta búrekstur sinn. Reynslan hefur sýnt
á óumdeilanlegan hátt að traust og öflugt skýrsluhald er þar ómissandi hlekkur.
Þau viðbrögð sem nú sjást eru vonandi m.a. vottur þess að þetta viðurkenni lleiri
og fleiri þeirra sem utan starfsins hafa staðið og ef svo er þá er vel.
Fjárvís. Eins og fram kom í síðustu starfsskýrslu þá hefur verið unnið að
þróun hugbúnaðar fyrir fjárbændur sem hlotið hefur nafnið Fjárvís.
Forritunarvinnu alla hefur Hjálmar Olafsson, bóndi í Kárdalstungu í Vatnsdal
unnið en verkið hefur verið unnið í faglegri samvinnu við okkur Jón Baldur
Lorange. Vinnan að þessu verkefni hefur gengið með ólíkindum vel að mínu viti.
Viðbrögð notenda hafa verið mjög jákvæð og ábendingar þeirra, vegna frekari
vinnu, hafa verið mikilsverðar. Ekkert vafamál er samt að hin einstaka natni og
vandvirkni Hjálmars í tengslum við þetta verk á mestan þátt í góðum árangri
þess. í mínum huga er ekki lengur neitt vafamál að þessi þróun mun verða
almennu skýrsluhaldi í sauðfjárræktinni mjög mikilsverð. Verk þetta er unnið
með styrk frá þróunarsjóði sauðfjárræktarinnar.
Hrútasýningar. Sýningarsvæði vegna aðalsýninga í sauðfjárræktinni haustið
1994 var á Norðurlandi frá svæði Bsb. Eyjafjarðar vestur í Hrútafjarðarbotn auk
Mýra- og Borgarfjarðarsýslna. Eg mætti sem aðaldómari á sýningum í Eyjafirði,
Skagafirði og Vestur-Húnavatnssýslu en Jóhannes Ríkharðsson dæmdi í Austur-
Húnavatnssýslu og Sveinn Hallgrímsson í Mýra- og Borgarfjarðarsýslum.
Þátttaka í sýningunum var gríðarlega mikil og komu samtals 2365 hrútar til dóms
á sýningunum sem er umtalsverð aukning frá því sem var fyrir fjórum árum.
Vegna sauðfjárræktar var ég á samfelldum ferðalögum í um mánaðartíma í sep-
tember og október.
Enn ánægjulegra var samt að aukning í skipulegri skoðun á lambhrútum var
enn á þessu hausti. Til uppgjörs hafa komið upplýsingar fyrir rúmlega 5500
hrútlömb eftir skoðun haustið 1994 og af þeim voru um 5150 með ómsjár-
mælingu. Nú er orðið augljóst að með ómsjánni sem nú er komin til nota hjá
öllum búnaðarsamböndum sem sinna ræktunarstarfi í sauðfjárrækt hefur
52
J