Búnaðarrit - 01.01.1995, Blaðsíða 82
efnahagsbati framundan og mun það hafa jákvæð áhrif á hrossaræktina en þó
ekki fyrr en eftir eitt til tvö ár því hestamennskan er munaður í flestum tilfellum
og því berst fjármagn ekki til hrossaræktarinnar við fyrsta bata í efnahagslífinu.
Hitt er svo aftur á móti augljós mælikvarði á að ekki hefur efnahagslægðin orðið
mjög djúp síðustu árin fyrst neysla á hrossakjöti jókst ekki en hrossakjöt er
ódýrasta kjötið á markaðnum. Þar að auki er kjöt af folöldum og trippum ljúf-
feng og holl fæða og ekkert kjöt hér á landi er nær því að geta talist lífrœn fram-
leiðsla en hrossakjöt og þá alveg sérstaklega folaldakjötið.
A árinu 1994 voru flutt úr landi 2758 hross: 75 stóðhestar, 1349 hryssur og
1334 geldingar. Helstu markaðslönd voru Þýskaland með 48% sölunnar og
Svíþjóð með 18%. I samanburði við síðastliðið ár sést að sú þróun heldur áfram
að útflutningurinn eykst ár frá ári. Jókst hann t.d. um 10% að höfðatölu til, frá
1993 til 1994. Utfluttum geldingum fjölgaði mest, um 15%, hryssum um 9% en
stóðhestum fækkaði um 13%. Ut frá þessum staðreyndum og því að meiri hreyf-
ing er á útflutningi til nýrra markaðslanda en áður var, og þá fyrst og fremst til
Bandaríkjanna, auk þess sem sagt var hér í upphafi um jákvæða verðþróun í
útflutningnum á síðastliðnu ári, er full ástæða til að vera heldur bjartsýnn á
framtíð þessarar búgreinar. Eigi að síður verður að halda vel vöku sinni á
vettvangi markaðsmálanna. Þar þyrfti að huga betur en gert hefur verið að
faglegu markaðsstarfi, t.d. í samstarfi við Útflutningsráð. Varðandi möguleikana
á enn jákvæðari þróun markaðsmálanna á næstu árum munu ný lög um útflutn-
ing hrossa sem samþykkt voru í lok ársins örugglega hafa mikið að segja en til
að hrossakynbótunum geti enn lleygt fram þarf verðmætasköpun búgreinarinnar
að aukast og þar eru vitaskuld markaðsmálin undirstaðan.
Starfsemi leiðbeiningaþjónustunnar í hrossaræktinni var með líku sniði árið
1994 og verið hefur nú allra síðustu árin. Um það má víða fræðast nánar en orðið
getur við lestur ársskýrslunnar lengdar hennar vegna. í því sambandi skal
einkum vitnað til Hrossarœktarinnar, ársrits Búnaðarfélags íslands um hrossa-
rækt og til ýmissa greina, sjá ritaskrána hér í lok skýrslunnar.
Hin ýmsu verkefni s.s. ritstörf, erindaflutningur, fundarsetur, nefndarstörf,
vinna við uppgjör í skýrsluhaldinu og sjálf dómstörfin röðuðust með hefðbundn-
um hætti á árið, sjá t.d. síðustu starfsskýrslur, en tökin sem beitt er til að leysa úr
verkunum þurfa að fela í sér nýjungar um leið og byggt er á því sem vel hefur
reynst.
Dómstötf og sýningar. Sýningahaldið gekk vel á árinu og bar þar hæst mjög
vel heppnað landsmót hestamanna á Gaddstaðaflötum við Hellu 28. júní til 3. júlí
og væri að bera í bakkafullan Iækinn að hafa mörg orð um það mót hér. Aðrir
atburðir í sýningahaldinu stóðu mjög í skugga landsmótsins og fóru enda flestir
fram vegna þess. Þess skal þó getið að landsmótið 1994 er eflaust stærsta og
80