Búnaðarrit - 01.01.1995, Blaðsíða 48

leiðsla byggir orðið að ótrúlega stórum hluta á íslensku grasi. Jákvætt í þróun var
einnig að próteinprósenta í mjólk var nú að meðaltali nokkru hærri en nokkur
undangengin ár eða 3,44 %.
Af búum með 10 árskýr eða fleiri var bú Gunnars S. Sigurðassonar á Stóru-
Ökrum í Blönduhlíð með mestar meðalafurðir á árinu 1993 en 16,8 árskýr á búi
hans skiluðu að meðaltali 6340 kg af mjólk. Fjögur önnur bú náðu yfir 6000 kg
meðalafurðum á árinu 1993: Félagsbúið í Baldursheimi í Mývatnssveit ( 6274
kg), Viðar Þorsteinsson í Brakanda í Hörgárdal (6232 kg), Krisján B. Pétursson,
Ytri-Reistará í Arnarneshreppi (6092 kg) og Sverrir Magnússon í Efra-Asi í
Hjaltadal (6061 kg). Af einstökum kúm skilaði Rauðbrá 141 í Efra-Ási í
Hjaltadal mestu mjólkurmagni samtals 9483 kg.
Framkvæmd skýrsluhaldsins á árinu 1994 hefur gengið á allan hátt mjög vel.
Ekki liggja enn fyrir niðurstöður en framan af ári virtist gæta aukningar í
mjólkurframleiðslu en ýmislegt bendir til að nokkurt fall hafi orðið í henni á
síðustu mánuðum ársins. Skýring þess er að gróffóðrið frá sumrinu 1994 er
greinilega víðast um land nokkru lakara en það hefur verið nokkur síðustu ár.
Einnig er ástæða til að benda á óeðlilegt ástand í sambandi við sölu á nautakjöti
á síðustu tveim árum sem hefur leitt til að víða standa í fjósum kýr í litlum
afurðum miklu lengur en gerst hefði við eðlilegt ástand. Slíkt lækkar meðalaf-
urðir.
Ástæða er að geta þess að í desember var hafin dagleg skráning hjá
frjótæknum í Eyjafirði á sæðingum þeim sem þeir vinna. Slíkt verður vonandi
upphafið að hraðri áframhaldandi þróun í þeim efnum.
Eins og fram hefur komið í starfsskýrslum áður var, að frumkvæði LK, með
tilstyrk frá þróunarsjóði nautgriparæktar, hafin vinna við hugbúnað fyrir
einkatölvur fyrir kúabændur síðla árs 1992 og unnið að því verki áfram á árinu
1993. Á árinu 1994 vann ég áfram nokkuð að faglegri leiðsögn í tengslum við
þetta verk en því miður þá lagðist þessi vinna niður síðari hluta ársins m.a. vegna
óvissu um fjármögnun starfsins þannig að því miður er þessi hugbúnaður enn
ekki kominn á almennan markað. Hins vegar er ég að vona að þessi vinna geti
hafist að nýju að fullum krafti snemma á nýbyrjuðu ári.
Júgurbólguskýrslur. Á árinu 1993 voru send til allra skýrsluhaldara í naut-
griparæktinni sérstök skýrslublöð til upplýsingaöflunar vegna júgurbólgu.
Hugmyndin er að þessum skýrslublöðum sé síðan safnað einu sinni á ári til
úrvinnslu í framtíðinni. Fyrsta söfnun þeirra fór fram á árinu 1994. Þau viðbrögð
sem þar fengust voru því miður ekki jafn almenn og ég hafði vænst út frá al-
mennri umræðu m.a. á meðal kúabænda um nauðsyn forvarnarstarfs í þessum
málum. Þegar þetta er skrifað er úrvinnslu þeirra gagna sem hafa skilað sér ekki
lokið en mér virðist augljóst að þrátt fyrir að viðbrögðin hafi í upphafi ekki verð
almennari sé þörfin fyrir þessa upplýsingaöflun það augljós að þessu starfi verði
haldið áfram á þessu ári og leitað leiða til að efla það.
46