Búnaðarrit - 01.01.1995, Blaðsíða 53

Samanburðartilraun með íslenskar kýr og NRF kýr í Fœreyjum. Á síðustu
árum hefur aukist umræða um að ef til vill bæri að flytja inn erlend kúakyn. Til
að mögulegt sé að meta hugsanlegan ávinning af slíku er nauðsynlegt að hafa
hugmyndir um framleiðslugetu íslensku kúnna í samanburði við erlend kyn við
hliðstæðar aðstæður. Slíkar upplýsingar eru engar fyrir hendi. Fyrir rúmu ári
kornu til umræðu möguleikar á að framkvæma slíka tilraun í Færeyjum. Þar í
landi eru kýr af NRF kyni ( norskar rauðar kýr) sem eðlilegt virðist að skoða sem
úrtak úr norska kúastofninum. Vart hafði orðið áhuga hjá bændum á Færeyjum
að flytja inn íslenskar kýr. Sótt var um fjármagn til að framkvæma saman-
burðartilraun til Vestnorden sjóðsins sem veitti það fé. Gunnar Ríkharðsson
hefur haft forgöngu um framkvæmd mála hér á landi. Peter T. Haahr lilrau-
nastjóri við Royndarstöðina í Kollafirði í Færeyjum kom fyrst hingað til lands í
mars til að vinna að skipulagi tilraunarinnar. Ég vann síðan á vordögum að vali
gripa til útflutnings í samvinnu við Svein Sigurmundsson en þeir voru valdir úr
vissum sveitum á Suðurlandi. Gripirnir voru síðan fluttir til Færeyja laust eftir
miðjan júní, um 20 óbornar kvfgur. Þessar kvígur hafa síðan verið að bera á
haustdögum og virðist tilraunin að öllu leyti ganga samkvæmt áætlun það sem af
er. Ekkert vafamál er að þetta er einhver merkasta tilraun sem til þessa hefur
verið gerð í íslenskri nautgriparækt vegna þess að niðurstöður hennar kunna að
ráða miklu um framkvæmd ræktunarstarfs í nautgriparækt á komandi árum.
Tilvera þróunarsjóðs í nautgriparækt hefur einnig haft ómetanlega þýðingu við
að koma þessari tilraun í framkvæmd.
Litaspjald. Eitt af sérkennum íslenska kúastofnsins (raunar íslenskra
búfjárstofna) í samanburði við erlend kyn er rnikil fjölbreytni lita. Ákveðið var
að vinna að því að koma upp litaspjaldi til að sýna þessa fjölbreytni. Jón
Eiríksson á Búrfelli var fenginn til að vinna ljósmyndavinnu vegna þessa. Hann
hefur lokið þeim þætti og er nú fyrir hendi frábært safn góðra mynda til að vinna
slíkt spjald úr.
Sauðjjárrœktin. Ég hef eins og undanfarin ár annast flest verk sem lúta að
ræktunarstarfinu í sauðfjárrækt vegna starfsleyfis Sigurgeirs Þorgeirssonar.
Skýrsluhaldið. Snemma á árinu 1994 var lokið uppgjöri á meginhluta af
skýrslum fjárræktarfélaganna frá haustinu 1993 en heimtur á síðustu skýrslum
ganga yfirleitt hægt en aldrei hægar en að þessu sinni þar sem síðasta fjárbók frá
haustinu 1993 barst til uppgjörs á síðustu dögum ársins 1994 og því er endanlegu
uppgjöri ekki lokið nú um áramót. Skýrslur frá árinu 1993 munu verða frá um
925 skýrsluhöldurum og skýrslufærðar ær unr 165.000. Þannig á sér stað nokkur
fjölgun skýrsluhaldara og fjöldi skýrslufærðs fjár helst nánast óbreyttur þrátt
fyrir verulega fjárfækkun í landinu. Virðist mér raunar að hér á landi muni nú
vera að finna hlutfallslega öflugri starfsemi á þessu sviði en gerist í öðrum lönd-
um en nú er svo komið að rúmur þriðjungur al' fjárstofni landsmanna er
skýrslufærður á vegum fjárræktarfélaganna. Afurðir haustið 1993 voru meiri en
51